ملاك بدون رحمه

part 2

صـوتو حبايبي علمود ترتفع القصه
+ لاتنسون تضيفوني علمود تجيكم اشعارات البارت 🦋

بديت اقره الي موجود بالكِتاب وحسب عدد المرات
فجأة سمعت صوت وكعه درت وجهي وشفت
بزونه سوده بعينان صفر تتجه نحوي
جفلت وكمت اصرخ وخليت ايدي على أذاني
" يمههههه لحكيلي " ، القطه اقتربت كلش مني خرمشت خدي واختفت كأن شيءٍ لم يكن باوعت ايدي كلها دم وملابسي اتسخت
الألم أكلني وحراره بوجهي فجأه هبت نسيم ريح عطرها اشبه بِرائحة المِسك وخطف من جانبي خيال سريع
ضليت انادي
ريم؛ منو هنا فدوه لاتخوفوني ، روى كفيني شرج سلبوحه ماعايزه خوف
- صار صمت بالمكان كمت بكل ألم اخذتني رجلي للحمام بديت اغسل خدي واعقمه سمعت صوت
" الله اكبر الله اكبر " عرفت إذن الفجر بس مابيه اكوم تعبانه رحت دخلت بفراشي وتمددت حسيت نومتي بدت تثكل
ودخل شخص بفراشي حسيته حضني ومسح على راسي استرخيت وبديت انام حسيته بابا
نمت ورا شويه اندفعت بقوه و شعر رأسي ممسوك بقوه
كأن شخصًا عملاقًا يقتلعُ شجرةٍ من أرضها
ضليت اردد سورة الفاتحة وقريت المعوذات
انهديت بسرعه ركضت افتح الباب وطلعت بالحديقه عدنا مرجوحه تمددت عليها وغفيت
**
الصبح

روى : ريوممممم اكعدي يلا وين مطموره
ريم : ممم
روى: ايي الظاهر مراح تكعدين خلي اكعدج بطريقتي
ريم بفزه : ياحقيرهههه باباا تعاللهاا راح تموتني
روى : نيهاهاهاهاهااا
ريم : اني الج الدنيا دواره ياحقيره

كمت الصبح تريكت وغسلت المواعين كعدت ع التاب شويه
صارت الساعه بـ ١١:٣٠ طلعت تمشيت بالحديقه ونسيت شصار البارحه او عقلي ماناوي يتذكر فقط اتذكر صار شي مو زين
سقيت الزرعات الي اني سويتهن من جنت سادس ابتدائي روحي بيهن
_ رجعت للغرفه باوعت بالمرايه وجهي صافي خاب فدوهه اروحلي ههههه خمطي من كريمات روى وبديت اخلي لوجهي واتمزمز گبال المرايه اخذت التاب وگفته بالماسكه وبديت اصور فيديوهات ادزهن لصديقتي الوحيده ايلاف
اتصلت عليها فيديو
ايلاف : خاب هلا بسورها ونورها شلونج بذاته
ريم : انطمي اني مو بذاته بس مشغوله
ايلاف : اي اي قشمري عليه بكلامج هذا ، بيش الساعه كعدتي
ريم : هاي روى الحقيره كعدتني ب٩
ايلاف : عاشت ايدها والله عدنا امتحان لو هم ناويه تغيبين
ريم : لا ما اغيب اجي علمودج اريد اشوفج كتب اشتريتها
ايلاف : هو بس هذا الفالحه بيه ماتقرين دروسج كاضيتها بس كتب تلهيج عن دراستج
ريم : اهو انتي سجاجه الا هيج اكلج
ايلاف : فديتني بالعباس
ريم : دولي ولي خلي اروح اراجع واتغدى وابدل واطلع راح اتأخر
ايلاف : كومي يلا باي
ريم : هلو
**
بدلت ومشطت شعري لأنو اني سافره ومشيت للمدرسه شفت واحد يباوعلي بس ما اهتميت ، ورا شويه لحگني وصوفر چان گبل يجي ابو دراجه يدعمه ..
اصفر وجهي من شدة الموقف الولد غرك بدمه وحتى محد ساعده
ركضت سريع لحد ما وصلت مدرستي سولفت لأيلاف على كلشي صار بالولد كالتلي حوبتج هاي