ملاك بدون رحمه

Part 25

بَيضاءُ باكَرَها النَعيمُ كَأَنَّها
قَمَرٌ تَوَسَّطَ جُنحَ لَيلٍ أَسوَدِ

******

مرت الأيام

وبعد يوم واحد ويجي حُسام أنا قررت انضف البيت واشتُغل زين لأن من اجيت لهسه انا بس مرتين منضفته
كمت سويت حلويات والتهيت بيهم ماحسيت غـير دگه خفيفه ع الباب

روى : مـنو ؟

- أنا

روى : فتحت عيني وانا اشوف وجهه تعبان و سانده صديقه

- اغوحلك فدوا خيتي هذا رجلِك رجلو مرضوضة يحتاجلو علاج وانا اخذتلو أجازه وجبتو بسيارتي وهو يون من الألم اترخص مِنك انا

- اخذت حُسام وسندته وأنا بداخلي اكول شنو بس رجلي كل شوي ساعه مصوبينه ساعه مكسرينه هفف

- كافي وين موديتني

- للغرفه ع السرير

- لا خليني ع القنفه هنا

- مايصير تحرك وياي يلاا

- امري لألله ، اخخ امشي ع كيفج ليش تركضين

- عندك علاج مو

- اي جايب هذا

- اخذته وانا اخليه ع السرير وكعت عليه اذا هو شثكله وانا بكد النمله لو ينفخ عليه اطير

- اخخ رجليي يمعوده هوب وين شطح بالچ ربي هم صارت فاهيه

- هاه وخرت اوكف ، طلعت اركض وانا كلبي يخفگ شني هاي شضخماته سحبني ويا

طلعت ونصيت النار خليت المرگه تستوي ورحت حميت مي وجبت خاولي ورحت قريب يمه

- حُسام

- هممم

- بس حدفي مكان الألم شوي بلكي تتحسن

- تمام

- بديت اصعد بردن البنطرون وشفتها صايره زرگه ، هو يباوع ولا شال عينه وانا هم مباوعتله ضليت إشتغل ودهنت رجله بزيت الزيتون من خلصت اجيت إطلع وهو صاح

- عيني

- رديت ليورا وكلتله سالمه ، گول

- لاتسوين شي انا ما جوعان

- بس مو سويت اكل وخلص ومسويه حلاوه ماتاكل وياي ؟

- بعد شوي أكل مو هس

- أوك بس اطفي النار وأجي

- منتظرج ، بگلبي" يربي هاي شلون وياهه "

- ورا شويه أجيت چانت دُنيا صبح حتى بعد وقت للأكل نعست وبديت اتثاوب وردت اروح صاح

- وين

- اغفى شوي

- لا تعاي هنا انا اگوم ع القنفه متعود

- ماريد

- كلتلج تعاي لاتعانديني

- أوك ، اخذت فراش وفرشته بالگاع شلت راسي لكيت عيونه ناطه يخزر كلتله بخوف هها ؟

- وين جوه وين مو هاي جربايه شكبرها شعرضها ماتكفي عمي انا كايم

- مامتعوده احد ينام يمي والله

- مو يمج عمي بعيد عليج والله

- أوك ، تقربت وأنا بازعه روحي يعني شدعوه عليه هو يكول ما اطخج وهسه يصيح نامي هنا ، متمدد بوسط الجربايه حتى ما الي مكان شلت راسي باوعلي بعيون مُتوسله وهو يأشر ع ايده

- نامي هنا

- مددت ع ايده وهو سحبني اله كلتله اتضايق احد ينام يمي اناا
سحب خصلة من شعري شمها وأردف أفُيش، دفنت راسي بصدره ما اريد أشوف نضراته، لمني بأيده وكال

- بويا ترا انه ما اكل بشر

- سويت روحي نايمه بس نفسي يصعد وينزل، رفع راسي شافني نايمه قرب شفته وطبع بوسه خفيفه بخدي قريبه على شفتي ايديه ترجف ومرتبك اكثر مني يمكن تذكرت حچايته من گال

" بويا انه من روحي اخاف عليج اعتبرج فراشه رقيقه ماتنجاسين وحتى الي يجيسج يحتاج أياممم يتمعن بتفاصيلچ عبن انتِ مو عاديه "

**********

In the near future/Iraq /Dhe Qar

- استعجل ميلاد ريمه قرب

- دوكفيلي بويه بس افتح السياره ، ولجج خويه مرتضى عندج ؟؟؟

-عنديي ولا يهمك روحو تونسوا

- طلعت اجيب لميلاد عزيزة روحي ومرتي تزن براسي

- لك عيني دكافي عيونك رايحه وكل يوم نابش هالمستشفى نبش وتسترجع ذكريات ترا انا مرتك مو هيه
صارو عندك جهال وما خلصنا من سالفة البچي
زين ابچي بس مو كدامي هو حقك هي راحت لدار الحق انساها
راحت للأرحم مني ومنك
شو بنتي وسميتها على اسمها وماكلت شي
بس اصحى ع نفسك لا تضيعنا وياك فدوه

- كافي توركان بداعتي اسكتي انا مابيه حيل وخلص اوعدج مراح اجيب طاريها يمج ولا تمر ببالي وأنت موجوده، كل يوم ٣ مرات تنعاد هالسالفه الماتخلص بزعتها لروحي

نزلت تسوگنا غراض هواي لميلاد بنيتي وردينا

***********

almost

كاعده بعتبة الباب واقرا بالرساله

- هلو رورايه اتمنى تكونين بخير
اذا لكيتي هالرساله كولي صار عليا شي
روى عيني تدرين كلش زين بأخر فتره كمت اضم عليچ هواي شغلات ومنهم ذاك الدكتور ابو راس معنجر روى ادري ماتقبلين هالحچي بس انا احبه واذا صار عليه شي فدوه كوليله يشوف حياته لا يتردد، الموضوع الثاني الي شايفته بيچ هالفتره انت مو على بعضج تتذكرين من خابر ذاك الرقم الغريب عليج انا فتحته
كبل نطق بدون ما احچي وكال

- احبچ روى وروح أمي

- نصيحه من اختج الصغيره هالزلمه سبع وأكثر من مره شايفته يلحگج ترا ، مره شفته متچي ع الشجره ويبجي ويباوع لجهه الشباك
عيني بالج عليه وعلى امي حتى لو تدزيلها بالشهر خمسين الف لاتگطعين منها ...
احبچ ولچ ♥️

*******

كعدت العصر حسيت رجلين محاوطتني
شميت ريحة عطر تحركت شويه ورجع شدني اله
همس بصوت نعسان ...

-هايم بيج انه ...

يتبع ...❤️❤️

نجمه بسع دوسو نجمهه لاتصير بالسچاچين 😂🤍