اسراء اللامي
لاتنسون التصويت
********
ريم : كعدت على صوت انفاس دافئة تلفح أذُني
ريم : انداريت ماشفت احد !!
مشيت بهدوء فتحت الباب ومشيت توجهت للمطبخ غسلت وجهي لاگتني ايلاف
ايلاف : صح النوم بويه شكد نمتي
ريم : حاسدتني ع نومتي يمههه
ايلاف : منو كلج عيني حاره
ريم : حدسي قوي
ايلاف : خب كمي وهسهه تعاي نتعشى
ريم : رحت جوه نزلت شفت ام ايلاف
ريم : هلو خاله
ام ايلاف : هلا يمه فوتي تعاي تعشي
ريم : تمام ، رحت اتعشى واني مُطمأنه ابو ايلاف صديق ابوي وثنينهم ملتحقين وايلاف وحيدة اهلها كعدنا ناكل والصمت يعم المكان شبعت وگمت غسلت وتشكرت ام ايلاف
ورا شويه طبت ايلاف چانت لابسه بجامه اعرض من بجامة جدي وتربعت بالكاع وحاطه صحن فواكه
ايلاف : تعاي اكلي
ريم : شكد تاكلين دكافي كرشج شكبره اني اريد اضل رشيقه ماريد اكل
ايلاف : خب كمي لو لااا اوكفي أريد تحچيلي منو هالدكتور
ريم : واحد طايش كل مايشوفني يلحكني وسدي الموضوع لطفًا اني بعدني صغيره
ايلاف : اوك اوك ست ريم
ريم : شفتها بدت تباوع مسلسل وبالها مو يمي رحت للمكتبه اخذت ورقه وقلم وبديت أرسم شخبطت هواي ودرت الورقه اكمل ماحسيت غير ايدي راسمه مُثلث ببطنه علامة اكس ( مثل الطلسم )
، شكيت الورقه وذبيتها
تمددت ع طرف الجربايه ورا شوي اجت ايلاف ذبت روحها ذب ع الجربايه حسيتها راح تنكسر ولا چنها ام النفرين
ريم : وجع شكد تتحركين جنج فيل
ايلاف: ماغيرج فيل والله
ريم : انطمري بدون صوت بعدني دايخه اريد انام
ايلاف: اوكي اوكي
ريم : والله وصدك نمت وگضيت اليوم كُله نايمه حت عيب من ام ايلاف لاطلعت ولاشي بس نايمه جا المن جايتهم هس انه كعدت الصبح بعد ما اكعدهن خطيه عدلت نفسي ومشطت شعري وطلعت طبگت الباب وراي
*********
في المُستقبل
- ارجوك اتركنييي حل عني يا اخي لعنة الله عليك شنو انت كل هالوقت وانت كذابب تكذب عليه الله لايخليك الله ينتقم منك
أنت تقرأ
ملاك بدون رحمه
Mystery / Thrillerتَستيقظ لِترى نَفسها في غُرفة مُضلمه قُفلت عليها َأبواب الغُرفه شَبابيك النافِذه عاليه تَفزُ مِن صوتٍ مُرعبٍ يهمسُ بفحيح وإنفاسهُ تلفحُ وجهها فينطُق " قُولي نَعم لأحُررك مِن قُيودك " يَتبع ...
