ملاك بدون رحمه

Part 23

علي :

"فارقتُ من أهوى و ذبتُ لبُعده
‏و ظننت أن غيابه ينسيني
‏أوّاه لم أزدد سوى شوقا لهُ
‏زوروهُ عني بلّغوهُ حنيني"
ِ

روى :
أول مرّه أحُط كَلبي إعله متني
أول مرّه أحس محَد يحبني
أول مرّه أرضه عيُوني يبجَن!
أول مرّه أندمن لمَن أشتاكَ ..
أول مرة هيچ يذلنِي الفراكَ .

حُسام:
يامن مكدر عليّ غيرك فصاله صعب
ياللذتك بريتي وين الكه مثلك هوى

**************

حُسام : كعدت نص الليل فتحت باب الغرفه وفتت على كيف...

اباوعلها مغطيه حتى راسها تقربت اشوفها ..
شلت البطانيه و شفتها حمره من الألم .
تلمست گُصتها حاره من السخونة..
ركضت سريع جبت الها كمادات وخليتلها .. انطيتها خافض حرارة بس ل4 الصُبح وهي على هالحاله مُستشفيات ماكو ..
شلتها من ظهرها واخذتها جوه الحنفيه الباردة حد ما فكت عينها وكالتلي

: هاي شدتسويي أنت!!!!

-: اشش مسخنه شايفه روحج انت ؟

-: ومنو كالك اريد اطيب عوفنيي

- اي مو هيه هيته دتعايي ، كومتها ونشفت شعرها وهيه معانده ورا شويه شفت ملابسها لزگن عليها من المي كمت جبت دشداشتي وكلتلها ..

- البسيها لاتضلين هيج خمس دقايق وأمرلج انطيج العلاج
طلعت وسديت الباب
ورا همس دقايق ضبط دخلت للغرفه
طبع الباب مال الغرفه مايطلع صوت ..
شفتها دايره وجهها وظهرها صافي جُمار .. صار النفس يصعد وينزل بسرعه طلعت وسديت الباب
صورتها ماتروح من عيني كمت اسب وأشتم

- ابن ***** بنيه اختها ميته تعاين عليها شني اي مو **** من ربيبه وشيل أيدك چا ياهي ربتك نعلعله سلفاك
ورا شويه رجعت دخلت لكيتها لابسه دشداشتي السوده
طالعه عليها گونيه انا فهيت عليها ..

- احححم جبتلج العلاج

- ماريد

- مو هو بكيفج

- اريد حزام

- ليش

- اشده فوك الدشداشة طالعه چني عُربيه

- صار ، رحت جبتلها واجيت شدته فوك الدشداشة وانا صورة ظهرها ماناويه تروح انعل ساسك حُسام بس تجيسها

- دواج هذا اخذيه ، وقربتلها ايدي

- ماريد

- راح اشربج ايا غصب ترا

- ماتكدر بعدين هي هيته

- انا سمعت الماتكدر وكُبل رحت حطيت الحبايه بحلگها وكلاص المي هي تشرب وتبلع ريگها وانا اشتعل شيب الخلفني ضليت صافن