السلام عليكم بنوتات
لاتنسون التصويت ❤️🔥
_______
سديت الكتاب ودخت ما كملت بقية الانواع حسيت طگطگه غريبه بالبيت رحت بالمطبخ اكل شي
طلعت الغدا وتغديت وامي بالغرفه ابوي اسبوع يجينا واسبوع بالواجب وبالاسبوع اللي يجينا بيه يشتغل كهربائي مايحب يكعد مع العلم راتبنا زين
صعدت للغرفه مالتي وصار بوجهي محمد
ريم : خايب انت شنو تدخل لغرفتيي
محمد : نسيت ساعتي بالغرفه قبل شوي جنت نايم
ريم : شنو ومنو كلك تنام ع فراشي تعرفون اني ما استنظف احد ينام ع فراشي
محمد : اي دكفينا عاد شلون فراش هو ام الجن ، وخري اريد انزل سوي مجال ساده الدرج سد
ريم : وجع كون ، الله ياخذك
- كلت هاي الكلمه وهو ينزل الدرج عثر وطاح حلگه ع حافة الدرج وضل ينزف
ريم : ولك ولككك شنوو شمالك اثول ولج روى ساعدينيييي
اجت روى تتململ
روى : شبيج وصمخ ، يمههه شمسويه للولد
ريم : والله ما سويتله شي ساعديني
شلناه مددناه بالصاله وعقمنا حلگه وهو يصرخ
ناهده : يمصخماتتت كتلتن ابن اختي بويه شتكول عليه هسه
روى: ماما هاي ريم والله اني معليه
ناهده : انه الج ، تعال حمودي تعال اخذك للمستوصف
__
ريم : اخذته وطلعو ، خابرت روى عليهه كالت يحتاج خياط وراح يتشوه حلگه حسيت بذنب لأن دعيت عليه ، اوو هسه اني شعليه هو اعوج بس تعاي يا ريم تنكتلين علموده خلي اقفل الباب واكلهم راح انام واذا اجت اغلس ما افتح الباب
فتحت الكتاب الاول صراحه جذبني موضوع الجن بيه فـ تعمقت شويونه بيه
اليوم فتحته وقريت هواي منه والخوف تملكني
بديت اكمل بيه وتعودت ع حركه تصير بغرفتي واعرف هو كتاب
مو زين بس اشبع فضولي لا اكثر ، سديت الكتاب وفرشت كتبي وبديت ادرس انكليزي حفظت التصاريف والفعل المضارع البسيط
وحليت تمارينهن
كلت هسه اتمدد اريح جسمي
تمددت حسيت شخص يحاوطني بأيديه واني على الفراش
ارتخيت بين ايديه وهو يمسد على راسي بهدوء غفيت
كعدت على صوت ابوي وهو يدك الباب
حبيبي جاي من الواجب ، ركضت فتحتله الباب وحضنته وهو باس راسي شاف الانكليزي والاوراق مشككه وعيوني بيهن نعس
كال : يلا بنيتي كملي دراسه وروحي نامي ضاملج مفاجأة باجر العصر
ريم : شنيه بابا عليك الله كول
بابا : اول شي لا تحلفيني ثاني شي شلون تتسمى مفاجأة اذا كلتلج
ريم : قنعتني قنعتني
بابا : يغمزلي ويكول اعجبج
ريم : بابا مشتاقتلك ما تاخذ اجازه طويله شويه
بابا :لا بويه يردونا بالواجب انتي بس ادعيلي
ريم : هف تمام ، هسه شكد عطلتك
بابا : 3 ايام وارجع
ريم : امرنا لألله ، مم اكلك باباتي
بابا : كولي ريمتي
ريم : عادي انام بحضنك اليوم
بابا : ههههه كبرتي ولج هسه ناهده تدفنج
ريم : ديلا بابا روح هيه منا شلون متحلفتلي بكتله
بابا : اني اهديها معليج يلا تصبحين على خير
ريم : تلاگي الخير
طلع بابا واني سديت الباب وفتحت البرده والشباك
ضليت اباوع ع النجوم وصافنه بالگمر ، شفت برُكن السطح خيال يتحرك ما انطيته اهتمام جنت متجاهلته بس رعب بداخلي وحسيت نفسي قويه مو اني بت الـ ١٣ سنه ، تقرب الخيال نحوي
سديت الشباك وكعدت ع فراشي ركض
نسيت ما سديت البرده علگت الـ تيبل لامب الخفيف ونمت
أنت تقرأ
ملاك بدون رحمه
Mystery / Thrillerتَستيقظ لِترى نَفسها في غُرفة مُضلمه قُفلت عليها َأبواب الغُرفه شَبابيك النافِذه عاليه تَفزُ مِن صوتٍ مُرعبٍ يهمسُ بفحيح وإنفاسهُ تلفحُ وجهها فينطُق " قُولي نَعم لأحُررك مِن قُيودك " يَتبع ...
