ملاك بدون رحمه

Part 28

مساء الخير بنات شلونكـمم

بسم الله

لن تنتهي مُعاناتك إذا استمريت بِنفس ردة الفعل ...

**********

رجعت البنيه تتردد لشقة صديقتها ودوم اشوفها وما بيناتنا غير السلام ومـره عزمتها غدا بس رفضت وگالت

- اذا تريد اتفضل لبيتي

ثاني يوم أجتي دگت عليه الباب وكالت

- أبو حسين اليوم غداك يمي وما اريدك ترفض

هنا صدك بدلت واخذت وياي علبة حلويات ماعرف شيسموهن بدولتهم بس هي تشبه الكُنافة

ورحت حوالي ساعه ١ ونص الظهر

توركان: عيناي هلا بيك تفضل ...

- شلون الأمور

- الحمدلله على الله ليش واكف تفضل جوه

- دخلت وهي راحت ترتب الأكل ، شفت عندها ولد يطلع عمره حوالي اربع سنين ، أجت وجايبه عصير ووياه كاسة ماي صراحه ترددت اسألها بس مادري منين اجتني الجرأة وسألت

- توركان اول مره ادري عندج طفل

- ههه

- شنو إسمه ؟

- صدر الدين

- هو ابن صديقتي المتوفيـة أبو أنسان حشاك مو زين عيب تنگاله كلمة أب وهيّ وصتني بي قبل ﻼ تتوفى

- ياا الله يرحمهاا

- ما اريد اطول عليك تفضل للأستقبال حطيت الغدا

- دخلت وچان مرتب وتنسيقه هاديء وهيّ مسويه أكل هواي
جابت صدر الدين وضلت توكله

- اكلج اسمه مو ثكيل شوي هههه

- إي انا ادلعه دودي هم اختصار وهم باوعله چنه دوده مايحچي

- ظالمته بهالدلع

- هو تعود بعد ...

- استمرينا نحچي حچينا هواي اللي عرفته منها هي اهلها مُطلقين وعايشة عند أبوها ويا أختها الجبيره وأجت هنا تكمل دراستها وترجع ...
ماذكرت اي تفصيل يخص امها ولا انا اريد اسأل خاف تنحرج

خلص الغدا وهيّ اصرت ابقى اشرب چاي

- بويه لاتزحمين روحج

- على شنو هو جاي

اجت جايبه جاي ووياه بسكت

- مو تونا ماكلين

- انا متعوده هيج يلاا شبيك علي مد ايدك

- وصدك شربت الجاي وطلعت ، بهالفتره علاقتنا قوّت ودرت بيه حبيبتي متوفيه عرفت كلشي عن حياتي ظلت حياتها اللي بيها غموض كل ما تحچي

- توركان انسانه طيبه وبسرعه تنحب غير هيج أكلها اللي كل ما تمرلي من الباب شايله وياها جدريه