ملاك بدون رحمه

Part 30 ( the end)

- استعجل ميلاد ريمه قرب

- دوكفيلي بويه بس افتح السياره ، ولجج خويه مرتضى عندج ؟؟؟

-عنديي ولا يهمك روحو تونسوا

- طلعت اجيب لميلاد عزيزة روحي ومرتي تزن براسي

- لك عيني دكافي عيونك رايحه وكل يوم نابش هالمستشفى نبش وتسترجع ذكريات ترا انا مرتك مو هيه
صارو عندك جهال وما خلصنا من سالفة البچي
زين ابچي بس مو كدامي هو حقك هي راحت لدار الحق انساها
راحت للأرحم مني ومنك
شو بنتي وسميتها على اسمها وماكلت شي
بس اصحى ع نفسك لا تضيعنا وياك فدوه

- كافي توركان بداعتي اسكتي انا مابيه حيل وخلص اوعدج مراح اجيب طاريها يمج ولا تمر ببالي وأنت موجوده، كل يوم ٣ مرات تنعاد هالسالفه الماتخلص بزعتها لروحي

نزلت تسوگنا غراض هواي لميلاد بنيتي وردينا

******

هلا شلونكم عنافيصي

أوك صح اكو بيكم ماحبوا وجودي والبعض الآخر اعتبروني شخص اجه نهاية المطاف حتى يسد الحدث بس ماعرفتوا جانبي المُظلم هههه تعالوا نسولف بويه أول شي مالكيت احد يعرفني عليكم ولا يعرفكم عليه ف اني حعرف نفسي ..

انا توركان أصلي كوردية بس عايشه ببغداد ولهالسبب زوجي العزيز كل شوي زاير المستشفى الي توفت بي المرحومه
مواليد ٨٥ من إب كوردي وأم بغدادية ..

بغض النظر عن الخلافات الي صارت ويا اهلي بس چنا مرتاحين نفسيًا لأن چنا اطفال انا واخوي عندكم السوسة اخت امي

ضلت تاكل راس أمي وتگوللها " تطلگي منه هو بيش يفيدج الزلمه"
وصدك على هالحچي مدة 3 شهور وامي تطلگت واحتارينا شنسوي ووين نروح احنا الأطفال ..

يعني بابا ضحى بكلشي لأجل عيون ماما وعاف الموصل وسكن يمها ببغداد وهي هيج جازتة
ماننكر انو انا احبهم ثنينهم ونفس المحبه شايلتلهم بكلبي بس ضليت ويا ماما واخوي " مُهيار " وياي همين

مُهيار من مواليد ٨٠ واعي ويلگف الحچايه بس يحب يستغبي ويسوي نفسه بريء

ومن بعد ما خالتي السوسه هجمت بيتنا خلت امي تالي عمرها شلون تجيب الفلوس !!!
تخيلوا ههههه
ماما تدخل رِجّال هواي للبيت بمختلف الاعمار وتحبسنا انا ومُهيار بالغرفه
انا عندي مرض السكري ف تكرمون مره احتاجيت حمام بشكل كبيرررر ..

شفت منظر مُهيار وهو يدك ع الباب ويصيح ...

حتبولل ع روحهااا لجج يمههه

واحنا ما يردون علينا ..
نسمع بس اصوات الضحك والفشاير تحت من غير صوت شخص متألم ..
وما احچيلكم شلون سويتها ع روحي ضميت وجهي بثنين اديه خجلانه من أخوي ودائمًا تصير هالحاله وياي وابول بهالغرفه ف الغرفه ريحتها مقرزة لدرجه