ملاك بدون رحمه

part 16

علي : وبَين الوقت ، والأغنية ، والأيادي
ومَقبض البَاب ، وأنا
كتبتُ لك " احبك "
حيثُ إني لا أجد ما أملأُ بهِ هَذا الفراغ ..

ريم : وإن توقفنا عن الحديث،
غنِ لي بصوتك المزعج لنضحك معاً أرسل لي أغنيه قديمه أحببناها . .

***********

ريم : كعدت من الصبح نشيطه لكيت روى نايمه غطيتها وكمت ابدل ملابس المدرسه من كملت تبديل بعدني مماخذه جنطتي طلعت مديت راسي من الباب شفته مكتف ايديه ومنتظر بالفرع من شافني ابتسم اشرت اله شوي واجي رحت اركض لبست حذائي واخذت الجنطه ورحت قريب منه كُلت له

ريم : صباح الخير

علي : صباح الورد

ريم : شلونك

علي : بخير بشوفة عيونج

ريم : اححم " ذكرته احنا وين "

علي : تمشي كدامي بس ابقي قريبه لا الناس ياخذون غير نظره
اخاف عليج

ريم : بديت امشي صرت گدامه بُعد ٤ امتار

علي : كلتلها ابقي قريبه شو هاي شردت

ريم : كل شوي التفت اشوفه وابتسمله وارجع امشي
الى ان وصلت لباب المدرسه ودعته بنظراتي ودخلت

علي : وصلت ومن التفتت عليه سحنت كلبي هالمصيوبه
رحت لشغلي والتهيت بالمرضى وكل شوي احد مكسوره ايده ، رجله واجبر بيهم
صارت الساعه ب٣ الظهر خليت صديقي مكاني ورحت اتغدى واشوف تلفوني
فتحت الرسائل لكيت رساله من " ام شعر الگصير ♥️ "
دخلت عليها لكيت كاتبه

ريم : هلو
  ورا نص ساعه "وينك ؟؟ "
ضل بالي يمك معقوله كل هذا بالدوام

- قريتها وابتسمت كتبت الها

" هلا بيج ، اي والله بالدوام وراسي يوجعني هواي مرضى اليوم وحاليًا جاي اتغدى وتفرغت شوي "
طلعلي تم الأستلام

**

ريم : رجعت من الدوام لكيت روى متمدده ومنتظرتني اعينها علمود تحرك رجلها

روى : بعد وكت ،
كعدت من العشره وردت احد يسويلي ريوك ماكو وين صرتي وهسه بالوحده

ريم : هم يالله نص ساعه طريق روى ترا مايصير هيج شلون بيج شلون

روى : بس عينيني اني ادفع نفسي بالعربانه وتعاي اكلج

ريم : ها

روى : حاجيت صديقتي خابرت هذا اللي تعرفه كالت متوفي

ريم : بعد احسن اني بديت اطيب وهسه شوي واسولفلج شنو صار وياي

روى : تمام منتظرة

ريم : باعي اول شي من جبتج هنا بغرفتي لصالح
لأن نيار مايطلعلي من يكون احد موجود
و البارحه من نزلت ..... وحجيتلها شصار بالتفصيل