ملاك بدون رحمه

Part 29 (والقبل الاخير )

"ما خيّبَ اللهُ ظنًا منْ خليقَتِهِ
‏ألْطافُ ربِّك في أقْدارِهِ تَجْري
‏يا قَلْبُ صبرًا وتسْليمًا على ثِقةٍ
‏لعلّ في الغَيْبِ أفْراحًا ولا ندري"
الوتر يا أحبة

*******
ناخذلكم فرة بحياة بطلتنا ونرجع لقبل ٤ ايام

روى :

كاعده بغرفة ريمه للمره الثانيه ولازمه الـ CD
دخلت على مشغل الفيديوهات اول CD مافتح مبين قديم
شغلت الثاني وفتح :

فيديوهات لريم وهيّ تحجي

- هلو روى شلونچ ههه مدري شلون عجبني اصورلج فيديو عاجبني احچيلج بيه هواي شغلات بما انـو فقدتي الذاكرة هههههه اول تالي تنسين انت ما يفوتج شي اختي السبعة

تتذكرين من كلتلج أنت شعجب تغيرتي وصرتي احسنن؟؟
لچ فحطتتتت تدرين يعود السبب لمنو بتغييرج !
لنيار
هو اللي جان رايدلي الاحسن عود بتفكيره وخلاج تتكسرين
بعدين خلاج تفقدين الذاكرة

- حطيت ايدي ع حلكي متداركه الموقف واهفي ع عيني علمود لاتنزل دمعتها وابتسمت وكملت شلون تحچي ذكرياتنا من الصغر

بعدين تنهدت وكالت

- لچ تدرين شنوو ؟؟
روى انا اول مره احس كلبي يخفگ هيج
صح اول ايام جنت امقته بس عادي ..
روى بما انو سولفتلج حالتي وأنا اعرف ما مطوله وياكم
گلبي ناغزني لا و مو بس كلبي اجتني رؤيا كلش واضحه ما ضال شي الي

- احبـچ يولي ،،،

رجعت لازمه راسي تلگاني حُسام وكال :

- ابوج متوفي

ماعرف صارت نغزه بكلبي واجيت ابجي بس !!
تذكرت صار شهيد ابتسمت وكمت ..

إلى أن مشت الاحداث وهسه انا كاعده بغرفة ريم اقرالها قرآن ..

بيت ابوي صار طاهر من كلشي وكل يوم انا منضفته غرفة ريم حتى لو اطلع افتح بيها قرآن ..

واليوم انا وحدي بالبيت وحسام ملتحق ..
قررت اسوي حلاوه ثواب لأبوي ولريم سويت كاستر
ووياه چرك وكيك قطع مربعات غلفتهم بكاسات وطلعت اوزع
ماخليت طفل ما انطيته
رجعت غسلت المواعين صارن تل
دخلت سبحت وكل مره اذا ماعندي شي اكعد اكل سولتي بهالأكل هالفترة سمنت لدرجة حسيت روحي فيل والله واتربع واحط الحلاوه الي بقت واكلها كلها حسيت بطني راح تنفجر ما مشطت شعري تقدمت كبل وذبيت روحي ع القنفه وغفيت ...

الساعه ٨ ليلًا
حسيت على صوت المبايل يدك شلت راسي شفته حُسام مكالمة فيديو

ما انتبهت لروحي لابسه روب الحمام

- الو، هاي شبيك صافن انت وين

- هاه بالمعسكر بس بعيد عنهم شوي
شسويتي اليوم ؟

- طلعت وزعت ثواب لأبوي وريمه

- مم

- وبعد