ملاك بدون رحمه

Part 26

‏" لا تُشبهين الصُبحَ رُغم كمَالهِ
‏فالصُبحُ بَعضُ جَمالكِ المخبوءِ "

*********
كعدت العصر حسيت رجلين محاوطتني
شميت ريحة عطر تحركت شويه ورجع شدني اله
همس بصوت نعسان ...

-هايم بيج انه

- ش، شنوو ؟
فتح عيونه ع كيف ودنگ طبع بوسه خفيفه ع خدي وگال

- احبچ روى

-ورجع شدني أله قوي حسيته يريد يحبسني بضلوعه تحركت شويه

-آآخ رجلي يمدهوره

-آسفة

- مو مهم تعي نامـي

************

كالعادة حياتي بين الشغل والنوم وما تخلى مِن الطلعات
دومم اطلع المكان هنا جَـنه بس بالنسبه لشخص مثلي مُجرد
سجن محبوس بيـه علمود لا يُرجع لمشاكل الحيـاة ...

جاي اطلع وسمعت صوت البنيه إللي بالشقه القريبه على شقتي

- لچ شوكت تجينا بعد ؟

- يوميـن وأمر عليكم لچ قابل اعوفچ شو هاي بُعد عِماره وحده ويمچ

- تمام گليباتي بيباي

- بـاي عيني

تصادفت وياها عبارة عن بنية عاديه شعرها إسود عيونها سوده حيل ولابسه سكارف فوك شعرها رحت للمصعد انتظره هيّ هم وكفت
چنت انا نازل وهيّ همات

تونا صاعدين واتصلت نـور

- إلـوو خويه شلونك

- هلا بيج الحمدلله زين وضعج شلونه

- الحمدلله اكُلك خويه اكو فايل چان بي صوريّ وين مخليه بغرفتك؟

- شتسوين بي

- نواف يحتاجه يريـد يسوي الحُصه

- باعي خويه تلگي بالمجر اللي ع ايدج اليمنى جوا كتاب لونه ازرك

- اوك حشوفه ، شكرا

- تدللين عيني الله وياج

التفتت لگيت المره صافنه عليه ورا شوي حمحمت

- اححم ،انت عراقي ؟

- اي عيني

- من وين ؟

- ناصريه وانتِ

- مـن ديالى

- هلا بيج تشرفنا

- شتسوي جاي هنا ؟

- هاي شبيها تحقق ، جاي هنا عندي عمل

- اها اوك

- اترخص
طلعت وهي طلعت ركبت سيارتها وراحت سريع ...
وهذا چان اول موقف الي وياها

*********

شلت راسي دنيا ليل ضلمه والأضويه طافيه

-حُسامم
-لك حُسامم