من الفرح ارجف چنت
بس هسه لا من الوجع صارت بأيدي الرجفه
وصدكني متندم لأن حبيتك من الصدفه
تمنيت وجهك ماضحك لمن صرت كدامي
ياحلم راح تندمت خليتك وي احلامي
والمهم هسه اني بعد ماريد منك ترجع
جنت بغيابك انعزل
بس هسه راجعلي الخلك
صاير اعاشر واطلع
صح باقي ليهسه اختنك
بس بعد ماينزل دمع لمن اخبارك اسمع
صاير شويه اتحمل
وكمت اقتنع ابقى بنقص مو الا وياك اكمل
اتمنى تفهم لو كلت
صح اني قبلك جنت احب بس انت حبي الاول
وبنفسي ماضلت ثقه خايف اعاشر وانمل
ومادري بروحي شكد مهم حتى ويا اليحبني صدك
ماكمت اجرب ازعل
واتغيرت الشخصيه
واطباع حلوات شكثر من رحت ماتن بيه
حتى ويا اهلي تغيرت ماكعد وياهم صرت
ومن اكعد احجي شويه
والناس عافوني لان ياهو اليعاشرله بشر مايلكه بي حنيه
وتعلمت ع الخذلان وهسه اني مارايد احب
رايد احس بأطمئنان
والشوف مابي مشكلة بس مدري ليش بغيبتك ماتت بعيني الالوان
مشكلتي حبيتك صدك ثاري محبتك للعب والله يعوض الخسران
**************
طبت روى وعيونها دم تبجي
يوسف : خيرج باباتي شبيج
روى: ماكو شي عوفوني انام
دُخلت بفرشة المستشفى تنام اباوع عليها بس تتگلب ادري بيها مانايمه وحاضنه تلفونها وتبجي بابا راح من شاف حالتها كال بويا اتغدن ونامي شويه وبالج على اخيتج انا طالع للدوام واني مددت ورا شويه اهتز التلفون شلته لكيت رساله من "🤍"
- شلونج اليوم
ريم : الحمدلله ما اجيت اليوم ؟
- انا بالطريق رجعت اختي لبيتنا
ريم : اها
خوش باي
- الله وياج
******
علي قفلت الاتصال ورحت يم نور كُلتلها
علي : نور خويه انت كبرتي وصارت عليج مسؤوليه وانت ربيتيني وتعبتي وهاي كدامج انا كبرت خويه مختصر الكلام ما اريد اطول عليج عبن انت ماتحبين المقدمات صديقي نواف طالبج مني وصراحة نواف خوش نواف يخليج بعيونه عنده بس أمه ابو متوفي واخواته متزوجات استخيري وانطيني خبر
نور : خويه انا ما مفكره اتزوج
علي : خويه ياهو يفكر يتزوج ؟
باللحظات ماتشوفين غير شريك عمرج كدامج شاريج
وارجع اكولج استخيري ورديلي خبر
نور : بقيت مصدومه اخوي زت الموضوع وطلع واني كمت اسوي عشا
*********
قبل يوم
علي : كاعد بالكافتيريا واجاني صديقي
نواف : ها ابو حسين شلونك خويه
علي : هلا هلا خويي بخيرك وانت
نواف : الحمدلله ، خويه جايك على موضوع وادريك ماتردني خايب
علي : ماعاش اللي يردك
نواف : غالي غالي ، ابو حسين انا كبرت و أول ما شبيت اجت بنيه للمستشفى هنا بيها صرع اسم الله عليك واللي عرفته هالبنيه اختك وانا من ذاك اليوم كلبي هواها اي خويه انا هاوي اختك ونيتي شريفه وياها ياريت تكوللها علمود اجيب الوالده واتقدم
علي ؛ بعيني تدلل نتشرف بيك بكل وقت تنورونا
*********
روى : ضميت صورته على صدري واشهك معقوله ماراح اشوفك
طلعت للحديقة بره وراسي يدك صاير طبل وعيوني صغار من البچي ضليت اندب حضي ليش هيج صار معقوله راح وما شفته ؟
ما ودعته
اخخخ نار بكلبي تشويني
اباوع بعيون الناس
هذا العينه تضحك وكلبه مكسور
وهذا المعوق اللي الناس تمن عليه
وهذا الأعمى واللي بصفه يغمونه وهو مايدري
هيج أبن آدم يگضي حياته قهر بقهر ويموت
طبيت جوه ورجعت دفنت روحي بالفراش وعيني على صورته واشهك جن احد سطرني ونمت ..
حُسام : هاي شبيهن عيونج خربانات
روى: معليك
حُسام : احجي لا اجنزج
روى: هيج تعوفني وتروح هيجججج هاي عود كلتله موافقه
حُسام : انا عايفجج؟
انا بروحج عايش انا ما اهدج للموت مو گايلج قبل
روى: بس حچي انت
حُسام : ركض عليه و....
روى : فزيت طلع حلم ؟
يعني معقولة هو مات
اخخخ يانار كلبي
ريـم: مكعديني بعربانه لزمت تايراتها وادفع لحد ما وصلت للممر واني ادفع بيها ايديه طاحت وكف كبالي احد طويل شلت راسي
وألگي هو ...
علي :هاي شمطلعج
ريم :لعبت نفسي محبوسه بالغرفه ومحد يمي
علي : ياعيني غير تنتبهين لصحتج ؟
ريم : بويه انا منا ضايعه بي وهو يكول ياعيني
فلك انت شنو
ريم بفهاوه : هـاه ؟
علي : وجعا تعاي ردي لمكانج يلا
ريم : اي اي بس لاتصرخ
علي : اوكفي انا ادفعج ام المصايب
ريـم: ننننننننن
روى : ساكته وكاعده على السرير وارجف
سمعت صوت وراي ...
يتبع ...
بنات فد ملاحظة البارت جاي اسوي قصير ف ياريت تعلقون على الفقرات 🥺❤️
أنت تقرأ
ملاك بدون رحمه
Mystery / Thrillerتَستيقظ لِترى نَفسها في غُرفة مُضلمه قُفلت عليها َأبواب الغُرفه شَبابيك النافِذه عاليه تَفزُ مِن صوتٍ مُرعبٍ يهمسُ بفحيح وإنفاسهُ تلفحُ وجهها فينطُق " قُولي نَعم لأحُررك مِن قُيودك " يَتبع ...
