ဦးရဲ႕တရားဝင္သတို႔သား(or)Sugar daddy(Z+U)(Complete)

Ep 5🍓

Uni

🖤 ဦးရဲ့တရားဝင်သတို့သား🖤
                (Or)
   🖤 Sugar Daddy 🖤

Ep 5

ဟိုတယ်၏VIP အခန်းတွင်ဖြစ်၏။ ဂုဏ်သရေရှိအမျိုးသား/အမျိုးသမီးများဟာ လက်ထဲတွင် ... ဝိုင်ခွက်ကိုစမတ်ကျစွာကိုင်လျှက် တီးလုံးသံအေးအေးငြိမ့်ငြိမ့်လေးနှင့်အတူ လိုက်ပါစီးမျောရင်း ခန္ဓာကိုယ်ကိုယိမ်းနွဲ့၍ကနေကြ၏။ အဏ္ဏဝါဇိုင်းကတော့ ယောက်ျားပေါက်စလေးရဲ့ခါးကိုဖက်ပြီး လမ်းလျှောက်ရင်း အသိမိတ်ဆွေများကိုဧည့်ခံနေ၏။မနက်ကမင်္ဂလာဆောင်ပြီး ယခုညကတော့ ပါတီပွဲလေးကျင်းပနေခြင်းဖြစ်၏။

[ဝိုး မစ္စတာရစ်ချက်တောင်ရောက်လာပြီပဲ]

အခန်းထဲသို့ဝင်လာတဲ့ သူနှင့်သက်တူရွယ်အမေရိကန်နိုင်ငံသားတယောက်ကို အဏ္ဏဝါဇိုင်းက နုတ်ဆက်၍ဆီးကြိုလိုက်တယ်။

[မင်္ဂလာပွဲအတွက် ဂုဏ်ပြုပါတယ်မစ္စတာဇိုင်း]

[ လာရောက်ဂုဏ်ပြုပေးလို့ကျေးဇူးတင်ပါတယ်ဗျာ.. အော် မိတ်ဆက်ပေးရဦးမယ်.. ဒါက ကျုပ်ရဲ့ခင်ပွန်း ရိန်းလို့ခေါ်ပါတယ်]

အဏ္ဏဝါဇိုင်းက ယောက်ျားပေါက်စရဲ့ပုခုံးလေးကိုသိုင်းဖက်လို့ ရင်ခွင်ထဲသွင်း၍ မစ္စရစ်ချက်ကို ဂုဏ်ယူစွာနဲ့မိတိဆက်ပေးတယ်။ ရိန်းတယောက် လူကြီး၏မိတ်ဆက်ပေးမှု့ကြောင့် အရှေ့ကနိုင်ငံခြားသားကို ပြုံးပြလိုက်တယ်။

[မစ္စတာဇိုင်းရဲ့ခင်ပွန်းက ငယ်ငယ်ချောချောလေးကိုရထားတာပဲ အားကျတယ်ဗျာ... ကျုပ်နာမည်ရစ်ချက်ပါ မစ္စတာရိန်း]

အမေရိကန်သားက ရိန်းကို ဝါးစားမတက်ကြည့်ရင်း လက်ကမ်းပေးတယ်။ ရိန်းလဲ အားနာစွာဖြင့် ထို၏လက်ကို ကိုင်မည်ပြင်တော့ ... အဏ္ဏဝါဇိုင်းက ရိန်းရဲ့လက်ကိုမသိမသာတွန်းဖယ်ပြီး ရိန်း၏ကိုယ်စား နိုင်ငံခြားသားရဲ့လက်ကို သူ့လက်နဲ့ကိုင်ပြီးနုတ်ဆက်လိုက်တယ်။ အဏ္ဏဝါဇိုင်းရဲ့အပြုအမူကို ရိပ်မိတဲ့ရစ်ချက်က သဘောကျစွာခပ်ဟဟရယ်တယ်။ အဏ္ဏဝါဇိုင်းကတော့ နုတ်ခမ်းကိုတခြမ်းစောင်း၍ ပြုံးရုံလေးပြုံးလိုက်တယ်။

[ ပါတီပွဲမှာစိတ်ကြိုက်ပျော်ပါ မစ္စတာရစ်ချက်.. ကျုပ်နဲ့ကျုပ်ရဲ့ခင်ပွန်းကတော့ တခြားလူတွေကိုဧည့်ခံလိုက်ပါဦးမယ်]