ဦးရဲ႕တရားဝင္သတို႔သား(or)Sugar daddy(Z+U)(Complete)

🍓Ep 16🍓

Uni

🖤 ဦးရဲ့တရားဝင်သတို့သား🖤
                (Or)
   🖤 Sugar Daddy 🖤

Ep 16

အဆင့်မြင့် 5 star hotelကြီးတွင် ရိန်း၏မွေးနေ့ပါတီလေးကို ခင်ပွန်းဖြစ်သူနှင့်အတူ သူငယ်ချင်းတွေကိုပါဖိတ်၍ စည်ကားစွာကျင်းပကြသည်။ အနောက်တိုင်းဝတ်စုံအဖြူရောင်လေးနှင့်ရိန်းက သန့်ပြန့်နေသလို ဦးဇိုင်းကလည်း အနက်ရောင်အနောက်တိုင်းဝတ်စုံဖြင့်ခန့်ညားနေ၏။

" ပျော်ရွှင်ဖွယ်မွေးနေ့လေးပါ ကိုယ့်အချစ်"

"မေွးနေ့ပွဲမှာ ပျော်ရွှင်ရအောင်စီစဥ်ပေးလို့ ကျေးဇူးတင်ပါတယ်လူကြီး"

ဇိုင်း၏လက်တဖက်က ဝိုင်ခွက်ကိုကိုင်ထားပြီး ကျန်လက်တဖက်က ယောက်ျားပေါက်စလေး၏ ခါးသွယ်သွယ်လေးကို သိုင်း၍ဖက်ထားလေ၏။ ပြီးတော့ ဇိုင်းက ယောက်ျားပေါက်စလေး၏ နုတ်ခမ်းဖူးလေးကို သူ့နုတ်ခမ်းဖြင့်ငုံထွေးလျှက် အနမ်းတွေကိုသိပ်သည်းစေ၏။

ရိန်းရဲ့လက်တဖက်ကဝိုင်ခွက်ကိုကိုင်ထားပြီး ကျန်လက်တဖက်က လူကြီးရဲ့လည်တိုင်ကိုချိတ်တွယ်လျှက် အနမ်းတွေကိုတုံ့ပြန်နေမိသည်။ မိနစ်အနည်းငယ်ကြာသည်အထိနမ်းရှိုက်ပြီးသည်နှင့် ဖယ်ခွာလိုက်ပြီး လူကြီးရဲ့ရင်ခွင်ထဲတွင်မျက်နှာလေးကွယ်ဝှက်ထားမိသည်။ ထို့နောက် သူတို့နှစ်ယောက်အနားသို့ ခြံရံရောက်လာပြီး ဇိုင်းနှင့်မိတ်ဆက်ရန်ပြင်၏။

"လူကြီးကိုမိတ်ဆက်ပေးရဦးမယ် သူက အူကြူးရဲ့အကို ခြံရံတဲ့... ကိုကို ဒါကကျွန်တော့်ရဲ့ယောက်ျား ဦးအဏ္ဏဝါဇိုင်းတဲ့"

ယောက်ျားပေါက်စလေး၏ မိတ်ဆက်ပေးမှု့ကြောင့် ဇိုင်းလဲ ခြံရံဆိုသည့်ကောင်လေးကို လက်ကမ်း၍နုတ်ဆက်လေ၏။

"ဟုတ်ကဲ့တွေ့ရတာဝမ်းသာပါတယ် ကိုခြံရံ"

ခြံရံလဲ လက်ကမ်းပေးလာသော ကလေး၏ခင်ပွန်းဖြစ်သူကို ပြန်လည်လက်ကမ်း၍နုတ်ဆက်လေ၏။

"ကျွန်တော်လည်းတွေ့ရတာဝမ်းသာပါတယ် ဦးဇိုင်း.. ကလေးကိုသေချာစောင့်ရှောက်ပေးပါခင်ဗျာ"

သူပြောလိုက်တော့ အဏ္ဏဝါဇိုင်းဆိုတဲ့လူကြီးက သဘောကျစွာပြုံးတယ်။ ပြီးတော့ကလေးငယ်ရဲ့ပါးဖောင်းဖောင်းလေးတွေ ဦးဇိုင်းက အားပါးတရ မွှေးကြူတယ်။ အရင်စိတ်နှင့်ဆိုလျှင် ကလေးငယ်အပေါ်သဝန်တိုမိနိုင်တယ်ဆိုပေမယ့် အခုတော့လည်း ကလေးငယ်တို့အတွဲကိုကြည့်ပြီး အားကျမှုသာဖြစ်မိ၏။