ဦးရဲ႕တရားဝင္သတို႔သား(or)Sugar daddy(Z+U)(Complete)

Ep 8🍓

Uni

🖤 ဦးရဲ့တရားဝင်သတို့သား🖤
                (Or)
   🖤 Sugar Daddy 🖤

Ep 8

Flying ကုမ္ပဏီဝန်းထဲသို့ BMWကားဖြူရောင်လေးသည် အရှိန်အသင့်အတင့်ဖြင့်မောင်း၍ဝင်လာလေ၏။ အလုပ်ချိန်စောသေးသည်မို့ ကုမ္ပဏီဝန်းထဲတွင် ဝန်ထမ်းများခြေရှုပ်နေ၏။ ကုမ္ပဏီဝန်းထဲသို့ ကားရပ်သည်နှင့် ကားမောင်းသူနေရာမှ အတွင်းရေးမှူး ကိုမင်းကဦးစွာဆင်းလာ၏။

ကားအနောက်ခန်းမှဆင်းလာမည့်သူကို ဝန်ထမ်းအချို့က သေချာကြည့်နေကြသည်။ ထို့နောက်ကိုမင်းက ကားတံခါးလာဖွင့်ပေးသည်နှင့်  ပြောင်လက်တောက်ပနေသည့် လည်သာဖိနပ်စီးထားသောခြေထောက်တဖက်ကိုဦးစွာတွေ့ရ၏။ ထို့နောက် Brandဖြစ်သော ရှပ်အင်္ကျီအဝါရောင်လက်ရှည်ကိုအတွင်းတွင်ခံဝတ်ထားသည်။

ထို့အပြင် လက်ပြတ်ကုတ်အင်္ကျီခဲရောင်ကို အပေါ်တွင်ထပ်ဝတ်လျက် စတိုင်ပန်ဘောင်းဘီခဲရောင်နှင့် တွဲဖက်ဝတ်ဆင်ထားပြီး ပုခုံးနှစ်ဖက်ပေါ်တွင် ကုတ်အင်္ကျီခဲရောင်လက်ရှည်ကို လွှားခြုံထားကာ ဘေးခွဲဆံပင်ကို နဖူးပေါ်သို့လှန်တင်ထားသည့် အလွန်ရုပ်ဖြောင့်သောလူတစ်ဦး BMWကားပေါ်မှ ဆင်းလာသည်။

ထိုလူ၏ခန္ဓာကိုယ်တွင် အလင်းရောင်များဖြာထွက်နေသရောင် ကြည့်မိသူတိုင်းကို ထိုလူရဲ့အရှိန်အဝါကြောင့်မျက်စိကျိန်းစေ၏။ ထိုလူကိုမြင်သည်နှင့် ဝန်ထမ်းတွေဟာ မျက်လုံးမျက်ဆံပြူး၍ ပြာယာခက်ကုန်၏။

"ဟဲ့ Bossကနိုင်ငံခြားက ဘယ်တုန်းကဘယ်လိုပြန်ရောက်တာလဲ"

ဝန်ထမ်းတွေရဲ့တီတိုးစကားသံတွေကိုလစ်လျူရှူပြီး နေကာမျက်မှန်နီညိုရောင်ကို လက်တဖက်ဖြင့်စမတ်ကျစွာချွတ်လျက် ကိုမင်းထံသို့ကမ်းပေးလိုက်ပြီး ဘောင်းဘီးအိပ်ထောင်နှစ်ဖက်ထဲသို့လက်နှိုက်ကာ အဏ္ဏဝါဇိုင်းဟာ ကုမ္ပဏီထဲသို့ ခြေလှမ်းတလှမ်းချင်းလျှောက်လှမ်းလာ၏။ သူလမ်းလျှောက်တိုင်း ပုခုံးပေါ်တွင်လွှားခြုံထားတဲ့ကုတ်အင်္ကျီဟာ လေတွင်လွင့်ခနဲ လွင့်ခနဲဖြစ်နေ၏။

"မန်နေဂျာနဲ့ဝန်ထမ်းတွေအားလုံး Meeting roomထဲလာခဲ့ပါ"

လေသံမာမာနဲ့ အဏ္ဏဝါဇိုင်းကပြောလိုက်တော့ မန်နေဂျာဟာ အမူအယာပျက်ယွင်းနေ၏။ အဏ္ဏဝါဇိုင်းက မန်နေဂျာရဲ့မူပျက်နေတဲ့ပုံစံကိုကြည့်ပြီး နုတ်ခမ်းတခြမ်းစောင်းကာ ခနဲ့အပြုံးပြုံးလိုက်ပြီး ကိုမင်းနှင့်အတူ Meeting roomထဲသို့ဝင်သွားလေ၏။