နေမင်း မနက်က ကိစ္စကို ရွှန်းမိုးအေးအား ညကတည်းက လိုင်းပေါ်ကနေတောင်းပန်ချင်ပေမဲ့ အလေးမထားရာရောက်မည်စိုး၍ မနက်ဖြန်ကျောင်းကျမှသာ လူချင်းတွေ့ပြီးတောင်းပန်ရန် ဆုံးဖြတ်လိုက်သည်။
မနက်ကျောင်းရောက်တော့ နေမင်း မေ့နေတာက သူတို့နဲ့နေမင်းတို့က ကျောင်းတက်ချိန်မတူပေ။ဆင်းချိန်သာတူ၏။
ဟူးး....ညနေကျမှပဲ သူဆိုင်ကယ်ထားတဲ့နားကစောင့်ပြီးတောင်းပန်ရတော့မယ်..
မိုးအေး မနေ့က ဟိုနေမင်းထွဋ်ခေါင်ဆိုတဲ့ ဘိုးတော် ဘလိုင်းကြီးလာဟောက်သွားတာကို မကျေနပ်နိုင်သေးပေ။သူများဆိုင်ရှေ့ကြီးမှာ လူတွေလည်းရှိနေတာကို မိုးအေးကို လာဟောက်သွားတာ ဘယ်လိုလူလဲကိုမသိဘူး...။ဒါနဲ့ မနေ့က သူကအဲ့ဆိုင်ထဲကထွက်လာတာ ပြီးတော့ကိုသက်တန့်ကလည်းနောက်မှဆိုင်ထဲကထွက်လာတာဆိုတော့ အော်သူတို့ချစ်သူနှစ်ယောက် shopping လာတာနေမှာ။
အဲ့ဆိုနေပါအုံး မနေ့ကသူကျ စာမေးပွဲနီးနေတာကို သူ့ကောင်လေးနဲ့လာတာပဲကို ငါ့ကျ စာမေးပွဲနီးနေတာကိုဘာညာနဲ့လာဟောက်ပြီးသူကျတော့ရတယ်ပေါ့ ။ဟွန့်တကယ်ဆို သူကမှကောင်လေးနဲ့လာတာ ငါက ငါ့မောင်လေးလိုတာတွေလိုက်ဝယ်ပေးတာကို ။
အား...တွေးရင်းတွေးရင်း ပိုဒေါသထွက်လာပြီ။
"အားတကယ်ပဲ "
မိုးအေး အတန်းထဲမှာထိုင်တွေးနေရင်း မနေ့ကဟာကို တွေးနေမိခြင်းပင်။
စုပြည့်မှ
"မိုးအေးရယ် နင်ခုနကတည်းက ဘာတွေတွေးနေတာလဲ ပါးစပ်ကလည်းပွစိပွစိနဲ့ မျက်နှာကလည်း ရှုံ့မဲ့နေတာပဲ"
ပန်းကလည်း
"အေးဟုတ်တယ် ငါလည်းခုနကတည်းကကြည့်နေတာ နင်ဘာဖြစ်နေတာလဲ"
မိုးအေးလည်း သူတို့နှစ်ယောက်ကိုပြောပြရန်ပြင်လိုက်၏။
"ဒီလိုဟာ"
အစပဲချီရသေး မျက်လုံးနှစ်လုံးကိုပြူးနေအောင်ကြည့်ပြီးနားထောင်နေတဲ့နှစ်ယောက်ကိုကြည့်ကာစချင်လာ၍
"နင်တို့ကလည်းနော် သိပ်မသိချင်ရှာကြဘူး မျက်လုံးကြီးကို ပြူးပြီးနားထောင်နေလိုက်ကြတာ"
BẠN ĐANG ĐỌC
မင်းနဲ့မှ
Ngẫu nhiênဆေးကျောင်း Kingတွေထဲမှာ အချောဆုံး တတိယနှစ်ရဲ့ King \သူ့ကိုကြိုက်လို့လာအရောဝင်တဲ့ကောင်မလေးတွေကို ရှုပ်တယ်ဆိုပြီး အကြောင်းအမျိုးမျိုးပြချေနေသူ 'နေမင်းထွဋ်ခေါင်' ဝဝပုပု ဝတယ်ဆိုပေမဲ့ ပုံပျက်နေအောင်ဝတာမဟုတ်ပဲ ပြည့်ပြည့်လေးနဲ့ cute type...
