مؤامرة وعشق

part 22

مر الوقت سريعا على الفتيات واشترت كل منهن الفستان الخاص بها مع لوازمه وأيضاً فستان لجوري الصغيرة
همس بتعب : ايه ده مكنتش عارفة اننا هنتعب كده
رنيم بوجع : اه يارجلي أنا مش حاسة بنفسي الله يخربيتك ياورد انتي وهمس في وقت واحد ماكنا نطلب من اي شركة تصميم ازياء وتعملنا الفساتين واحنا قاعدين ف البيت
ورد بسخرية : معلش يا حضرة البرنسيسة الخطوبة فاضلها بكرة بس هنلحق نطلب ازاي كده أفضل وبعدين انشفوا كده ده هم 10 ساعات بس اللي وقفتوا فيها على رجلكم
نارمين : طبعا طبعاً ياحبيبتي و10 ساعات دول مش حاجه المفروض كنا كملنا جوا يامفترية كلنا نقينا فساتين بسرعة وبقية الوقت مع حضرتك مش عجبك حاجه
ورد بغرور : أنا ورد المحلاوي لازم فستاني يكون اسبيشيل يانارو وبعدين انتو فساتيكم محجبات يعني مش هيبقي فيهم مشكلة أما أنا أول مرة البس فستان من بعد فرح مراد ومش عايزاه ملفت أوي ولا مفتوح وكل اللي شفناه هناك ينفع تقريباً لبتوع بنات الليل مش لبسي خالص وهمس كانت نفس المشكلة لحد ماعرفنا نوصل للي جيبناهم
سارة : معاكي حق والله يابنتي يلا الحمد لله ادينا خلصنا خلونا نتغدا علشان نروح بقي زمان أحمد جاب شلل لعامر
ورد بضحك : أنا متخيلة منظره وانتي بتقفلي السكة ف وشه ده هيقتلك لما تروحي ورايحة تبعتي له ميدو كمان ف الشغل
سارة : متقلقيش يااختي هقوله انك انتي اللي بعتي الولد وانك كنتي واقفة وأنا بكلمه وهيصدقني طبعاً ده أنا سارة حبيبة قلبه
رنيم : مابلاش انتي متعرفيش ورد هتقلب التربيزة عليكي
سارة : انا بهزر يارورو ده انتي حبيبتي هكلم عامر يجي ياخدني بقي لاني مقلتش للسواق يجي
ورد : طب يلا يااختي نتغدي الأول لحد مايجي
عند مراد انتهي من عمله سريعاً وذهب لمساعدة اسر في تجهيزات القصر هو ووليد
اسر : كده تقريباً كل اللي مطلوب بيتعمل فاضل نتفق مع بيوتي سنتر يروحوا للبنات بعد بكرة الصبح
وليد : طب والدعوات اتبعت ولا ايه
رأفت : اه ياحبييي بعتها لكل معارفنا واسر بعتها لأصحابه هو وليث وبعتلك أنت ومراد نسخه منها علشان اصحابكم ومتنساش تبعتها للبنات هم كمان
مراد : تمام انا كده كده عزمت أصحابي هشوف لو افتكرت حد ابعتله دعوة تاني خلونا دلوقتي نشوف العمال بره بيعملوا ايه ، خرجوا جميعاً إلي حديقة القصر وقد بدأت في الظهور بأفضل صورها من زينة معلقة في الحديقة بأكملها وانتشرت طاولات الجلوس في كل مكان بشكل منظم مع 4 مقاعد مزخرفة لجلوس كل من العروسين
وليد بفرح : جميل أوي بجد ياشباب ربنا يتمملكم على خير
رأفت : يارب ياحبييي كده فاضلكم بس البدل بقي تنزلوا سوا تجيبوها بكرة
مراد : تمام نستني ليث يرجع ونتفق نروح نجيبها بكرة ، أما عند عدي فانهي عمله وعاد للفيلا وجد حسن قد عاد هو الآخر ليجلس معاه متحدثين عن الماضي وما حدث فيه
عامر وقد وصل للمطعم : ازيكم يابنات منورة ياورد هانم انتي والأستاذة سارة بقي انا يتقفل ف وشي السكة
أحمد الطفل : بابي سيبني انزل اسلم على رودي يلا
ورد : ميدو حبيبى وحشتني عامل ايه
أحمد : أنا كويس مش بتيجي تشوفيني انا زعلان منك
ورد : معلش ياحبيبي مشغولة شوية اوعدك مش هتأخر تاني
احمد بفرحة : وتجيبي جوري معاكي وأنتي جاية علشان نلعب سوا عندي
رنيم : أكيد ياحبييي
سارة : عمورة حبيبى اتغديت ولا لسه
عامر : لاء لسه تعالوا نتغدا يلا كلنا
ورد : سبقناك يامعلم اقعد اتغدي أنت وميدو بقي واحنا هنمشي وهسيبلك مراتك اهو مش هاخدها معايا عد الجمايل دي
عامر بسخرية : كتير خيرك والله ياورد يااختي
ورد ببرود : قلبي الطيب بقي يلا يابنتي انتي وهي سلام ياميدو وانتي يابت ياسارة متنسيش تجيبي طنط معاكي يوم الخطوبة
سارة : تمام ياقلبي
وصل ليث للقصر ووجد الجميع هناك
رأفت : حمدالله على السلامه يا حبيبي
ليث : الله يسلمك يابابا عاملين ايه
مراد : تمام ياباشا عندك استعداد نخرج دلوقتي نجيب البدل ولا نخلينا بكرة هو كده القصر العمال شغالين فيه اهو على أكمل وجه واسر اتفق مع الطباخين هيجوا بكرة وكلم المأذون كمان وانا كملت شركة حراسة علشان يوم الخطوبة واصحابي هيبقوا هنا كمان وبإذن الله كله يبقي تمام
ليث : كويس جداً وبالنسبة للبس هكلم دار الأزياء اللي بتعامل معاها تبعت حد لينا هنا دلوقتي ياخد مقاستنا وعلى بكرة بالليل تكون البدل هنا بدل ماننزل احنا
وليد : يبقي كتر خيرك والله الواحد ماقادر يتحرك أساساً الله يسامحه اللي بنشتغل معاه
مراد : بتقول حاجه ياوليد
وليد : لأ ياحبييي بشكر فيك بس
اسر : هكلم عدي يجي هو كمان علشان بدلته وتعالو يلا ندخل جوا نتغدي لحد مالمصمم يوصل ، مر الوقت سريعاً وانتهت الليلة على خير وأتي الصباح من جديد والجميع يعمل بجد حتي تكتمل فرحتهم
وصل محمد بزوجته وأولاده الي فيلا مراد الشرقاوي ليمنعه الحرس من الدخول
الحارس : اسف يافندم دي اوامر ليث باشا ممنوع دخول اي شخص بدون أذنه ، ليهاتف محمد ورد التي خرجت وسمحت له بالدخول
محمد : ايه يابنتي فيه ايه
ورد بضحك : معلش يامحمد بس احنا البنات كلها ف الفيلا جوا والشباب عند اونكل حسن علشان كده الحرس مش بيدخل حد ابعد بقي خليني اسلم على سارة والولاد
سارة : ورد حبيبتى وحشتني اوي
ورد : انتي أكتر ياسوسو بقالك 9 سنين مبتنزليش مصر
سارة : انتي عارفة شغل محمد بقي وأهلي معايا هناك فمكنش له لزوم ننزل مصر خالص ومبقدرش اروح بيتنا القديم علشان ذكرياتي مع ليلي
ورد : ربنا يرحمها ياحبيبتي ويحفظلكم هنا ويامن ثم توجه حديثها للاطفال : مين هيدي عمتو حضن كبير
يامن بسرعة : أنا حب عمتو ( يامن 8 سنين )
هنا بطفولية : نو انا أحبها كتير ( هنا 6 سنوات )
ورد : وعمتو بتحبكم انتو الاتنين أد الدنيا كلها تعالوا يلا ندخل ونلعب مع جوري وأحمد هتحبوهم وانت يامحمد هتدخل معانا ولا تروح للشباب
محمد : لاء خليكم على راحتكم أنا هروح لمراد هو فين
ورد : هتلاقيه وصل قصر ليث العمري دلوقتي خلى حارس من بره يوديك وسارة معانا هنا متقلقش
محمد : تمام ياحبيبتى خدو بالكم من نفسكم يلا سلام ، دخلت ورد وسارة والأطفال وتعرفت على الجميع وسرعان ما تأقلمت معهم وسعد الأطفال بوجود جوري وأحمد وأخذتهم جوري لغرفة الألعاب الخاصه بها
همس : احنا قاعدين فاضيين ماتقوموا نعمل حاجه يابنتي انتي وهي
رنيم : تعالوا نعمل غدا لينا واخلي دادة سعدية تطلع للولاد فوق تطمن عليهم
سارة : فرحت جدا والله لما يامن وهنا تأقلموا معاهم لأنهم هناك ملهومش أصحاب كتير ومحمد بيحاول يخليهم يتعرفوا على العرب اللي زينا بس علشان الأولاد ميتأثروش بثقافة بره أوي
ورد : باذن الله احاول اخلي محمد يستقر هنا وتفضلوا معانا بدل ماتسافرو بره ثم تكمل بضحك علشان منتغلطبش انتي ياسارة هقولك يامحمد وسارة صاحبتي هقولها ياعامر وبكده نفرق بينكم
نارمين بضحك : عامر ومحمد تصدقي شبهم ، استمر المزاح بينهم وقاموا بتحضير الطعام وتناست ورد حزنها ولو مؤقتاً
محمد : السلام عليكم ياشباب ليرد الجميع التحيه
رأفت : حمدالله على السلامه يابني
محمد : الله يسلم حضرتك يارب .. ورد قالتلي انكم متجمعين هنا قلت اجي اقعد معاكم شوية
ليث بغيرة : وأنت شفت ورد فين
محمد : كنت عندها ف الفيلا وسيبت معاها سارة والأولاد ومرضيتش ادخل علشان اسيب البنات على راحتهم هناك وبعدين ياليث ورد بالنسبة لي أختي مش أكتر يعني موضوع الغيرة ده مش مني
مراد بضحك : ده بيغير عليها مني ياعم سيبك منه لاما مش هجوزه أختي
ليث : نجوم السما أقربلك تبقي ملكي بس وهطلع عليك القديم والجديد يابن الشرقاوي
عدي : صقر حبيبى هتسيبلي ورد صح
اسر : أنت بالذات ياعدي ربنا يستر منك لأنه كان مفكرك ف الأول حبيبها
محمد : بقي الطفل ده حبيبها ده زي ابنها
عدي بسخرية : خليك انت الكبير ياابيه محمد
ليث بتفكير : تصدق حلوة أبيه دي هخلي ورد تقوله كده
محمد : بس يالا أنت وهو مكنتش سنة فرق بيني وبينك ياعم ليث قال أبيه قال ، ليضحك الجميع على غيرة ليث
حل الليل سريعاً وأخذ محمد زوجته وغادر إلي منزله وكذلك عاد الشباب لفيلا حسن في انتظار يوم جديد تجتمع فيه بعض القلوب المحطمة
وها قد حان الموعد الآن تألق الشباب في زيهم وذهبوا نحو فيلا مراد في انتظار نزول الفتيات
خرجت رنيم لمراد الذي انبهر بها وجمالها الذي يفقده عقله وتمسك بيدها جوري طفلتهم التي ترتدي فستانا مشابها للفستان الخاص برنيم ليضمهم مراد بحب بينما وليد ذهب لزوجته وقبل يدها ببطء شديد وهو ينظر لذلك الفستان الذي ابرز لون عيونها الخضرا بشدة
لم ينتظر اسر كثيراً ليري فتاته تهبط وهي متألقة في يد والدها بفستانها الذهبي ليدق قلبه بعنف وهو يريد أخذها بعيدا عن الجميع وقد أيقن ان حبها بدأ يستوطن قلبه
حسن : انهارده بسلمك أغلي حاجه في حياتي يااسر بسلمك روحي وحطيتها بين ايديك حافظ عليها يابني واحتويها وسيب قلبك يعيش
اسر بحب : في عيني يااونكل واوعدك هحافظ عليها حتي من نفسي ومش هسمحلها في يوم تزعل مني ولا أنا في يوم هجرحها
وليد : وأنا واثق من كده ياتعلب مبرووك عليك أختي ، وفجأة تتجه الأنظار لتلك الحورية التي تهبط مع عدي بفستانها الفضي وجمالها المفرط
مراد : لاء مش هينفع بقي أنا هسيبك لليث لاء مش هينفع تعالي معايا انا غيرت رأيي ومش موافق
محمد : ولا أنا موافق انتي ممكن تتخطفي مننا كده لو خرجنا يابنتي اومال مصدرلنا عبده صاحبي ليه دايما
ليث : بس يا حبيبي أنت وهو ورد المحلاوي بقت روح ليث العمري ومحدش هيقدر ياخدها مني وانت ياعم عدي سيب ايدها يلا وابعد عنها
عدي : انسي ياصقر عمري ماابعد عنها دي أمي واختي وصاحبتي وكل حاجه حلوة ف حياتي
اسر بضحك : طيب سيبو الواد الغلبان ياخدها علشان نمشي طيب مش هنخلص من خناقتكم كده
حسن : يلا ياولاد جهزوا العربيات علشان منتأخرش ، وبعد نص ساعه دخلوا جميعاً لقصر ليث وعدسات الكاميرا تلتقط الصور لتغطي حفل خطوبة أكبر رجال الأعمال ف الشرق الأوسط ليث العمري واسر السيوفي ليتجه بعضهم إلي فريق المستحيل بقيادة فهد المخابرات المصرية وهم يتساءلون عن علاقتهم ب أصحاب الحفل ليخبرهم مراد ان ورد المحلاوي خطيبة ليث العمري تكون شقيقته ، تلقي الجميع التهنئة ووصل المأذون وارادت ورد أن يكون وكيلها هو رأفت السيوفي الذي رحب بشدة ودمعت عيناه من السعادة ولم يعترض مراد او محمد وأخبر اسر حسن برغبته ف كتب كتابه أيضا حتي يستطيع التعامل مع همس براحة أكبر ووافق حسن وهمس وأصبحت همس ملك اسر السيوفي من الآن
ليث : بقي كتلة البراءة واللطافة دي اتكتب على اسمي خلاص
ورد ببتسامة : فرحان ياليث ومش هترجع تندم
ليث بحب : مستحيل ياورد انا من ساعة ما شفتك وانتي احتليتي قلبي وتفكيري انا يهمني انتي دلوقتي وانك معايا وبس ومش هسمح لاي حاجه تبعدنا عن بعض
ورد : وأنا أوعدك كمان يومين بالظبط هكون قلتلك على كل حاجه بس انت اوعدني تخليك جنبي ومتسبنيش ياليث
ليث : أوعدك ياعمري مش هسيبك أبدا ، لتطمئن ورد قليلا يومان فقط حتي تستطيع ترتيب أفكارها واخبار حسن ورأفت انها ستقول الحقيقة للجميع وتتخلص من احساسها بخيانة ليث
مر الوقت سريعاً وغادر الجميع عدا اصدقاء مراد ودلفوا جميعا للقصر
عامر : الحمد لله اليوم كان جميل ومحصلش حاجه وعدي على خير
وليد : الحمد لله عقبال مانخلص مهمتنا بقي
رأفت : هانت ياحبييي باذن الله ، كانت ورد تري سعادة اسر مع همس وكم تمنت أن تدوم سعادته طويلاً يكفيه ماعانه حتي الآن ليقطع شرودها حديث محمد : غالباً كده بعد انهارده وائل هيكون شاف الحفلة واحتمال كبير يكلمني بعد ماظهرت معاكي وأنا هعمل نفسي معرفش أي خلاف بينكم يمكن اقدر اعرف مكانه
مراد بأمل : ياريت بجد يامحمد خلينا نعيش مرتاحين بقي
يامن : بابي انفع خد أحمد معانا
هنا : وأنا بابي خد جوري العب معاها
سارة : مينفعش حبايبي بس كل يوم نروح نلعب معاهم
عدي بضحك : ايه ولادك دول ياعم محمد دول هيبوظوا اللغة بكلامهم المكسر ده مش كفاية لسان جوري معوج لوحده يجي يامن وهنا يبوظوه اكتر
محمد : ده أنا بيطلع عيني علشان اخليهم يتكلموا عربي ودايما بتكلم أنا ومامتهم وأهلها هناك عربي علشان يعرفوا لغتهم
ورد : هترجع مصر لحياتك هنا وكفاية بعد لحد كده علشان سارة والأولاد
اسر بخفوت لهمس : هعدي عليكي بكرة ف الشركة نخرج شوية علشان نتكلم
همس باستغراب : ده بصفتك ايه هخرج معاك
اسر بتعجب : بت انتي نسيتي اننا كتبنا الكتاب هخرج بصفتي جوزك يااختي
همس بخجل : اها سوري لحد مااتعود بس
حسن : يلا ياولاد بقي الساعه 1 اتأخرنا جامد وورانا شغلنا الصبح متنسوش مش علشان اتجوزتوا نسيب الشغل
مراد : معاك حق يااونكل يلا نستأذن احنا وانتو ياشباب متتأخروش على الشغل بكرة عندنا يوم مهم معاكم عربياتكم ولا ايه
عامر : أنا جاي مع أحمد وسما وهنروح معاهم
أحمد بسخرية : رخم لازم تنطلي انا وخطيبتي دايما كده
ورد : طب بس ياحمادة لياخد خطيبتك اللي هي أخته وابقي قابلني لو شفتها تاني
أحمد بسرعة : لا وعلي ايه ده ابو نسب حبيبى يعمل اللي هو عايزه يلا سلام عليكم
يحيي بضحك : وأنا معايا بتاعتي سلام ياشباب
ليث : هتيجي الشركة بكرة ياحبيبتى
ورد : اه بإذن الله هرجع من بكرة
اسر : ماتيجي تشتغلي معايا ياهمس اشمعنا ورد مع ليث
رأفت بضحك : ده على أساس انك هتسيب أخوك وورد في حالهم ربنا يستر وميطردكش من الشركة
اسر : عيب عليك يامعلم هطلع عينهم بس ، غادر الجيمع الي منازلهم وعاد مراد وعدي للفيلا وكذلك همس ونارمين مع وليد وحسن
في محطة القطار يهبط أحدهم : هروح بيتي استريح شوية وبكرة هدور على فيلا حسن المحلاوي أكيد بنته هتكون هناك واقولها كل حاجه اعرفها وبكده اكون ريحت ضميري
في مكان آخر مهجور صوت أحدهم يصرخ : يعني ايه انهارده كان كتب كتابهم ومحدش منكم عرف يابهايم ازاي
رجل1 : ياوائل باشا والله احنا مراقبين ليث كويس وورد كمان ومكنش فيه حاجه غريبة ليث باشا بينزل الشركة عادي بس ورد هانم مبتخرجش من فيلا مراد وبلغناك بكده
وائل بغل : لازم اتحرك مش هفضل مستخبي هنا كتير لازم اعمل حاجه وولاد حسن هيموتوا والاتنين في نفس الوقت
رجل2 : باشا فيه حاجه تانية لازم تعرفها
وائل بترقب : مبيجيش من وراكم غير المصايب قول
هو : الدكتور محمد ابن حضرتك كان في الحفلة هو وزوجته والطفلين
وائل بصدمة : محمد ابني كان هناك طب ازاي وأحفادي كمان اللي انا مشفتوهمش غير مرة واحدة هنا في مصر ومش عارف اخرج لهم
هو : دي الصور اهي ياباشا
وائل بشر : هاتها وجهزو نفسكم هنبعت هدية ل ليث باشا بكرة بالليل بمناسبة كتب كتابه على البرنسيسه بنت أختي وهدية للفهد علشان يعرف عقاب اللي يلعب معايا .