فى صباح يوم جديد ملئ بالمفاجأت استيقظ ليث وهو مبتسم فقد كان يرى اخته فى الحلم وهي فرحه مع والديها ليتذكر فرحتها عندما تقدم لها اسرFlash back كان اسر يجلس مع ليث متوترا
ليث بمكر: ايه يااسر مالك اتكلم
اسر بتوتر: بص اصله كنت عايز طيب اسمع
ليث: براحه بس واجمع كلامك وانا سامعك
اسر: انا بصراحه بحب واحده
ليث: ابن حلال والله شكلنا هنفرح بيك مع يارا قريب اصل لسه فى واحد متقدملها انهارده
اسر بصدمه: انت بتقول ايه ومين ده
ليث: ايه يابنى يارا اختنا فى واحد متقدملها ويبقى ابراهيم العشماوى اكيد عارفه
اسر بخوف: وانت ايه رأيك
ليث: شايفه مناسب جدا وبابا كمان وكنت هاخد رأيك وانت اهو فتحت الموضوع قولى رأيك بقى
كان اسر يشعر بانه غير قادر على اخذ انفاسه كيف يعطى رأيه فى شاب متقدم لحبيبه طفولته ومراهقته وشبابه يالله ماهذا الشعور المخيف
اسر ببطء: اللى تشوفه انت ثم ينظر بعيدا حتى لا يلاحظ ليث دمعته التى خانت عينيه وهبطت من حزنها
ليث بتعجب: اسر للدرجادى بتحبها يااسر
اسر بعدم فهم: بحب مين
ليث: بتحب اختى يامغفل
اسر بصدمه: قصدك انها لعبه منك ياليث
ليث: طبعا كان لازم اتأكد من حبك دى بنتى مش اختى متزعلش منى يااخويا بس انت عارف بحبها اد ايه
اسر بفرحه: يعنى انت موافق اتجوزها
ليث بصرامه: لسه طبعا استنى شوية كده
اسر: استنى ايه
ليث بجدية: عرفنى على نفسك وعيلتك وشغلك ومرتبك وهتقدر تعيشها فى نفس المستوى ولا لاء ولو زعلتها فى يوم متخيل انا هعمل فيك ايه وهتعاملها ازاى تقدر تجاوبنى يااستاذ
اسر بحب: هعمل اي حاجه فى سبيل انها تكون ليا حتى لو هاقف قصادك ياليث يارا دى ملكى انا وبس اسم يارا محفور على قلب اسر السيوفى من 15 سنه
ليث بسعادة: وانا كده اقدر اسلمك اختى وانا مطمن بس اعمل حسابك هتنقلوا للقصر معايا
اسر باعتراض: ياعم الفيلا مش بعيدة عن القصر
ليث: لاء انا اصلا عرضت عليكم كده من ساعه ماحد حاول يحرق الفيلا بس جه الوقت اننا نعيش مع بعض
اسر: اعتبره نفذ ياباشا ، عاد ليث لقصره وجد اميرته فى الحديقه تذاكر
ليث: قلبى بيعمل ايه
يارا بفرحه: بطلى وحشتنى اوى لترتمى بين ذراعيه ليلف بها عده مرات وهي تصرخ بسعاده ومن يراهم يبتسم تلقائيا فهم عوضوا بعضهم عن فقدان عائلتهم وبعد فترة يبدأ ليث حديثه: حبيبتى ايه رأيك فى اسر
لتصعد حمرة الخجل وتكسو وجهها ليبتسم اخيها
يارا بخجل: رأيى ازاى يعنى
ليث: انتى اختى وانا مش هخبى عليكى اسر طالب ايدك منى انا عن نفسى مش معترض اسر اخويا وانتى اختى بس الرأى فى النهاية رأيك
يارا بخجل: اللى تشوفه ياليث
ليث بخبث: بتحبيه يابت لتقوم يارا مسرعه ويجرى ليث خلفها: خدى يابت جاوبينى
يارا وهى تخبئ وجهها فى كتفه: اه بحبه
ليث بحنان: ربنا يسعدكم ياقلبى اجهزى بقى لاكبر فرح فى البلد لاحلى بنت فى الدنيا ياروحى لتحضتن اخيها بسعاده فهي تعلم ان اخاها لن يحزنها back
ليث بألم: المفروض فرحك كان انهارده بس فرحك فى الجنه مع ماما وبابا احلى اكيد ياقلبى ليقوم ويتوضأ ويصلى ويذهب لعمله
اما اسر فظل حبيس غرفته وترك رسالة الى ليث يخبره بانه لن يذهب للشركه فتفهم ليث وضعه
ليث: صباح الخير يابابا
رأفت بحزن: صباح الخير ياحبيبى اقعد افطر
ليث: مليش مزاج انا رايح الشركه
رأفت: وفين اسر
ليث بألم: قالى مش هيخرج من القصر انهارده سيبه يابابا براحته هو هيتحسن
رأفت: امتى ياليث امتى انتو بتضيعوا من بين ايدى وانا مش قادر اتصرف كفاية اللى راحوا
ليث بوجع: مع السلامه يابابا
أنت تقرأ
مؤامرة وعشق
Mystery / Thrillerلكل انسان قلب ينبض مادام يعيش قلب يجعلنا نرى الحياة افضل ان تنحى العقل جانبا لبعض من الوقت ، بامكانك رفض وجود الحب فى الحياة وانه يوجد من يستحقه ولكن عندما تقابل نصفك الاخر ستعرف ان هذه مقولة حمقاء لن تستطيع انكار حبك وستعافر من اجل الوصول لهذا الشخ...
