مؤامرة وعشق

part 16

جه الليل والكل منتظر حسن يفوق علشان يدخلوا
الدكتور : حسن بيه فاق بس مينفعش كلام كتير ولا إجهاد وابعدوه عن اي حاجه ممكن توتره الفترة الجاية لان الوضع صعب ، ليدلف الجميع للغرفه ولاول مرة يشاهدوا حسن بهذا الضعف
مراد : حمدالله على السلامه يااونكل
حسن بضعف : الله يسلمك ياحبيبى ، وبعد اطمئنان الجميع عليه
اسر : ايه يااونكل اللى تعبك فجأة لينظر حسن طويلا للجميع لم يحن الوقت بعد ليعلموا السر الذى سيقلب حياتهم للابد
حسن : معرفش يااسر انا تعبت فجأة واخر حاجه شفتها ايمن السكرتير وهو داخل عندى وصحيت لقيت نفسى هنا المهم انا هخرج امتى
وليد : الدكتور قال مفيش خروج قبل يومين يابابا وهتسمع الكلام حضرتك تعبان
ورد : مفيش خروج يااونكل حتى لو اصريت على كده
حسن بخفوت : ااه يارتنى اقدر اقولك انك السبب فى كل تعبى ياورد بس مش قادر انا خبيت اكبر سر فى حياتك ودلوقتى عرفت اخطر حاجه ممكن تكرهينى علشانها بس صدقيني ياحبيبتى مش قادر اتكلم لسه
همس : بتقول حاجه يابابا
حسن : لاء يااحبيبتى مفيش حاجه يلا روحوا دلوقتى الوقت اتأخر مينفعش تفضلوا كلكم هنا كده
ليث : اونكل معاه حق مينفعش ورد وهمس يفضلوا هنا كتير كده وليد بس اللى هيفضل هنا
همس : بس انا مش هسيب بابا لوحده
مراد : لاء ياهمس هتيجى معايا البيت ووليد بس اللى هيفضل هنا مع اونكل
وليد : يلا ياهمس اسمعى الكلام وامشى معاهم ليستأذن الجميع ويغادر وحسن قدم سقط فى النوم من تأثير الادوية وكانت ورد شاردة لم تنتبه لاي شئ يحدث حولها تفكر فقط فى كلام عمر وما علمته مؤخرا ...
مراد : ورد ماالك فى ايه مش معانا خالص ليه
ورد : ها مفيش يامراد احنا وصلنا امتى
همس : مانتى طول الطريق مش معانا يلا ننزل ليدلفوا جميعا ويجدوا عدي ورنيم والقلق ظاهر على وجوههم
رنيم : مراد انتو كويسين خوفتونى عليكم ومحدش بيرد على اي فون ليه رنيت عليكم كتير
مراد : اسف ياحبيبتى مخدتش بالى والله ولا سمعته
عدى : المهم انكم كويسين
همس : بخير ياحبيبى اطلع نام انت يلا علشان كليتك بكرة
رنيم باستغراب : ايه ده همس هو فى حاجه ولا ايه
مراد بهدوء : اونكل حسن تعب شوية انهارده وهو حاليا فى المستشفى ووليد معاه وانا جبت همس معانا علشان نرمين عند اهلها انهارده ووليد كلمها قالها تفضل هناك
رنيم بفزع : يعنى خالو تعبان ومحدش يقولى ازاى طب هو عامل ايه دلوقتى
ورد : متقلقيش هو كويس والله دلوقتى وهنروح بكرة كلنا
عدي : انا مش هروح الكلية وهاجى معاكم الصبح
مراد : تمام اهدى بقى ياحبيبتى يلا نتعشا علشان نطلع لانى تعبان
ورد : انا مليش نفس هطلع انا تصبحوا على خير وصحيح ياهمس اللبس فى دولابى لما تتعشى ابقى اطلعى خدى حاجه علشان تغيرى البس الفورمال بتاعك
همس : تمام ياحبيبتى
فى مكان لاول مرة نروحه يصحى واحد مفزوع من نومه : السر لازم ينكشف بعد 18 سنه ياترى هعرف اوصلهم ولا كل حاجه هتكون راحت منى ثم يبكى يااارب انا مكنش بايدى حاجه انا خفت ومعرفتش اقول الحقيقه لحد كانوا هيموتوا ابنى لو اتكلمت بس خلاص جه الوقت اللى كل حاجه هتظهر فيها واهو ابنى كبر وسافر وانا مش فارق معايا حاجه غير ان الحقيقه تبان علشان لما اموت ابقى عملت اللى عليا وريحت ضميرى ....
رأفت : ازاى ياولاد محدش يتصل عليا ويقولى كنت جيت واطمنت عليه مينفعش كده اللى عملتوه ده
اسر : يابابا هنروح الصبح والله واكيد حضرتك هتبقى معانا
ليث : الكل كان متوتر يابابا وخصوصا ان تعبه مفاجئ والوضع كان صعب
ليسرح رأفت فترة دون كلام ثم يتحدث : تمام بكرة الصبح استنونى مينفعش تروحوا من غيرى يلا تصبحوا على خير
فى الصباح كان الجميع فى غرفه حسن وقد تعافى قليلا لتستأذن ورد للرد على هاتفها فى الخارج ليستغل مراد الفرصه
مراد : احنا عمليه القبض على وائل كمان يومين نخلص على الشر بقى علشان نستريح كلنا
عدى : انت بتتكلم عن اونكل وائل صح ؟
اسر : اونكل ايه ياحبيبى ده تاجر مخدرات وسلاح واعضاء وكل حاجه تتوقعها الله ياخده مكان ماهو دلوقتى
ليث بهدوء : ومتنساش انه قاتل مراد انا عايز اكون معاكم
مراد : مينفعش ياليث متعرضش نفسك للخطر دخولك صعب
ليث : انا هكلم القيادة عندك بس انا عايز اكون موجود فى اللحظه دى
اسر : وانا كمان هابقى معاكم
حسن : بلاش ياولاد وائل مش سهل واكيد هيبقى واخد احتياطاته من الحكومه
وليد : عيب عليك ياحاج احنا مرتبين له خطه هتوقع عشرة زيه بس ادعيلنا
ليث : انا هستأذن بقى علشان عندنا صفقه بكرة قصاده لازم أكسبها
رأفت : انا هفضل مع حسن هنا وانت واسر وورد روحوا الشركه ومراد يروح شركته مع مراته ووليد وهمس يروح الشركه وبعدها وليد يجيب مراته ويقولها علشان متزعلش منه انه خبى عليها وعدي هيروح علشان امتحاناته قربت ومش عايز حد ينقاشنى فى كلمه قلتها يلا اتفضلوا
فى الخارج ، ورد : فاضل يومين يامحمد مش هتيجي بقى انت وعدتنى تبقى موجود فى اللحظه دى
محمد : هاجى ياحبيبتى والله هابقى موجود صدقينى انا مستنى اللحظه دى من زمان
ورد بحذر : مش هتزعل من مراد والله هيعمله
محمد بقسوة : حياته متفرقش معايا فى حاجه انا لولا انى مش عايز ألوث ايدى بدمه كنت قتلته بايدى
ورد : مش هتحكيلى
محمد : لما اجى هتعرفوا كل حاجه يلا علشان انا رايح اجيب سارة والاولاد من بره وفى اليوم المحدد هابقى موجود الصبح
ورد : ماشى ياحبيبى فى امان الله مع السلامه
مراد : بتكلمى مين ياورد
ورد : كلها يومين وهتعرف يامراد انتو خرجتوا ليه
اسر : بابا طردنا يلا يااختي عندنا شركه وشغل مهم وانتى جاية معانا ، لينصرف الجميع الى اعمالهم على امل اللقاء فى المساء
كان اسر فى قمه عصبيته بعد اختفاء ملف الصفقه ولكن ليث يجلس بهدوء
اسر بعصبيه : انت بارد كده ازاى يابنى ادم دى صفقه مهمة جدا هتسيب ابن الشامى ينتصر عليك
ليث ببرود : على جثتى اقعد يابنى واهدى انا عارف بعمل ايه ثم يوجه حديثه لورد : اعلنى انسحابنا حالا
ورد : تم يافندم
اسر بعصبية : فهموني فى ايه وانسحاب ايه
ورد : انا هحكيلك امبارح وصلنى مكالمه من وائل الشامى بيطلب منى الورق مقابل حياة جورى علشان ميأذيهاش ولما قلت لليث باشا اتفقنا انا هديله نسخه مزيفه من ورق صفقه قديم ونعلن انسحابنا وبكره فى الصفقه الكل يتفاجأ بينا والصفقه هتبقى بتاعتنا
ليجلس اسر بضحك : طب قولو كده من الصبح ليه مخبيين كان ايه لازمتها اكسر المكتب كده عاجبكم
ليث : عارف يااسر لو مختفيتش من قدامى دلوقتى هقرأ الفاتحه عليك ، ليقوم اسر سريعا ويسحب ورد معه : خليك لوحدك بقى احنا خارجين نشرب قهوة بره
كان ليث يفكر فى حبه لورد هل من الممكن ان يجمعهما القدر ام هناك شيئا خفيا سيقف عائقا أمامهم .
مر يومان دون جديد تعافي حسن قليلاً وأصر على الخروج من المشفي مع الراحة التامة وتولت همس مسؤلية الشركة بجانب نارمين فى ظل انشغال وليد بقضيه وائل وكذلك بقية الشباب أما ورد فكانت مشتتة بين وائل وبين السر الذي عرفته مؤخرا والذي من شأنه أن يبدل الحال رأسا على عقب ولكن يلزمها بعض الوقت
ورد : عايزاك تعرفلى كل حاجه عن ........... يومين والمعلومات دي تكون معايا عايزة كل حاجه من البداية حتى لو تفصيلة صغيرة بلغني بيها
مجهول : تحت امرك يافندم يومين ويكون الملف معاكي
لتشرد ورد ماذا إن تأكدت شكوكها هل يحق لها الحديث ام تلتزم بالصمت حتى لا تتوالي الصدمات على رأس الجميع
فى الإدارة .. مراد : يافندم حضرتك اديت اسر وليث تصريح بحضور عملية زي دي ازاي كده خطر عليهم
اللواء : ليث اصر على الموضوع والقيادات بلغتني باني اسمحله يامراد ومقدرتش ارفض بس اللى واثق منه انهم هيساعدكم فى الحكاية دي
مراد : تمام يافندم هستأذن أنا وبإذن الله بكرة نرجع واحنا معانا وائل الشامي وكل اللى معاه
اللواء : أنا واثق فيك وفي فريقك يامراد بالتوفيق يابطل ، ليؤدي مراد التحيه ثم ينصرف الى فريقه
عامر : هنعمل بكرة ايه يامراد خلاص ساعة الصفر بتقرب
أحمد : عندي امل اننا هنرجع بكرة منتصرين باذن الله ونقبض عليهم
وليد : يااريت بجد ده هيبقى اعظم انتصار حققناه فى الادارة هنا
مراد : عايزاكم تركزوا بكرة كويس اوي احنا هنمشي سوا وهنرجع سوا مش عايز أخسر حد فيكم بكرة حياتكم أهم من العملية دي متفقين يارجالة
يحيي : سيبها على الله يامراد واللى مكتوب هنشوفه
مراد : ونعم بالله ، بكرة التحرك هيبقى الساعه 2 الفجر واحنا دلوقتى الساعه 3 اهو هنروح كلنا ونجتمع تاني على الساعه 11 بالليل بإذن الله اشوفكم على خير يارجالة ، لينصرف الجميع على موعد اللقاء فى الليل
فى الشركة .. ليث بشرود : تفتكر هيتبقض علي ابن الشامي بكرة ؟
اسر : يارب ياليث خلى الكل يستريح بقى وكفاية اللى عملناه فيه فى اخر صفقه flash back
بعدما أعلن ليث العمري انسحابه واطمئن وائل للصفقه فوجئ فى اليوم التالى بأن شركة ليث واسر اكتسحت الصفقة لصالحها ليجن جنونه ويطلب من ورد الحضور فورا
وائل بغضب: ايه اللى حصل ياورد وازاي ليث دخل تاني
ورد بمكر : معرفش حاجه انا اعلنت انسحابه امبارح وانهارده اتفاجأت بالفوز معرفش ايه حصل
وائل بشك : يعني ايه الكلام ده هو بيشك فيكي ؟
ورد : تبقى مصيبة لو بيشك فيا كده كل حاجه هتضيع مننا
وائل : طب امشي دلوقتى وانا هتصرف واكلمك ، لتخرج ورد وهي فرحه بذلك الانتصار وكادت ان تدلف ثانية لانها نسيت هاتفها بالداخل لتستمع إليه : غبية متعرفش انها بتدمر حياتها بايديها وانها هتأذي اقرب الناس لها وكلها كام يوم واقول قنبلتي واندمها على كل حاجه حصلت وتبقى كارت محروق لما اكشفه لابن العمري
ورد بشرود : ياتري قصده ايه باقرب حد ليا ومين ده اللى انا بدمره اكيد فيه حاجه انا معرفهاش ولازم اعرفها فى اقرب وقت
حل الليل سريعاً على الجميع
فى فيلا المنصوري ، يستعد وليد للذهاب إلى عمله وسط قلق زوجته وأبيه
حسن : مابلاش تظهروا انتو ياوليد انا خايف عليكم من وائل
وليد باطمئنان : متقلقش يابابا ومتنساش ان ده حق لورد ومراد ولازم ناخده مهما كانت النتيجة
حسن بشرود : وطار من نوع خاص لشخص ميعرفش أساساً ان السبب فى بعده عن أهله لسه عايش
وليد : قصدك ايه يابابا هو أسر لسه عايش صح ؟
حسن : عندي احساس قوي اننا هنشوفه قريب ياوليد وساعتها هو اللى هياخد حق أهله
وليد : ان شاء الله يلا فى امان الله ومهما حصل محدش يخرج من هنا غير لما نخلص مهمتنا
استعد اسر وليث جيدا حسب تعليمات مراد
رأفت : خدوا بالكم من نفسك كويس ياولاد انا مش هستحمل خسارة حد فيكم
ليث : خير يابابا أهم حاجه بس انت خليك هنا واحنا هنطمنك كل شوية
اسر : ومتنساش تاخد الدوا لما معاده يجي
رأفت : هتروحوا فيلا مراد الأول صح
اسر : اه التحرك من هناك واما نشوف ورد هتعمل ايه
على الجانب الآخر حاول مراد بشتي الطرق اقناع ورد بالبقاء بعيدا ولكن دون جدوي
ورد بزهق : مش هقعد يامراد صدقني أنا مستنيه اليوم ده بفارغ الصبر ومش هستريح غير لما أشوفه مقبوض علين قدامي
ليث وقد دخل مع اسر : مراد معاه حق ياورد لازم تفضلي هنا المكان هناك مش امن خالص واحنا مش ضامنين وائل هيعمل ايه
ورد بقوة : وانا ميهمنيش ايه يحصل هناك حتى لو رجعت ميته بس لازم اخد حقي وحق أهلى
كان اسر يشعر بشعور غريب ولم يستطع مجادلة أحدهم الآن هو فقط ينظر لورد وغضبها دون حديث
وليد : خلاص يامراد سيبها معانا وتفضل فى العربية
مراد : هتيجي مش هتنزلى من العربية مهما حصل ياورد والا صدقيني لو اضطريت احبسك هنا هعملها
ورد : تمام ماشي يلا بينا ،، فى تمام منتصف الليل كان الجميع فى الإدارة منتظرين الأمر بالتحرك
عامر : ورد انتي جاية ليه
مراد : بعيدا عن مهمتنا الأساسية انا ليا طار خاص مع وائل ولازم اخلصه انهارده وورد جزء من الطار ده واللواء عارف
يحيي : بإذن الله نرجع كمان ساعات واحنا بنحتفل بانتصارنا
وليد : القناصين واقفين بره يامراد هدخلهم مرة قبل مانمشي
مراد : تمام ثم يوجه حديثه لهم : طبعا زي ماقلت قبل كده أي محاولة هروب تصرف فورا مش عايز حد يهرب واماكنكم اللى حددتوها جهزت على اعلى مستوي واعلى تأمين
هم : تمام يافندم
مراد : يلا بينا وقبل مانمشي عايز اعرفكم ان حياتكم كلكم مهمة عندي ومش عايز ارجع وانا خسران حد منكم احمي نفسك أهم حاجة حياتك ثم المهمة
نصف ساعه ووصل الجميع مع القوات للمكان المحدد وبدأ كل فرد فى التوجه لمكانه المعلوم
ليث : وورد هتبقى فين
مراد : المبني ده هنركن فيه عربية قديمه وورد هتفضل جوا ومش هتخرج مهما حصل الا لما نخلص واظن كلامي واضح وكفاية اني جبتك هنا
ورد : تمام ماشي
مراد : مش عايز تهور ياورد حتى لو شفتي حد مننا اتصاب اوعي تتصرفي من دماغك
اسر : اسمعي الكلام ياورد وبلاش تهور وحقك هيرجع
كانت ورد تستمع إليهم بإهمال ومراد يعلم ذلك جيدا ولكن غير قادر على فعل شئ
وليد : فاضل نص ساعه على المعاد يامراد لازم نختفي كلنا يلا
مراد : تمام هوزع القوات واحنا هنفضل فى العربية بتاعتنا فى المبني التاني لحد ماادي امر الهجوم
كان المكان عبارة عن مجمع سكني تحت الانشاء يحتوي على 4 مباني غير مكتملة البناء وتركز ال3 قناصين على الأسطح فى اماكن تستطيع كشف موقع العملية بشفافية واضحه
لم تمر سوى 20 دقيقه لتبدأ اضواء السيارات تظهر من بعيد
مراد لفريقه : كل واحد مكانه محدش يتحرك ياشباب مهما حصل وانت يااحمد انت وفريقك مجموعه 1 ومجموعة 2 بتاع يحيي هتهجموا من ورا اما مجموعه 3 بتاع عامر وانا ووليد والشباب هنهجم من قدام
الشباب : تمام
بدأت السيارات فى الوقوف وبعد قليل ظهر وائل وسط السيارات وبدأت عملية التحويل
مراد بهمس : استعد ياشباب دقيقة هنهجم فى وسط العملية ثم يصيح فجأة : هجووووووم
ليضئ المكان بسيارات القوات وسط ذهول وائل ومن معه وتبدأ معركه اطلاق النيران فى مشهد مفزع

ايه هيحصل وهل وائل هيتقبض عليه ولا هيهرب واخو ورد عايش فعلا ولا مات ودي كدبة من وائل كل ده هيظهر البارت الجاي .. إلي اللقاء