مؤامرة وعشق

part 2

مراد بصدمه: نعم بتقولى ايه
ورد: بقولك وائل الشامى هو اللى قتل اهلى هو اللى قتل رجل الاعمال حسن المحلاوى وهو اللى قتل جميلة الشامى
ليجلس مراد بصدمه مكانه هو يعلم دنائة هذا الرجل ولكن ان يقتل اخته وزوجها كان صدمه كبيرة ما السر الذى جعله يقتلهم وكيف قتلهم ؟؟ ليتجه بحزن نحو ورد ويضمها لتبكى بشدة هي تتحمل فوق طاقتها ولكن فى سبيل رجوع حق اهلها ستفعل المستحيل
ورد ببكاء: هاجيب حقهم يا مراد وحق اخويا اللى اتقتل
مراد: يعنى هو اللى ورا قتل اخونا كمان
ورد: لاقيت فى مذكرات ماما كده وكانت صدمتى الاكبر ان وائل اخو ماما بالتبنى مش اخ بالدم
مراد بذهول: عرفتى ده كله ازاى وامتى
ورد: هحكيلك لما بقى عندى 15 سنه مكنش وائل جدد الفيلا لسه دخلت ولانى كنت بشوف ماما دايما بتكتب حاجات فتحت الكراسة دى ومكنش حصلها حاجه المهم فى الاول كانت بتكلم عن حياتها مع بابا وسعادتها وفرحتها الاولى باخويا لحد ماظهر وائل كتبت ان تيته كانت عندها مشاكل ومبتخلفش وده زعلهم جدا بس قرروا يتبنوا طفل وحصل فعلا وبعد 6 سنوات حصلت المعجزة وتيته جابت ماما مفرقوش بين الاتنين بس وائل حس انها اخدت مكانه وبدأت الغيرة تأكله وزادت اكتر لما جدو قسم الورث بينهم كان عايز كل حاجه له وبدأ يعمل مشاكل لبابا وماما بعد وفاة جدو لحد مابابا اكتشف انه تاجر مخدرات وقرر يبلغ عنه وماما وافقته فى قراره هو اه يعتبر اخوها بس اللى بيعمله حرام وهو عرف كده راح قتلهم
مراد بحزن: هنجيب حقهم ياقلبى والله
ورد: انا معايا ورق يثبت انه تاجر فعلا بس انا هخليه يتمسك متلبس
مراد بترقب:انتى شفتى حاجه يوم ما اتقتلوا
ورد بسخرية: انا عشت جوا الحدث وكان بيدور عليا يقتلنى انا كمان بس هربت منه وجيت هنا لبابا ايمن
ليزداد الكره فى قلب مراد لذلك الشخص الذى قتل عائلة اخوته وقتل اخاه الذى كان يعشقه ولكن كان للقدر رأى اخر عندما فرقهم وهم فى السادسة من عمرهم عن بعضهم بالرغم من صغر سنه الا انه يتذكره جيدا ولم ينسى اي من ذكرياتهم معا

فى غرفه اسر كان يجلس يتأمل صور محبوبته المدللة التى عشقها بكل جوارحه ولكنها تركته يذوق مرارة الفراق ليشرد فى طفولتهم معا وحبه لها منذ الطفولة وعندما تقدم به السن طلبها من اخيها لتصبح ملكه قلبه وكانت حياتهم نعيم وجنه
اسر بضحك: يابت اتهدى تعبتينى بقى
يارا بضحك عالى: انت بقيت جدو يااسورة انا لسه بيبى صغير
اسر وقد امسك بها: احلى بيبى فى الدنيا كلها
يارا بخجل: اسر ابعد شوية
اسر بعند: لاء انتى مراتى وكلها شهر وتبقى فى بيتى خلاص ياقلبى
يارا بخوف: انا خايفه يااسر ليضمها اليه وقد انتقل هاجس الخوف اليه ولكنه اخفاه
اسر بحنان: من ايه ياروحى بس
يارا: سيبك من ده كله عايزاك توعدنى انك تكمل حياتك لو مكنتش انا فيها وتجيب بيبى صغير تسميه مالك والبنت ملك ايه رأيك
اسر: انتى اللى هتجيبلى البيبى ياقلبى وهنعيش سوا ونكبر عيلتنا مع بعض انتى روحى مقدرش اكمل من غيرك
ليث: ابعد عن اختى يالا انت متستغلش انى مش هنا
اسر بتحدى: مراتى ملكش دعوة بيها
ليث: بس اختى انا ليشدها اليه ويلتقى الثلاثه فى حضن دافئ وكل منهم يعوض الاخر نقصانه ليفيق من ذكرياته وهو يبتسم ثم يحدث نفسه: وغلاوتك عندى لاجيبلك حقك من اللى عمل كده وهخليه يندم على حياته كلها