ليث بتوتر: انتى اتصابتى من الخبطه ولا ايه
ورد بألم: لاء انا كنت متصابه اصلا بس الخبطه فتحت الجرح تانى
ليث: هكلم الدكتورة تيجى
اسر: انا هروح اجيبها على طول
ورد: لاء بس ممكن اروح انهارده واجى بكرة
ليث: طيب الدكتورة تشوفك بس
ورد: مراد هيشوفنى لما اروح ممكن
ليث: خلاص تعالى هوصلك يلا لتوأما ورد بتعب وتركب معه ليسألها عن عنوانها لتدله على فيلا الشرقاوى ليتعجب منها فهي قالت انها وحيدة لقد قالت مراد اذا هي تقصد مراد الشرقاوى فهو بحكم عمله يعلم ان مراد الشرقاوى متزوج من ابنه عمه ولقد حضر زفافهم بالفعل ياترى ما علاقتها به
ورد: شكرا ياليث بيه انا هنزل بقى
ليث: طيب اوصلك لحد جوا ليصل عدى فى ذلك الوقت ويفزع من الدماء الموجودة على ملابسها
عدى بقلق: حبيبتى انتى كويسه لتستند برأسها على كتفه ليضمها هو اليه وسط غيرة ليث الشديدة فقد تأكد ان ورد حبيبه عدى الاخ الاصغر لمراد الشرقاوى ولكن عدى ذو جسد رياضى بعض الشئ فمن يراه لا يظن انه لم يكمل ال20 بعد
عدى باستغراب: انت مين وعملت فيها ايه
ورد: ده ليث العمرى مديرى ياعدى وده عدى الشرقاوى
عدى: اهلا بيك اتشرفنا
ليث: الشرف ليا وانا معملتش حاجه لورد هي اتخبطت بس وانا جبتها هنا لانها مش قادرة تسوق
عدى باسف: بعتذر بس وردتى دى خط احمر عندى
ليث: ربنا يخليكوا لبعض ثم يتذكر انت اللى خبطت اسر صح هو قالى عدى الشرقاوى
عدى بخجل: اه فعلا بس هو كان شارد وماخدتش بالى
ليث ببتسامه: ولا يهمك يلا استأذن انا بقى
ورد وعدى: مع السلامه ليركب سيارته ويغادر سريعا حتى لا يرى عدى محتضن ورد هكذا
عدى: ايه اتخبطتى فى مين فتحلك جرحك كده
مراد بفزع: ايه ده مالك ياقلبى هببت ايه يازفت
عدى: معملتش حاجه هي اتخبطت وليث العمرى هو اللى جابها هنا ومشى من بره
مراد باستغراب: ليث العمرى طيب ايه اللى حصل
ورد بغيظ: شوف الجرح الاول يابنى وبعدها احكيلك ليقوم سريعا وينظف جرحها وبعد فترة
رنيم: يعنى خبطتى فى اسر السيوفى وفتحلك جرحك هما وحوش اوى كده ايه ده
عدى بمرح: اومال لو شفتى ليث بقى ده حائط بشرى ولا عضلاته يالهوى مش عارف بيعمل ايه علشان يبقى كده
ورد بشرود: اسر فى نفس جسم مراد كده حتى لون عينيه نفس لون عينى بحسه شبهى
رنيم بخبث: شكلنا بدأنا نقع كملى وايه كمان
ورد: مش عارفه بحس معاه بامان لما بكون بينه وبين ليث بحس بحاجات غريبه حاسة ليث بيكملنى واسر حد اعرفه من زمان
مراد بجدية: ورد انتى بتقولى ايه ازاى معجبه بالاتنين دول اخوات انتى بتفكرى ازاى
ورد بعصبيه: انا مش معجبه بحد وحتى لو كده فهو ليث وبس اما اسر انا معتبراه اخويا زيك بس كل مااشوفه قلبى بيدق مش عارفه ليه
مراد: خلاص اهدى محصلش حاجه هنكمل كلامنا بعدين روحى استريحى بس ياقلبى
ورد: انا فعلا هقوم ليشرد مراد فيما قالته فهي ستجنى عذاب لا حدود له
عاد ليث للشركه بعقل شارد ولكن كعادته اخفى مشاعره تحت قناع البرود
اسر: هنعمل ايه فى اللى مستخبى ده
ليث ببرود: قريب هيظهر ووقتها قسما بربى ليتمنى الموت ومش هيطوله المهم جبت الواد اللى نفذ
اسر بغضب: الرجالة وصلوله فعلا وقريب اوى هيكون معانا بس سيبهولى انا اخد حقى
ليث ببرود: احنا الاتنين هناخد حقنا بس من غير قتل انت فاهم طبعا مفيش قتل يااسر مهما حصل
اسر: ماشى الموت اصلا هيبقى رحمه له
فى المساء عاد ليث واسر للقصر وجدوا رأفت يجلس شاردا ولم ينتبه لهم
اسر بتعجب: بابا مالك قاعد كده ليه
ليث: بابا انت كويس
رأفت ببتسامه باهتة: انا كويس ياحبايبى جيتوا بدرى ليه كده فى حاجه مخبيناها على بابا
ليث ببتسامه وجع: مفيش يابابا احنا كويسين
رأفت: ايه نقط الدم دى يااسر ( كان اسر مرتدى تشيرت ابيض يحدد تفاصيل جسده بشدة فظهرت بعض النقط الحمراء مكان ورد اما ليث فدائما ما تكون ملابسه سوداء وبالمناسبه هم لا يحبون الملابس الرسميه)
اسر: اه ده انا خبطت فى واحده واتعورت وانا اللى مسكتها فتقريبا ده منها بس ازاى مخدتش بالى
رأفت بذهول: خبطت فيها عورتها اومال لو ضربتها
اسر بضحك: هي كانت متعورة اصلا وانا معرفش ولما خبطت فيها الجرح فتح بس كده
رأفت: مين دى
ليث: السكرتيرة بتاعتى ورد المحلاوى
رأفت بتعجب: انت متأكد من اسمها
اسر باستغراب: اه ايه اللى فيها انت تعرفها
رأفت: لاء معرفهاش بس عيلة المحلاوى انتهت بموت حسن المحلاوى هو ومراته معرفش ان لهم بنت
ليث: هي قالت فعلا ان عيلتها متوفيه وملهاش اخوات بس ازاى العيلة كلها انتهت
رأفت: دى حكايه كبيرة اصلا وهم مش من هنا كانوا من الصعيد وبسبب التار والكلام ده حسن جه القاهرة بعد ما كل عيلته راحت وحاول يرجع اسم عيلته بس اتقتل قبل مايعمل كده
اسر بذهول: ماتوا مقتولين ازاى
رأفت: مش عارف بس وقتها البلد كانت مقلوبة لانه كان من اكبر رجال الاعماا فى البلد معرفتش تفاصيل لانى كنت مسافر
اسر: دى نفس البنت اللى جت يوم حادثتى مع عدى الشرقاوى وقالت انه اخوها
ليث: ازاى اخوها ده باين عليه حبيبها ده اتجنن لما شافها انهارده متعورة
اسر: لاء هي قالت انه اخوها وبعدين عدى الشرقاوى عنده 20 سنه حبيبها ازاى
ليث بحيرة: اومال قاعده فى بيت الشرقاوى ليه وايه علاقتها بولاد الشرقاوى
رأفت: حسن المحلاوى وايمن الشرقاوى كانوا اصحاب وعلى فكرة الشرقاوى العيلة اللى كانت ليها تار مع المحلاوى بس ولادهم طلعوا اصحاب من غير مايعرفوا المشاكل واما كبروا وجه الدور عليهم ان حد فيهم يخلص على التانى رفضوا وهربوا وانتهى سلاسل الدم بينهم وفضل ايمن وحسن اصحاب واخوات كمان
اسر: ايه الفيلم الهندى ده
رأفت: بس فعلا فيه حاجه غريبه يعنى سايبه شركتها مع ولاد الشرقاوى وجاية تشتغل عندك سكرتيرة
اسر: لما سألتها قالتلى انها حابة تعتمد على نفسها
ليث بعدم اقتناع: يمكن فعلا المهم يلا نتغدى لان فيه ناس جاية شغل انهارده كمان شوية
رأفت: يلا يابنى
فى مكتب مراد: انتى قولتى انك معجبه ب ليث العمرى صح
ورد بزهق: فكك من الموضوع ده انا مش هربط حياتى بحد غير لما اجيب حقى انت فاهم
مراد بحده: اسمعينى كويس لما ليث يعرف اتفاقك مع ابن الشامى هيقلب الدنيا جحيم
ورد: وانا عايزاه يعمل كده فعلا خلي ناره تحرق وائل
مراد: هتحرقك انتى كمان يا ورد
ورد بغموض: متقلقش عليا انا عارفه انا بعمل ايه كويس
مراد: ماشى يا ورد انا حذرتك وانتى مبتسمعيش الكلام خدى بالك من نفسك بقى لانى مش هستحمل حاجه تحصلك
لتضمه ورد باخوة فكم كانت تتمنى ان يكون اخاها على قيد الحياة
أنت تقرأ
مؤامرة وعشق
Mystery / Thrillerلكل انسان قلب ينبض مادام يعيش قلب يجعلنا نرى الحياة افضل ان تنحى العقل جانبا لبعض من الوقت ، بامكانك رفض وجود الحب فى الحياة وانه يوجد من يستحقه ولكن عندما تقابل نصفك الاخر ستعرف ان هذه مقولة حمقاء لن تستطيع انكار حبك وستعافر من اجل الوصول لهذا الشخ...
