مؤامرة وعشق

part 25

ليث بغضب : انت باين عليك كبرت وخرفت ياراجل أنت امشي من هنا بدل مااعمل تصرف مش هيعجبك
ماجد : وأنا مش خايف منك لأن دي الحقيقة اللي كانت لازم تتعرف من زمان وأهلكم مخبينها عنكم
مراد : لاء بقي أنت زودتها أوي .. وليد خده بره للحرس
حسن بهدوء : بس هو مبيكدبش يامراد أنت وليث
محمد بصدمة : يعني ايه يااونكل مبيكدبش
رأفت بألم : يعني اللي سمعتوه اسر مش ابني فعلاً وهو أخو ورد ، ليجلس ليث بصدمة واهمال ومراد مازال لم يستوعب الصدمة بعد
ليث بضياع : يعني انتم معيشينا ف كدبة طب ليه يابابا خبيتوا علينا وانتو شايفينها بتتعذب كل يوم بسبب بعده
حسن بقلق : ورد عارفة ان اسر أخوها من يوم هروب وائل كانت شاكة بس وائل اكدلها
محمد بصدمة : عارفة ازاي وساكتة وبعيدة عنه
رأفت : اقعدوا وانا هحكي كل حاجه والاستاذ ماجد يحكي عرف ازاي
ماجد : بعد ماحسن باشا كلمني أدور له ع ابنه جالي خبر وفاته بالليل بس عرفت ان بنته عايشة قررت استمر ف البحث لانه له افضال كتير عليا فضلت أسبوعين ابعت صورته لكل المستشفيات القريبة والبعيدة حتى اللي علي أطراف البلد ووصلي خبر بانه كان فيه طفل ف مستشفي من سنتين مش لاقيين أهله وروحت هناك بس ملقتوش ومحدش عرف مين خده حتي الشرطة معملتش بلاغ ساعتها يأست من اني الاقيه بس يشاء ربنا وأنا راجع اعمل حادثة بسيطة وارجع المستشفى ولما جيت اخرج سمعت زوج وزوجة بيتكلموا والست بتعيط وبتقول لزوجها أنا عارفة انه من حقك تتجوز علشان تخلف لان الدكتور انهارده قتل اخر أمل جوانا اننا نخلف وانت نفسك تكون أب .. ساعتها الراجل رد عليها وقالها انه مبسوط معاها وبعدين اسر موجود وغناهم عن اي طفل تاني وهو اللي هيشيل اسمه حتي لو مش من دمه .. ساعتها قربت وقررت اراقبهم ومشيت وراهم لحد ما وصلوا وفضلت كام يوم واقف هناك على أمل اني اشوف الطفل وشوفته فعلاً ومصدقتش نفسي لما عرفت انه اسر ومكنش اتغير كتير روحت علشان أقول لايمن باشا بس قبل مااوصل واحد خطفني وهددني بمراتي وابني انه هيقتلهم ساعتها مقدرتش اتكلم وسافرت الصعيد لاهلي وانا مطمن على اسر لانه لقي اب هيحافظ عليه لحد مالحقيقة تظهر ولما ابني كبر وسافر جيت اقول الحقيقة علشان لما اقابل ربنا تبقي ذمتي خالية
مراد بعصبية : مجتش وقلتلنا ليه كان بابا قادر يحميك أنت وعيلتك بدل الوجع اللي عيشنا فيه سنين ده
ماجد بحزن : معرفتش افكر وقتها ف اي حاجه غير اني احمي ابني الوحيد
رأفت : اسمعوني انا كمان ليسرد لهم كيف التقي باسر وكيف عرف بانه ابن حسن المحلاوي واعترافه لحسن المنصوري بكل شئ ومعرفة ورد عن طريق وائل وشكوكها عندما جاءت وعلمت ان والدة أسر لديها مشاكل لا تستطيع الإنجاب وعمل تحاليل لها ولاسر ولكن استطاع وائل تزويرها حتي يُخفي الحقيقة ويستغل ورد أكثر
مراد بتوهان : يعني طول الوقت ده بدور على أخويا وهو جنبي وانتو عارفين ومحدش قالنا ثم يكمل بصراخ : كنتوا فين وهي بتتعذب يومياً بسبب خوفها ليكون اخوها حصل له حاجه كنتو فين وهي بتموت قدامي وانتقامها من وائل عاميها لدرجة انها ممكن تتخلص من حياتها عادي محدش شاف وجع أختي أدي أنا معرفش هي لحد دلوقتي مستحملة ازاي تعرفوا انها علشان تحقق حلمنا واحنا صغيرين دخلت شرطة وهي العقرب ها العقرب ياوليد صاحب المهمات الصعبة اللي محدش يعرفه يبقي أختي ورد شفت العذاب اللي هي فيه وصلها لفين
ليث بصدمة : أنت بتقول ايه مش ممكن
مراد بألم : لأ ممكن ياليث لما يبقي كل حياتها تعب وقتل أهلها قدامها هتبقي دي النتيجة ورد قلبها ميت من زمان وأنت كسرته دلوقتي حتي لو مكنش قصدك وبتحميها علشان كده حذرتك مليون مرة ياليث اوعي تيجي عليها بس اهو هتخسرها
حسن بحزن : والله لما قلتلك يامراد على حكاية اخوك مكناش نعرف ولسه مكتشفين قريب مقدرناش نتكلم خوفاً عليكم وانتو بتحاربو وائل من كل اتجاه
ليث : مفكرتوش ف اسر لما يعرف نفسيته وهو عايش حياته ف كدبة من 20 سنة مفكرتوش هيعمل ايه واخته قدامه وهو ميعرفش وردة فعله لم يكتشف ان اللي بندور عليه وكان عايز يقتله هو خاله وهو اللي قتل أهله والسبب ف اللي حصله زمان
رأفت بقلق : اسر ابني وهيفضل ابني يامراد أنا اللي ربيت وكبرت وحافظت عليه مش هسمحلكم تاخدوه مني وتخلوه يزعل لأ ياليث هو ابني أنا ، نظر مراد لذلك الرجل أمامه وهو يري خوفه وضياعه وألمه بالتأكيد ليس هينا ان تعيش مع أحدهم مدة كهذه وفي النهاية تتخلي عنه بسهولة فما بالك بعلاقة أب وابنه ، هو يعلم تمام العلم ان المتضرر الوحيد هنا سيكون رأفت بعدما يعود اسر للقبه الحقيقي .