لا تعلم ورد ما حدث لها وما هذا الشعور بالقلق الذى امتلكها ولكن هناك شئ خاطئ هي متأكدة من حبها ل ليث فلماذا هي قلقه على اسر هكذا ليقطع شرودها وصول اسر بالفعل
اسر: ازيك ياورد عاملة ايه
ورد بقلق: الحمد لله وحضرتك
اسر بتأفف: كويس بس لسه خابط فى بنت غبيه بره عصبتنى وحتى مااعتذرتش ولا وقفت تبصلى حتى
كانت ورد فى عالم اخر ولم تنتبه له
اسر: وووورد مالك سرحانه فى ايه
ورد: ها مفيش يافندم حضرتك هتنزل تانى
اسر: اه هنزل اروح اتمم على المبنى الاخير علشان الصفقه تخلص وبعد كده هرجع تانى
ورد: طيب انا هاجى مع حضرتك
اسر باستغراب: هتيجى ليه خليكى هنا
ورد: معلش يافندم عايزة اخرج حاسه انى قلقانه كده فهخلص شغلى واجى مع حضرتك على طول
اسر بتعجب: قلقانه ماشى ياورد يلا هنتحرك ليخرجا معا ويصلوا للمكان فى موقع بعيد نسييا عن المنطقه السكنيه ليلاحظ شرود ورد الدائم وبعد مرور ساعه هاتف ليث اسر
ليث: ها يااسر خلصت شغلك وبعدين فين ورد جيت مش لقيتها فى الشغل هي مجتش انهارده
اسر: اه خلصت وهخرج اهو وورد معايا
ليث بتعجب: معاك ليه
اسر: مش عارف انا لقيتها بتقولى هاجى معاك وكانت مش مركزة من اول اليوم فوافقت
ليث بعدم فهم: تمام يلا تعالوا مستنيكم عندنا شغل كتير انهارده متنساش ان الشركه الايطاليه جاية
اسر: تمام مسافه السكه
وصلت همس لشركتهم وجدت ابيها يتابع اعماله
حسن: ها ياهمس خلصتى الشغل
همس بعصبيه: لاء اصحاب الشركه مكنوش هناك
حسن: طيب متعصبه ليه ياقلب بابا
همس: خبطت فى واحد غبى حائط بشرى كان نفسى امسح بكرامته الارض بس لما اشوفه تانى
حسن بضحك: حائط بشرى طيب معلش خدى بالك من نفسك بعد كده يا هموسة
همس: عارف شفت حاجه غريبه اوى ورد المحلاوى سكرتيرة ليث العمرى وسابت الشغل مع مراد
حسن بذهول: بتقولى ايه ورد عند ليث طيب ليه
همس: مش عارفه يابابا بس اكيد فى حاجه وفى ذلك الوقت يدخل وليد مع مراد بدون اذن
حسن بسخريه: انتو كبرتو على انى اعلمكم الادب ياحيوانات نفسى تخبطوا على الباب قبل ماتدخلوا
وليد: معلش ياحاج قوات بقى
مراد: ايه ياابو على هو حد غيرنا يستجرى يدخل كده كنت قطعت رجله
حسن: خلاص اسكتوا عامل ايه يامراد
مراد: بخير يابو على وحضرتك
حسن: كويس يابنى همس خدى وليد على مكتبك عايز مراد لوحدنا
وليد بدراميه: بتطردنى يابابا مكنش العشم
همس بمزاح: ابويا ومراد ياللحقارة
حسن: بره ياولاد الكلب يلا اختفوا
مراد بضحك: ربنا يصبرك يااونكل عندك بلوتين
حسن بجدية: مراد عايزك فى موضوع خطير وورد لازم متعرفش عنه حاجه انت بس اللى هتساعدنى
مراد بقلق: فى ايه يا اونكل موضوع ايه
حسن: فاكر اخوك يامراد اخوك اللى مات من 20 سنه
مراد بحزن: طبعا وعمرى مانسيته ده مكنش اخويا بس ده توأم روحى انا قعدت سنتين مبتكلمش لما مات
حسن: وعارف مين قتل عيلة ورد
مراد: ورد لسه حكيالى من شوية وبتحاول تاخد حقها وطريقتها غلط وانا خايف عليها
حسن: اسمعنى كويس يامراد...... وبعد فترة انتفض مراد بفزع: انت بتقول ايه
حسن بالم: دى الحقيقه يامراد للاسف
مراد بصراخ: ليه انا معرفش انا بتعذب وانت ساكت ليه يااونكل ليه ده انا بموت يوميا
دخل وليد بقلق: فى ايه يامراد ولاول مرة يرى الجميع مراد يبكى بالم حقيقى ليضمه وليد بشدة وهو لا يعرف ماحدث لصديقه حتى يراه ضعيفا هكذا
وليد بخوف: مالك يا مراد فى ايه ياصاحبى
ولكن صمت مراد ولم تتحدث غير دموعه التى تهبط بغزارة ليشد على قميص وليد ليتجه حسن نحوه ويمسح دموعه: مراد لازم تكون اقوى اللى جاي صعب
مراد بتعب: وانا فين من ده كله وورد كمان ورد هتموت لما تعرف انت مش عارف حالتها محدش عارفها زيى
ليصمت حسن وهو يعلم صحه كلامه
ركبت ورد بجانب اسر
ورد ببتسامه: انت معندكش اخوات يا فندم
اسر بهدوء: لاء مليش غير ليث تعرفى انى كنت متزوج
ورد بصدمه: بجد طيب سيبتها ليه
اسر ببتسامه وجع: هي اللى سابتنى مش انا اللى سبتها اختارت البعد
ورد بحزن: ليه كده حرام عليها ازاى تبعد عنك
اسر بألم: الموت كان اقوى منى ومنها اتقتلت على ايد ناس معندهمش رحمه بس وغلاوتها عندى لانتقم منهم لتصدم ورد فهي اعتقدت انه طلقها ولم يأت بعقلها انها ماتت واي موت لقد قتلت ماهذا لقد تحمل الكثير والكثير
ورد بحزن: اسفه انى فكرتك ربنا يرحمها
اسر: تعرفى كانت اميرتى الصغيرة والمدللة كنا دايما نتخانق عليها انا وليث وهو يقولى دى بنتى انا ملكش دعوة بيها ولا يوم ما طلبت ايدها منه كان عايز يقتلنى لانى هاخدها منه مع اننا عايشين فى بيت واحد بس هي كانت الحياة بالنسباله
استنتجت ورد الان ان حبيبه اسر كانت اخت ليث ولكنها لا تعرف ما يجمعهم لتصمت وتترك اسر يتذكر اوجاعه وحيدا ولم يستمر ذلك طويلا لتقف سيارة وينزل منها 6 رجال اقوياء يعترضون طريق اسر وورد
اسر بقوة: عايزين ايه لقد استنتج فورا انهم احد اعدائه ووجود ورد معه خطر
احدهم: حاجه صغيرة بس توصلها لليث باشا علشان يهدى اللعب بالنار شوية يا اسر باشا
اسر باستهزاء: شكلك متعرفش احنا مين بس ابقى قول للى بعتك ان اسر السيوفى وليث العمرى ميهزهمش الريح
لتهبط ورد من للسيارة: يلا يافندم خلينا نمشى من هنا
رجل اخر: تمشوا ايه لسه بدرى ظبطوهم يارجالة لتبدأ معركه بين ورد واسر والرجال واثبتت ورد قوتها واسر كذلك ولم يمنع ذلك من تلقيهم بعض اللكمات ليأتى احدهم ويضرب اسر بعصا قوية على يديه ليتألم اسر ولكنه لا يستسلم وفى لحظة امسك احدهم مسدسه وصوبه نحو اسر لتتجه ورد ناحيته سريعا وتحتضنه لتصاب هي بالرصاصه ويفر الرجال هاربين
اسر بفزع: ورد انتى كويسه ورد ردى عليا
ورد بتعب: متقلقش انا كويسه ليغشى عليها بين يديه لينظر لمصدر الدماء ويرى جانبها الايسر مصاب وينزف بغزارة حاول حملها ولكن يديه قد كسرت وتؤلمه بشدة ليهاتف ليث
ليث: ايه يااسر اتأخرتوا ليه
اسر بتعب: ليث تعالى بسرعه
ليث بفزع: اسر مالك فى ايه
اسر: فى ناس طلعوا علينا فى الطريق وضربوا علينا نار وورد متصابة ومغمى عليها وانا ايدى انكسرت مش عارف اتصرف بسرعه بتنزف ياليث
ليث بفزع: انا جاي خليك مكانك وفى لمح البصر كان يركب سيارته ويتحرك بسرعه هائلة لينقذ اخاه والفتاة التى دق قلبه لها
فى ذلك الوقت كان حسن يهدئ من وجع مراد الى ان هب مراد فجأة من وسطهم وهو يهتف باسم ورد
حسن: مراد احنا اتفقنا ورد مش هتعرف
مراد بقلق: ورد مش كويسة اختى تعبانه ليحاول مهاتفتها ولكن مغلق ليتذكر ليث فورا ليرن عليه لينظر ليث للاسم بتوتر فهذا مراد هل علم شيئا عن اخته
ليث بثبات: اهلا مراد خير
مراد : هي ورد فين ياليث
ليث: اكيد فى الشغل يامراد مالك
مراد بتوتر : لاء ورد فيها حاجه مش كويسه
ليث: طيب اسمعنى ورد كانت مع اسر وطلع عليهم ناس ضربوهم انا رايحلهم وانت تعالى على المستشفى سلام ليجلس مراد بصدمه
حسن بقلق : فى ايه يامراد ورد مالها
مراد بشرود: يعنى ايه مصابة مش ممكن ورد كويسه
وليد: مين مصاب يامراد
مراد: ورد ورد فى المستشفى ولم ينتظر احد بل هرول تجاه سيارته لينطلق سريعا ويلحق به الجميع بفزع
وصل ليث لمكان اسر وجده جالس على الارض وورد بين يديه غارقه فى دمائها
ليث بصدمه: اسر قوم بسرعه يلا لازم نتحرك
اسر بالم: بتموت بين ايدى زي يارا ياليث انا اه مبحبهاش بس بعتبرها اختى هي اختى ليه عملت كده ليقف ليث متخشب مكانه فموقف قتل يارا يتكرر امام عينيهم والضحية هنا ورد هل سيتركها ترحل هي الاخرى ليفيق سريعا
ليث بغضب: اتحرك معايا يلا هنروح المستشفى يلا يااسر ليحمل ورد سريعا ويضعها فى السيارة ويساعد اسر فى الجلوس هو الاخر ويطير بسيارته لاقرب مستشفى ويرسل العنوان لمراد وبعد خمس دقائق وصل لاحدى المستشفيات التابعه لهم : عايز دكتور بسرعه مش عايز حاجه تحصلها انتو فاهمين هطربق المستشفى على اللى فيها اخلصوا
ليتحرك الجميع بسرعه هائلة فهم يعرفون الصقر عندما يغضب لتدخل ورد غرفه العمليات ويأتى احد الاطباء لاسر لمعالجته وقد رفض التحرك من مكانه ومشهد مقتل حبيبته عاد لذاكرته ببشاعه
مراد بفزع: اختى فين ياليث
ليث: اهدى يامراد هي فى اوضه العمليات وهتكون بخير ان شاء الله متقلقش ليجلس مراد بحزن على اخته وقد وصلت عائلته باكملها ومعهم عدى ورنيم الذين عرفوا فورا من حرس مراد واتجهوا للمشفى ووقف الجميع فى انتظار خروج ورد لتخرج ممرضه سريعا
هي: عايزين دم بسرعه لانها نزفت كتير
حسن بتوتر: اتصرفى بسرعه هي فصيلتها ايه
الممرضه: A+
اسر بسرعه: نفس فصيلتى انا هتبرعلها
هي: مينفعش يافندم حضرتك مصاب انت كمان
اسر بغضب: قلتلك انا اللى هتبرع هي خدت الرصاصه بدالى المفروض انا اللى اكون جوا ليصدم الجميع مما سمعوا ماذا حدث لها لتضحى بحياتها فداء اسر ما السر وراء ذلك ؟؟؟
وبعد فترة تبرع لها اسر ليخرج الطبيب
هو: الحالة دلوقتى مستقرة بس اصابتها مش سهلة ولازم متابعه دايما الحمد لله انها مصبتش حته معينه فى الجانب الايسر والا كانت هتبقى مشكلة وكمان اللى اتبرع بالدم ساعدها جدا ليتنفس الجميع براحه فهي تعدت مرحلة الخطر ولكن تبقى حيرتهم كما هي حتى تفيق
مراد بشكر: مش عارف اقولك ايه انت ردتلى روحى تانى بجد هفضل مديون ليك بحياتى ليضمه مراد وتنزل دمعه من عينيه على كتف اسر ولاول مرة يتأثر اسر باحد لقد شعر براحه غريبه وهو يضمه اراد ان يقول له لا تبتعد وهو لا يعلم سر هذا الشعور
حسن بحنان: ربنا يجازيك خير يابنى
اسر: بنتكم هي اللى ضحت علشانى انا معملتش غير واجبى يافندم ربنا يخليها
رأفت بلهفة: اسر انت كويس فى ايه
ليث: اهدى يابابا مفيش حاجه الحمد لله سليمه
رأفت: طيب ودراعه ومين اتصاب انا مفهمتش من الحارس كويس لما بلغنى
اسر: محصلش حاجه يا حبيبى وورد هي اللى انصابت بدالى بس الحمد لله دلوقتى كويسه
رأفت بذهول: انصابت مكانك ازاى يعنى ضحت بنفسها علشان تحميك ايه البنت دى
اسر لتهوين الموقف: اومال لو شفتها وهي بتضرب الرجالة وتوقع 3 منهم بضربات فى مقتل لعيبه بجد
وليد بسخرية: مش تعليم الفهد ولا ايه
رأفت: اهلا بيكم ياولاد منور يافهد انت اخو ورد صح
مراد: اه يافندم تشرفت بحضرتك
رأفت: ربنا يحميها يابنى ثم يلتفت ليرى حسن ليتحدث باستغراب: ايه ده رجل الاعمال حسن المنصورى هنا
حسن: انا قريب الجماعه وورد زي همس بنتى
رأفت: مش عارف بجد اقولكم ايه جميلكم ده هيفضل على راسى طول العمر
همس بصدمه: هو انت ، لينظر لها الجميع بتعجب
اسر: افندم حضرتك تعرفينى
همس بغيظ: انت اللى خبطتنى انهارده
اسر: بقى انتى البنت الغبية اللى خبطت فيا وماعتذرتش حتى انسانه غبيه
رأفت: اسر احترم نفسك فى ايه
اسر: اسف يابابا بس هي مستفزة
حسن: بقى ده الحائط البشرى اللى خبطتى فيه ده اسر السيوفى ياهمس
وليد بضحك: حلوة حائط بشرى دى اختى فعلا
ليث: بس اهدوا خلاص انتى كنتى عندنا فى الشركه ليه ياانسه همس
همس بجدية: كنت هعرض على حضراتكم مشروع صفقه مشتركه بس ورد بلغتنى انكم مش موجودين
ليث بجدية: تمام بكرة هنتظرك فى الشركه ندرس الصفقه واللى فيه الخير يقدمه ربنا ، نظر حسن لاسر طويلا وهو يشك فى شئ وعليه التأكد ولكن الوقت ليس مناسبا بالمرة
الممرضه: المريضه فاقت تقدروا تدخلوا بس بلاش تتعبوها ، ليسرع مراد وعدى اليها فهي اختهم الوحيدة
مراد بلهفة: حبيبتى انتى كويسه
ورد بتعب: انا كويسه يامراد متقلقش
عدى ببكاء: كده يا رودى تخوفينى عليكى
ورد: بشوف غلاوتى عندك ياحبيبى بلاش دموع بقى لاقوم اضربك انا لسه بصحتى ثم تنظر لمراد وكأنها تطلب الامان ليفهمها من نظرة عينيها ويتجه اليها ويجلس بجوارها ويعدل وضعها لتكون بين احضانه لعلها تشعر بالدفئ الذى تفتقده
حسن: عاملة ايه ياحبيبتى دلوقتى
ورد: كويسة يااونكل الحمد لله
همس: بقى يازبالة تنضربى بالنار من غيرى طيب قوليلى اجى اساعدك ولا حاجه غبيه
ورد بسخرية: المرة الجاية يا هموسه
رنيم بغيظ: عارفه ياورد انا منزلتش دمعه عليكى عارفه ليه ياحبيبتى لانك غبيه كل يوم بتيجى باصابه شكل محسسانى انك اله تنصاب وتلقائي تعالج نفسها وترجع تنصاب تانى
ورد بضحك وتعب: ده انتى معبيه منى بقى
رأفت ببتسامه: حمدالله على سلامتك ياقمر
ورد: الله يسلم حضرتك
اسر: ده بابا رأفت ياورد بجد مش عارف اقولك ايه انا المفروض اكون مكانك هنا دلوقتى
حسن: انت بردو يابنى انقذتها لما اتبرعت ليها بدمك لا تعلم ورد لما دق قلبها بقوة هكذا تبا للقلب ما هذا الشعور
وليد: يعنى دمك بيجرى فى دمها يييع
مراد: اخرس انت يازفت
ليث: حمدالله على السلامه ياورد عايز اشكرك لانى لو عشت عمرى كله مش هعرف اوفيلك جميلك ده ، حدثت ورد نفسها ماذا لو عرف الجميع انها جاسوسة وائل الشامى هل سيصدقوها انها فعلت ذلك لتحميهم ام ماذا؟؟؟
احد رجال وائل: حصل اللى امرت بيه يافندم بس فى حاجه حصلت بوظت الدنيا كلها
وائل بترقب: فى ايه يابهايم
هو: احنا وصلنا وضربناه فعلا بس كان معاه بنت وقوية جدا ولما حاولنا نضربه بالنار هي خدت الطلقه بداله وعرفت انها اسمها ورد اخت الفهد وسكرتيرة الصقر يافندم
وائل بصدمه: ورد انتو اغبيه
هو: يافندم الطلقه كانت هتصيبه بس هي ضحت علشانه بس عرفت انها متأذتش وانهم كلهم معاها
وائل بغضب: اخرج بره ياغبى ثم يحدث نفسه : عملتى كده ليه ياورد
دخل ظابط لغرفه ورد: السلام عليكم
الجميع: وعليكم السلام
هو: انا المقدم اشرف الشهاوى واللى بيحقق فى قضيه ورد هانم واسر باشا
مراد بجدية: معاك مراد الشرقاوى
اشرف باحترام: تشرفنا يافهد سمعه حضرتك سبقاك كنا عايزين نعرف شوية معلومات عن اللى ممكن يكون عمل كده وهل فى عدو مشترك بينهم ولا لاء
ورد: انا مبشكش فى حد
اسر: ولا انا انت اكيد عارف ان احنا لينا اعداء كتير فى العمل وممكن يكون حد منهم بس مش شاكين فى حد لينظر الشباب لبعضهم وقد قرروا اخذ حقهم بايديهم
وليد: انا وليد المصورى واكيد سمعت اللى قالوه وعيب اوى لما الفهد اخته تنضرب بالنار وهو ميحققش بنفسه
اشرف: تشرفت بحضرتك يافندم واكيد الفهد هيعرف مين اللى عمل كده بعد اذن حضراتكم هبلغ القيادة بان حضرتك هتتولى المسؤليه
مراد: تمام اتفضل وشكرا على تعاونك معانا
ليث بشر: وائل الشامى حسابك تقل معايا اوى
وليد: عدوكم وائل الشامى يبقى هدفنا واحد احنا ماسكين قضيته لانه تاجر مخدرات كبير
اسر: كده تمام نهايته قربت اوى
لينظر مراد وورد لبعضهم لتتمسك اكتر به ليشعر بها ويطمئنها وهو لا يعرف كيف يطمئن نفسه مما هو مقبل عليه !!
سر ورد هينكشف ولا لاء وياترى ايه نهاية حب ليث لورد ومشاعر ورد المتذبذبه هنعرف بعدين👋👋👋👋
أنت تقرأ
مؤامرة وعشق
Misterio / Suspensoلكل انسان قلب ينبض مادام يعيش قلب يجعلنا نرى الحياة افضل ان تنحى العقل جانبا لبعض من الوقت ، بامكانك رفض وجود الحب فى الحياة وانه يوجد من يستحقه ولكن عندما تقابل نصفك الاخر ستعرف ان هذه مقولة حمقاء لن تستطيع انكار حبك وستعافر من اجل الوصول لهذا الشخ...
