مؤامرة وعشق

part 10

رأفت بصدمه: انت عرفت الاسم ده منين
اسر بجمود: حسام نور الدين هو قاتل يارا
ليث ببرود: وقاتل اهلى يابابا ولا ايه
رأفت بتوتر: انا مش عايز اخسر حد فيكم كفاية اللى راح انسو الاسم ده ومحدش يفتحه تانى
ليث بصراخ: من حقى اعرف اهلى اتقتلوا ليه وايه ذنب اختى وليه فيه عداوة مع الشخص ده بالذات
رأفت بصياح: وانا مش هتكلم ياليث انا طالع ومش عايز اسمع حد فيكم بيتكلم عن الموضوع ده
اسر بشرود: بابا مخبى حاجه ولازم نعرفها
ليث بجمود: هيحصل فعلا وهعرف مخبى ايه
عاد مراد وورد للفيلا وقد استعادت ورد حيويتها واصبحت لا تريد سوى الانتقام من قاتل عائلتها
عدي بتذمر: خرجتوا وسيبتونا ليه
رنيم بحب: حمدالله على السلامه ياحبيبى حمدالله على السلامه يارورو
ورد: الله يسلمك ياقلبى
مراد: الله يسلمك ياروحى ربنا يخليكى ليا وميحرمنيش منك ابدا
رنيم: هجيبلك الغدا
مراد بعشق: بسرعه بس لانى هموت وانام
عدي بغيظ: انا اتكلمت قبلها على فكرة
مراد: هششش بس ياحبيبى
عدي: انت بتهش ناموسة في ايه اتعدل ، لينظر له مراد بطرف عينيه ليختبئ عدي خلف ظهر ورد تهربا من نظراته
ورد بضحك: هتفضل طفل ياعدي اومال جورى فين
رنيم: نامت من شوية يلا اتغدوا انتو اتأخرتوا بره انهارده وشكلكم تعبانين
مراد بارهاق: فعلا تعبان موت وهموت وانام
رنيم:  بعد الشر عليك ياحبيبى
عدي برخامه: هاا وايه كمان ابهرينى
مراد: كلمه كمان وفى واحد هالعب بيه انهارده
عدي سريعا: انا شبعت تصبحوا على خير ليصعد سريعا لغرفته فاخر مرة تدرب مع اخيه ظل فى السرير 4 ايام
ورد ببتسامه: يامسيطر انت
مراد بثقه: طبعا يابنتى واثق ومفيش كلام ، ليرن هاتفه باسم ليث ليرد سريعا: الو ايوة ياليث خير
ليث: اسمعنى كويس بابا مخبى حاجه كبيرة ولازم نعرفها بس هو رافض يتكلم اصلا
مراد بتفكير: ممكن نضغط عليه
ليث بتعب: مقدرش يامراد بابا ممكن يتعب
مراد: مش قصدى كده احنا هنعمل خطه صغيرة بحيث هو يتكلم من غير تفكير وساعتها هنعرف كل حاجه
اسر: طب ازاى ده
مراد: انا هجيب وليد ونعمل نفسنا بنتفق على الانتقام من حسام وصوتنا يكون عالى اول مانشوفه هينزل مثلا وبعد مايسمعنا انا واثق انه هيتكلم
ليث: فكرة بردو واحتمال كبير تنجح
مراد: يبقى معادنا بكرة الصبح باذن الله
ليث: تمام تصبح على خير
ورد: فى ايه
مراد: رأفت باشا شكله عارف الحكاية كلها وبكرة هنفك اللغز ده وحق ناس كتير هيرجع
ورد بامل: ياريت يامراد علشان يستريحوا بقى
جمال: مالك ياباشا
حسام بشرود: مش مطمن ياجمال لازم نخلص مهمتنا ونمشى على طول تانى الوضع مش مستقر هنا ومفيش امان
جمال: متقلقش ياباشا كله تمام احنا فى السليم
حسام بتفكير: تفتكر ليث العمرى عارف هويتى او عارف مين قاتل اهله وحديثا قاتل اخته
جمال بحيرة: ياباشا انت كنت نسيتهم ايه اللى فكرك بيه تانى ولحد دلوقتى انا معرفش سبب قتل اخته
حسام بغضب: كان لازم تموت وهو كمان هيموت بعيدا عن اللى عمله ابوه هو كمان من غير مايعرف حاجه اذانى فى اكتر حاجه بحبها فى حياتى ووقت الحساب قرب خلاص( ياترى ايه السبب التانى اللى مخلى حسام يفكر فى الانتقام مش لما نعرف السبب الاول كان ايه اصلا😂)
بات ليث ليلته وهو غارق فى التفكير عن السر الذى يخبئه والداه يفكر هل لديه القدرة على تحمل ما سيسمع غدا اما ماذا
اما ورد فظلت تفكر فى خالها وكيفيه تنفيذ الجزء القادم من مخططها وعن تصرف ليث عندما يعلم انها جاسوسة والاهم من ذلك كله هل اخيها مازال حيا ام لا وان كان حيا فاين هو ولماذا لم يبحث عن عائلته اسئلة عديدة والاجابة لا شئ
فى صباح يوم جديد اشرقت الشمس لتعلن عن حدث جديد سيغير مجرى قصتنا الان
وصل مراد ووليد لقصر ليث واسر ودلفوا مباشرة
مراد: ها مستعدين ولا ايه
اسر: مراد خلى بالك بابا تعبان ومش عايز اي حاجه تأثر عليه
مراد : متقلقش يااسر كله هيبقى تمام
ليث: يارب يا مراد ، ها هنعمل ايه
وليد: تفاعلوا معايا انتو بس وكله هيمشى زي مااحنا عايزين ان شاء الله ، ليوافقه الجميع
فى الاعلى يجلس رأفت ومعه صورة صديق عمره ياسر العمرى لتدمع عيناه وهو يحدثه : سيبتنى يا ياسر وسيبت حمل تقيل اوى عليا واحد منهم معرفتش احافظ عليه للاسف والتانى بيجرى ورا دماره مش هستحمل يا اخويا يحصله حاجه بس ابنك عنيد زيك بالظبط فاكر لما حاولت امنعك عن اللى فى بالك وانت اصريت عليه وكانت النهاية موتك اهو بردو ليث نفس دماغك ، ليشرد فى الماضى  flash back
ياسر بتصميم: لاء يا رأفت لازم اعمل كده حتى لو مع اقرب الناس ليا لازم نفكر بقى وكفاية سلبيه
رأفت بصياح: وانت لوحدك اللى هتغير البلد يعنى يا ياسر اسمعنى كويس خاف على مراتك وعيالك وسيب الموضوع زي ماهو ومتظهرش انت وخليك مستخبى بس عارف كل حاجه
ياسر: لاء يا رأفت جه الوقت اللى اظهر فيه وكفاية كده ولو على عيلتى فربنا الحافظ وطول ماانا مع الحق مش هخاف
رأفت بقله حيلة : وانا معاك يا ابو دماغ حجر فى اي حاجه هتعملها
ياسر ببتسامه: طب هات حضن لاخوك بقى  back
عاد رأفت للواقع على سماع صوت عالى من الاسفل ليخبئ الصورة وينزل سريعا ليصدم مما سمع
وليد بصياح: ليث انا عرفت مكان حسام نور الدين فى مصر لسه نازل امبارح وحطيت عليه مراقبه كمان
اسر: تمام كده اوى جه وقت النهاية ولازم نروحله كلنا ونمسكه بس قبلها هنتقم بطريقتى
رأفت بصدمه: انتو بتقولوا ايه وحسام هنا ازاى وانتقام ايه
ليث ببرود: مش طلع حسام نور الدين هو القاتل فعلا وانا اتأكدت يابابا
رأفت: مستحيل اسمحلك تضيع منى زي ابوك يا ليث مستحيل هو كان زيك كده بس لاء انا معرفتش امنعه زمان بس هقدر عليك صدقنى
مراد: وياترى يااونكل حضرتك كنت عايز تمنع اونكل ياسر من ايه وليه خايف من حسام كده ده مجرد حشرة هنمسكها
رأفت بصراخ: محدش يعرف حسام زيى ده اتحول لشيطان من بعد موت ابوه بسبب ياسر لاء
ليث بصدمه: بابا السبب فى موت ابوه ازاى
مراد: كمل يااونكل واحكيلنا ايه اللى حصل زمان
رأفت بتعب : هحكيلكم بس اوعدونى متتحركوش من غير مااعرف
اسر: نوعدك يلا يابابا اتكلم
رأفت: زماان كان ابو حسام وجدك يا ليث اصحاب مقربين وجيران كمان بس كان ولادهم بيكرهوا بعض او بمعنى اصح حسام بيكره ياسر لانه كان متفوق عنه فى كل حاجه وكان ابو حسام بيحب ياسر جدا ونفسه حسام يبقى زيه بس حسام كان فاهم ان الكل بيكرهه ومن هنا بدأت المشاكل بقى حسام دايما بيحاول يوقع ياسر فى مشاكل بسبب ومن غير سبب بس ابوك كان عاقل وكان بيحاول يكسب ثقته من غير مشاكل واستمر الحال ده عشر سنين كاملين وياسر ساكت مبيتكلمش بس بدأ يلاحظ على حسام حاجات غريبه وانه بيسهر كتير ويسكر وكانت الصدمه لما عرف انه بيشرب مخدرات حاول بكل الطرق الممكنه يمنعه من غير مايأذيه بس مفيش استجابه وقرر يروح لابوه يكلمه علشان يلاقى حل وياريته ماكان راح لانها كانت بدايه الجحيم فعلا
Flash back كان ياسر فى طريقه لغرفه المكتب الخاصه  ب نور الدين والد حسام ليسمع ما صدمه حقا ليعجز عن التحرك وعقله قد شل تماما
نور الدين : حسام بقى مدمن مخدرات يا سراج( والد ياسر) وده خطر علينا لو اتمسك او حاجه
سراج : والحل يا نور ده هو الوحيد اللى بيعرف يمشى الدنيا فى شغلنا وعارف كل حاجه والشحنه جاية كمان اسبوع وكده فلوسنا كلها هتضيع
نور بتفكير : تفتكر نكلم ياسر على كأننا منعرفش حاجه ونشوف هيفكر ازاى وهو اكيد هيلاقى حل
سراج : ياسر لو عرف هيبوظ الدنيا مينفعش نقوله
ياسر وقد دخل فجأة : حلوة جدا اللعبه بقى انت يابابا تاجر مخدرات لييه كل ده حرام عليك طب مخفتش من ربنا وانت يااونكل ناقص ايه فى حياتكم علشان تتجهوا للحرام
نور بتوتر : اسمعنى ياياسر كل ده لمصلحتكم
ياسر بصراخ: مصلحه ايه اللى بتتكلم بتدخل البيت فلوس حرام ولمصلحتنا وحسام بقى مدمن بسببكم ليه كل ده حرام عليكم
سراج: اعقل ياياسر ونحل الموضوع بهدوء ده شغل زي اي شغل
ياسر بتهديد : معاكم يومين وقسما بالله لو مرجعتوا عن الشغل الوسخ ده لابلغ عنكم كلكم وانا حذرتكم اهو ويتركهم سريعا ويغادر
سراج بخوف: ياسر قادر ويعملها هنعمل ايه
نور : لازم نفكر فى حل سريع انا هروح دلوقتى اشوف حسام يفكر معانا وهكلمك بكرة
سراج بشرود : تكمام هستناك بكرة وبعد خروجه بفترة يدخل ياسر وهو حزين على ابيه الذى وضع نفسه فى النار بكامل حريته
ياسر بحزن : ليه يابابا كده كان ناقصك ايه تروح للطريق ده كل حاجه متاحه تحت ايديك حرام عليك اللى بتعمله ده فكرت فيا وفى عيلتى يابابا
سراج : كل ده بعمله ليك ياياسر خايف عليك وعلى ولادك من الزمن
ياسر بصراخ: خوف ايه ده ومصلحه ايه فوق يابابا قبل فوات الاوان وانا للاسف عند كلامى وهبلغ لو مرجعتش عن طريقك ده فكر يابابا يوم الحساب هتقول لربنا ايه وانت كنت السبب فى يوم فى قتل ارواح بالسم ده وخليك فاكر يابابا ان اول ناس هتبيعك هي القريبه منك ليخرج سريعا حتى لا ينهار ويظل سراج يفكر فى حال ابنه
نور: حسام فوق في مصيبه هتودينا فى داهية
حسام بفزع: ايه يابابا مالك انت كويس
نور بتوتر : ياسر عرف الحقيقه وبيهددنا يبلغ عنا لو مرجعناش عن الطريق ده وساب مهلة يومين بس
حسام بعصبية : ياسر ياسر انا هخلص عليه خلينا نستريح بقى
نور بخوف: متتهورش ياحسام علشان سراج متنساش انه ابنه الوحيد ومستحيل يسمح باذيته خلينا نفكر بالعقل كده
حسام بشرود: سيبنى يابابا افكر فى حل وهقولك بكرة
ذهب ياسر سريعا لصديق عمره واخيه وهو حزين
رأفت بفزع : ياسر مالك
ياسر ببكاء : بابا طلع تاجر مخدرات يارأفت بابا طلع شيطان له يد فى قتل ناس بابا ييدخل سم للبلد
رأفت بصدمه: انت بتقول ايه عمى مستحيل يعمل كده ، ليظل ياسر صامتا ليعلم رأفت ان كلام صديقه حقيقه ولكن لاول مرة فى حياته يقف عاجزا غير قادر على مساعدة اخيه
رأفت بحزن: اهدى بس يااخويا وخلينا نفكر هنعمل ايه
ياسر بتصميم: اديتهم مهلة يومين لو مرجعوش عن طريقهم ده هبلغ عنهم حتى لو هاجى على اقرب الناس ليا يارأفت
رأفت : ملكش دعوة بيهم ياياسر حسام طول عمره بيكرهك ولو عملت حاجه ممكن يأذيك خاف على نفسك وعلى عيلتك مش هسمحلك تدمر حياتك
ياسر : مفيش كلام هيرجعنى عن اللى انا فيه دلوقتى يارأفت خلاص ربنا الحافظ وانا هعمل اللى ضميرى بيقولى عليه لان الساكت عن الحق شيطان اخرس وانا بسكوتى هكون مشترك معاهم فى الجريمه دى
رأفت: دماغك ناشفه ياصاحبى والعواقب وحشه
ياسر بهدوء: اللى ربنا كاتبه هنشوفه يااخويا
رأفت: معاك يابو دماغ ناشفه فى اي حاجه
ياسر ببتسامه : اخويا هات حضن بقى back
ليث: وبابا عمل ايه بعد كده
رأفت بتنهيدة حزينه : عدى الوقت ومفيش جديد وللاسف ياسر كلم واحد زميلنا فى العمليات الخاصه وبلغ فعلا عنهم وجه يوم العملية واتمسك نور الدين وابنه التانى جاسم وجدك يا ليث وللاسف حسام قدر يهرب واختفى فترة محدش عرف مكانه
مراد : بس لسه فى جزء ناقص الحكاية مخلصتش كده
رأفت : الحكاية مخلصتش فعلا بعد اللى حصل ده ياسر كان رافض تماما يروح لابوه يزوره فى السجن بس انا روحت   flash back
سراج بحزن: ازيك يارأفت يابنى
رأفت : الحمد لله ياعمى ليه عملت فينا كده
سراج: انا فوقت متأخر يا رأفت علشان خاطرى هات ياسر وخليه يجى هو بيسمع كلامك هقولكم حاجه مهمة اوى علشان خاطرى
رأفت بحزن: هحاول ياعمى
ياسر بعصبيه: مش رايح حته يا رأفت واسكت بقى
رأفت: والله لو ما جيت معايا ياياسر ماهكلمك تانى سلام
ياسر بغضب وهو يلحق باخيه: استنى جاي معاك مقدرش اسيبك يا صاحبى
رأفت ببتسامه: حبيبى يااسورة وبعد فترة دخلوا لسراج وظل ياسر صامتا
سراج: ليك حق متكلمنيش بس انا فوقت متأخر يابنى ورجعت عن اللى عملته وكنت السبب فى القبض عليهم انهارده معاك والله وخصوصا بعد ما كلامك كان هيتحقق فعلا
ياسر بصدمه: بتقول ايه مش فاهم حاجه
سراج بحزن ودموع: بعد ماهددتنى تانى يوم جه نور وحسام وكانت خطتهم انهم يخلصوا عليك فى سبيل اننا نكمل شغلنا وصدقتك لما قلتلى انهم اول ناس هيبعونى خفت عليك انت ابنى الوحيد وطاوعتهم وبعتك فعلا السفريه اللى تبع الشركه علشان محدش يأذيك وجيت سلمت نفسى واتفقت مع احمد زميلكم انى هبلغه بكل حاجه مقابل انه يحميك وحصل فعلا وجه يوم العملية واتقبض على الكل بس حسام عرف انى كنت السبب وانا والله تبت يابنى سامحني ياياسر وانت يارأفت انتو ولادى اللى طلعت بيهم من الدنيا كلها ومش عايز منها حاجه غيركم
ياسر ببكاء: فقت متأخر يابابا بس اوعدك هحاول اطلعك من هنا
سراج: هنا مكانى يمكن اخفف عن ذنوبى شوية خدوا بالكم من نفسكم ومن ولادك ياياسر ، ليخرج ياسر ورأفت وهم سعداء بما فعله سراج ولكن لم تدم السعاده طويلا وبعد يومين وصلهم خبر وفاة سراج ولكنه مات وقد تاب لربه اما نور وجاسم فحاولوا الهروب من السجن ليلحق بهم رجال الشرطه ويقتلوهم   back
اسر: وبعدها حسام قرر ينتقم وقتل اونكل ياسر صح
رأفت: قعدنا حوالى 3 شهور من غير مشاكل لحد مابدأت رسايل تهديد توصل لياسر وعرفنا ان حسام السبب اكيد وبدأ ياسر فى نقل ملكيته لليث بعد رفضى ان استلمها زي مايكون حاسس باللى هيحصل ومع ان الفيلا كانت مليانه حرس الا ان حسام قدر يوصل للفيلا ودخل وقتلهم واكيد ليث كمل الباقى من الحكاية وانهم ماتوا ازاى
اسر بدموع : طب وايه ذنب يارا ليه تتقتل مع انه حقق انتقامه
مراد بحزن : مفيش غير احتمالين السبب فى كده لاما حسام لسه نار انتقامه مخلصتش وده معناه انه خطر على ليث وعليكم او فيه سبب مجهول كان دافع حسام انه يقتل تانى وينزل مصر وده بقى الاخطر لانه ظهر ومعنى كده ان فيه خطة جديدة بتتعمل ولازم نكون حذرين
ليث ببرود كالثلج : ورحمه اهلى واختى لادفعه التمن غالى واقتله بايدى وبظهوره ده حط نهايته بايده مجاش على الدنيا اللى يخوف ليث العمرى
رأفت بخوف : حسام شيطان يا ولاد ومش هسمحلكم تدمرو نفسكم علشانه
مراد بجدية : اسمعونى كلكم اونكل ممنوع الخروج غير لما نعرف او مع الحرس معلش وده لحمايتكم ده غير انى هزود الفيلا بعدد اكبر من القوات مع الحرس وكذلك اسر وليث مفيش حركه من غير الحراس بتوعكم ممنوع تاخدوا خطوة من غير مااعرف انا وعدتكم انى اجبلكم حسام وعلشان ده يحصل لازم كلنا نتفق
ليث : تمام بس مش هعرف امسك نفسى كتير
اسر : وانا مستنى اليوم ده علشان انتقم من اللى قتل حب عمرى ، لينفضوا جميعا على امل اللقاء بعد تحريات مراد ووليد عن مكان حسام ومساعده حتى يتمكنوا من ضبطه باسرع وقت

طويل اهو كبداية للعودة😂⁦❤️⁩

ياترى ايه اللى هيحصل وايه السر المستخبى وحقائق كتير هتنكشف فى البارتات الجاية انتظرونا