ذهبت ورد سريعا لمصدر الصوت لتجد شاب يقف فى طريق همس وهي غاصبه جدا
ورد : فيه ايه ياهمس ومين ده
همس بغضب : الاستاذ كنا جايين فى عقد صفقه ادوات بس اكتشفت انهم ناس مش تمام ورفضت الصفقه بس هو مصر انه يتمها ولما جيت امشى بيعترض طريقى
ليث بجدية: انت يا استاذ لو محترمتش نفسك ومشيت من هنا انا هزعلك وزعلى وحش كمان
الرجل بسخرية: وانت تطلع مين بقى ياحيلتها حبيبها ولا ايه
اسر بغضب : لا ياروح امك اخواتها واحنا مين احنا الصقر والتعلب اكيد تعرفهم ثم يلكمه بقوة فى وجهه ليسقط أرضا ولم يستطع احد التدخل بعدما عرفوا هوية اسر وليث
ليث : لو شفتك بتعترض طريقها فى اي وقت تانى صدقنى هصفيلك شركتك دى وانا عارف عنها بلاوى توديكم ورا الشمس
ليقوم الرجل ويخرج سريعا بعدما ايقن انه لن يستطيع فعل شئ امام وحوش الاقتصاد
همس بشكر: بجد مش عارفه اشكركم ازاى جميلكم ده فوق راسى والله
ليث : انتى زي اختنا ياهمس ووليد صاحبنا واخونا كمان واكيد لو كنتى فى مشكلة لازم نساعدك
اسر بزهق: وانتى بتنزلى تقابلى انتى العميل ليه المفروض اي حد من عندكم هو اللى ينزل متكرريهاش تانى وتنزلى لوحدك
همس بتعجب: انت بتتكلم كده ليه وبعدين انا اول مرة انزل لان المدير التنفيذى عنده ظروف وواخد اجازة يا استاذ
اسر : انا اتكلم براحتى والاهم متتكررش تانى وخلاص يلا ياليث يلا ياورد انا راجع الشركه
ليث بضحك: انا اسف ياهمس هو ميقصدش حاجه هو بس معتبرك كأخت له وخايف عليكى معلش هنستأذن احنا بقى وبلغى سلامى لحسن باشا ووليد
همس: يوصل ياليث باشا
ورد: يلا سلام ياهموسة وانا هاجيلكم انهارده شوية علشان اونكل وحشنى
همس: تمام منتظراكى باي يا رودى ليذهب كل منهم لوجهته وهم متعجبون من تصرف اسر غير المفهوم
فى المساء عادت ورد لتجد الجميع يشاهد التلفاز
ورد: السلام عليكم يابشر
الجميع: وعليكم السلام
مراد: نورتى ياحبيبتى ايه اللى اخرك كده
ورد : كان عندنا شغل كتير انهارده انت مروحتش ولا ايه
مراد: لا روحت ورجعت على طول والكل بيسأل مين العقرب فزهقت وروحت بقى من دوشتهم بقالهم شهر لسه بيتكلموا عنه
رنيم: هو انت تعرف مين العقرب يامراد
مراد : مبقاش الفهد لو مكنتش اعرف يارورو
ورد : ماشى ياعم الفهد ماتيجى نروح عند اونكل حسن بقالى كتير مشفتهوش
مراد بتوتر: ليه فى حاجه ولا ايه
ورد باستغراب : لاء مفيش حاجه عادى قابلت همس انهارده وقلتلها انى هروح هتيجى معايا
عدي: اه تعالوا نروح كلنا يلا
مراد: تمام اجهزوا يلا ونروح سوا
فى قصر ليث كان يتناول عشاءه مع اسر ووالده
اسر باستغراب: صحيح يابابا انا بقالى كام يوم كده بشوف حاجه غريبة
رأفت : بتشوف ايه ياحبيبى
اسر : بحلم انى فى مكان واسع كده وفيه راجل وست قدامى ومعاهم بنوتة صغيره وحلوة اوى وولد كبير شوية وعمالين يشاورولى علي البنت وهي بتحاول توصلى وانا واقف مكانى مش قادر اتحرك ولا اقرب منهم ولا سامعهم اصلا وهما بيتكلموا بس الولد واقف حزين
لينتبه ليث لما يقوله: انا مش فاهم حاجه يعنى ايه مش سامعهم ومين الناس دى شفتهم قبل كده يعنى
اسر : لاء مشفتهومش والبنت فعلا حاجه خيال بس حاسسها مش غريبة عنى وهما عمالين يتكلموا بس فيه حاجز بينى وبينهم مش مخلينى اسمعهم
رأفت بخوف حاول مدارته: مش عارف يابنى حاول تفتكر شفت الناس ولا لاء يمكن حد عاوزك تساعده او حاجه
اسر: يمكن يابابا اللى فيه الخير يقدمه ربنا بقى
ليعودوا لطعامهم ولكن رأفت لم يستطع تناول اي شئ بعد سماعه كلام اسر وهو يفكر فى مغزاه
كاد مراد ان يخرج مع اخوته كن باب الفيلا ليجدوا وائل الشامى امام بوابة الفيلا
مراد بتتأفف: ايه اللى جاب الكائن ده هنا
ورد بهمس: بس يامراد انا هزحلقه
وائل: ازيكم ياحلوين عاملين ايه
ورد : ازيك ياخالو ايه المفاجأة الحلوة دى ليضربها مراد فى قدمها دون ان يلاحظ احد
وائل: بخير ياحبيبتى وحشتونى قلت اجى اشوفكم ازيك ياعدى عامل ايه فى الكلية
عدي: الحمد لله يااونكل كويس
وائل: انتو خارجين ولا ايه ياحبيبتى
كادت ورد ان ترد الا ان مراد سبقها: اه للاسف ياوائل باشا لسه اونكل حسن مكلمنا وعزمنا على العشا عنده فمردتش ازعله بقى وقلت مفيهاش حاجه لما نروح شوية يعنى
وائل: اكيد طبعا يامراد حسن طول عمره جدع معاكم طب هستأذن انا ياولاد بس عايز ورد دقيقه واحدة
ورد: اكيد ياخاالو اتفضل لتبتعد معه وبعد دقيقه تعود لمراد وقد ذهب وائل
مراد بزهق : كان عايز ايه ده كمان
ورد بسخرية: بيطمن على هدفه وعايز يوقعه بس ورحمه امى ماهسكت يلا سيبك دلوقتى وتعالى نروح لاونكل ونفكر بعدين
مراد: صح يلا بينا
فى فيلا حسن المنصورى وصل الجميع وتناولوا عشائهم سويا ليجلسوا
حسن : وحشتينى يارودى كده تغيبى ده كله وانتى عارفه انى بحب اشوفك كل شوية
ورد : معلش يااونكل ظروف الشغل والله انت عارف ان شغلى مع ليث واخد كل وقتى
حسن : مجاش الاوان بقى ان التمثيلية دى تخلص
ورد بشرود: فاضل خطوات بسيطه يااونكل وتخلص وحقى وحق اهلى يرجع
مراد : واخوكى ياورد
ورد : هجيب حقه سواء عايش او ميت
وليد بانتباه : بتقولى ايه ياورد
ورد بعدما عادت لرشدها : لاء مفيش بقول هجيب حقه وهخلى وائل الكلب ده يندم على كل لحظه عشيتها فى حزن بسببه
حسن : سيبكم من السيرة دى بقى وخلونا نتلكم فى اي حاجه تانية
مراد: انت صح يااونكل والله
حسن : مش ناوية ياورد تفرحينا بقى وتتتجوزى
ورد بضحك: ويرضيك اسيب مراد لوحده ده حتى عيبة فى حقه والله
مراد: ومين قالك انى هسيبك اصلا لاي حد انتى بتاعتى انا وبس ورد ملك للفهد وبس
وليد: بس ياعم بلا فهد بلا بتاع هتقعد البت جنبك اتنيل واسكت وانتى يا ورد ملكيش دعوه باخوكى
ورد : انا راضيه اقعد جنبه يا لولو
عدي : وانا كمان مش هسيبها
رنيم : وبعدين ياخالو ماتشوف بنتك الاول ماهي قاعده جنبك اهي وعملالى فيها راجل
همس بوعيد: ورحمه امى لازعلك يا رنيم بس استنى عليا
حسن : ياارب رزقتنى ببلوتين فى حياتى لاء بلوتين ايه انا عندى 5 بلاوى اسخم من بعض وعايزين الحرق
وليد بمرح : بس احنا قاعدين 6 يابو على اكيد انا مش بلوة صح
حسن بسخريه : انت اكبر بلوة عدي حبيبى هو العاقل اللى فيكم ربنا يخليهولى
عدي بفخر : والله يااونكل طول عمرى بقول انى عاقل محدش مصدقنى يلا علشان يعرفوا قيمتى اوى ربنا يخليك ليا ياحبيبى وترفع معنوياتى دايما
حسن بضحك: ربنا يكملك بعقلك ياحبيبى واشوفك اشطر مهندس فى الدنيا كلها
وفى ذلك الوقت يرن هاتف وليد برقم غريب
وليد : السلام عليكم
....: وعليكم السلام وليد بيه معايا
وليد : اه مين معايا
.....: مع حضرتك احمد من مركز التحاليل اللى هبلغ حضرتك بتحاليل المدام اللى عملتها الصبح
وليد بانصات : اه تمام تشرفنا ممكن تقولى النتيجه
احمد : احب ابشرك يافندم الف مبروك المدام حامل
وليد بصراخ : انت بتتكلم جد يااحمد ، لينتفض الجميع من حوله
احمد : اكيد ياوليد بيه ربنا يتمملها على خير
وليد بفرحه : تسلم يااحمد وليك الحلاوة بكرة علشان الخبر السعيد ده
مراد : ايه ياوليد فيه ايه
وليد بفرحه: ناارو حامل يابابا هابقى اب يامراد
نرمين بصدمه: انت بتتكلم جد ياوليد
وليد وهو يضمها : بتكلم جد الجد ياقلبى لسه بتاع التحاليل قايلى حالا مش قلتلك الصبر وربنا هيرزقنا ان شاء الله لتسقط دموعه وهو فرح فقد حقق الله له امنيته بعد سنتين
عمت الفرحة ارجاء المكان والكل سعيد بهذا الخبر وخصوصا حسن عندما علم بانه سيصبح جد وسيأتى حفيد للعائلة لتنتهى الليله على هذا الخبر السار
فى الصباح ذهب كل فرد لعمله فى انتظار مفاجأت جديدة
فى مقر الادارة ،،،،
عامر : مرااد جايبلك اخبار فل حالا
مراد : شكل الاخبار الحلوة جاية مع بعض قول ياعم عامر
احمد : انا هقول عرفنا معلومات عن صفقه مخدرات هيدخلها الشامى بعد اسبوعين بالظبط
مراد بانتفاض: انت بتتكلم جد صح يعنى المعلومات مؤكدة
يحيى : اكيد يافهد والمصدر مؤكد كمان
وليد بفرحه : يااه اخيرا هيقع ابن الشامى
عامر : ايه الخبر الحلو اللى عندك يافهد انت قلتلى لما نجتمع هتقول
مراد : وليد هيبقى اب بعد 8 شهور
يحيى : لولو مبرووووك ياباشا ليحضتنه بقوة ويبارك له الجميع فهم ليسو فريقا فقط انما هم اخوة حتى ولو تجمعهم علاقة دم
فى الشركه
اسر بزهق : ايه يا ليث هنسيب الشامى كده انا زهقت بجد وعايزة اخلص من القط والفأر ده
ليث بتسليه : زهقت ايه بس ياتعلب اتكى على الصبر كلها فترة وهجهزله ضربة توديه ورا الشمس اصلا
لتدلف ورد فى ذلك الوقت
ورد : السلام عليكم
ليث : وعليكم السلام مش ملاحظة انك متأخرة نص ساعه ولا ايه ياورد هانم
ورد باسف : سورى يا ليث باشا العربية وقفت فى نص الطريق ومراد اتأخر لحد مابعت حد بعربيته
اسر : ومرنتيش عليا ليه اجى اخدك
ورد : حصل خير انا متعودة اي حاجه تحصل اكلم مراد
ليث : طب ما المفروض تعتمدى على نفسك بمعنى ان كلها فترة وهيبقى ليكى حياتك الخاصة ومراد بعيد عنك
ورد بشرود : مش هيحصل مراد هيفضل اخويا وابويا وسندى حتى لو مين بالذى ظهر فى حياتى
اسر : طب لو كان اخوكى الله يرحمه لسه موجود كنتى هتحبى مراد نفس الحب ده ولا لاء
ورد : مش عارفه بصراحه بس الفترة الصغيرة اللى عيشتها مع واسر ومراد واحنا صغيرين وفاكرة منها حاجات بتثبت انى كنت ملكتهم الاتنين كانوا زي الحرس بتوعى مكنش حد يقدر يقرب منى حتى اسر كان مهتم بيا ودايما معايا اكتر من ماما وبابا نفسهم ولما اسر مات مراد خد الدور بتاعه والدور بتاع اسر بقى بالنسبالى كل حاجه علشان كده مقدرش اعيش من غير مراد الفكرة نفسها مرعبه
ليث : ربنا يخليكم لبعض وتاخدى حقك وحق اهلك وتستريحى ياورد
ورد : يارب منتظرة اليوم ده بفارغ الصبر علشان كل الحقائق تبان بقى
ليرن هاتفها : الو يامراد ،،،، اه وصلت تمام ،،، تمام هنا ماشى هبلغهم ،، لتغلق معه
ورد : مراد بيقول جاي مع وليد فيه اخبار عايزاكم تعرفوها
اسر : تمام ربنا يسترها ويجى باخبار حلوة اصل اخوكى كل اخباره زفت بصراحه
ورد بضحك : صحيح وليد هيبقى اب مراته حامل
ليث : الف مبروك ربنا عوضه عن صبره كويس انك قلتى علشان اباركله لما يجى
بعد فترة جاء مراد ووليد ليبدأ مراد الحديث
مراد : وصلنى اخبار مؤكده ان وائل الشامى هيدخل شحنه مخدارت واسلحه البلد بعد اسبوعين والمكان عارفينه كمان
اسر : وعرفت كل ده ازاى
وليد : فيه راجل من رجالته وائل ابتزه ببنته لو منفذش طلب كان طلبه منه والراجل بالرغم من انه شغال معاه إلا أنه مش شمال ولجأ للبوليس بقى وعرفنا الاخبار دى
ليث : واثقين منه يعنى ليطلع كمين
مراد : لاء بتحرياتنا عرفنا انه صادق
ليث : كويس علشان نخلص بقى من الموضوع ده المهم صحيح مبروك ياولو وعقبال مايشرف على الدنيا بخير وتفرح بيه ياارب
اسر : مبروك ياوليد باشا ربنا يجعله خلف صالح ليك وتفرح بيه ياارب وينور حياتك وانا العب بيه بقى
وليد: الله يبارك فيكم يارجالة عقبالكم يارب ، تلعب بايه ياعم اسر انا هخبى ابنى او بنتى عن الناس هي ناقصه اشكالكم ،،، ليضحك الجميع على جملته
فى تلك الاثناء فى شركه حسن المنصورى يذهب احدهم لهناك ويطلب مقابلة حسن
السكرتير : حسن بيه في حد بره عايز يقابل حضرتك
حسن باستغراب: مين ده
السكرتير : هو رجل اعمال بس مش متذكر اسمه بصراحه وهو مقالش على اسمه
حسن : دخله ،،،، ليدلف الرجل ببتسامه
هو بهدوء: قبل اي حاجه تقولها انا معايا حل لكل مشاكلكم بس اهدى وهقولك كل حاجه
وبعد ساعه يخرج الرجل وهو حزين : ده اللى عندى وقلته علشان ابرئ ذمتى قدام ربنا وانت فى ايدك الحل دلوقتى بس انا بفضل نستنى يعرفوا هما بنفسهم ووقتها خلاص هيبقى وجودى من عدمه واحد
حسن بصدمه : ياااااه الدنيا صغيرة اوى المصيبه دى كبيرة اوى بجد لو حد عرف حاجه الدنيا هتتقلب وخصوصا عليه ياااارب انا مش قادر اخبى اسرار تانى مش كفاية سر حسن المحلاوى زمان وماصدقت قلته لمراد طب اعمل ايه دلوقتى لتدمع عيناه بحزن على ماعرف وعلى ذلك الرجل الذى خرج وكأنه يحمل هموم الدنيا على اثقاله
ياترى مين ده وايه السر الجديد اللى حسن عرفه وياترى قصه وائل الشامى هتنتهى كده ولا لسه هنعرف بعدين !!!!
أنت تقرأ
مؤامرة وعشق
Mystery / Thrillerلكل انسان قلب ينبض مادام يعيش قلب يجعلنا نرى الحياة افضل ان تنحى العقل جانبا لبعض من الوقت ، بامكانك رفض وجود الحب فى الحياة وانه يوجد من يستحقه ولكن عندما تقابل نصفك الاخر ستعرف ان هذه مقولة حمقاء لن تستطيع انكار حبك وستعافر من اجل الوصول لهذا الشخ...
