🔺🔺🔺🔺🔺🔺🔺🔺🔺🔺🔺🔺🔺🔺
ညနေကျတော့ Han JM နောက်မှာ လူတစ်ယောက် ပါလာခဲ့ပြန်သည် ။နှုတ်ခမ်းမွှေးစစ ၊ အရပ်ရှည်ရှည် လူချောရုပ်ပေါက်နေသည့် လူမှာ အသားကတော့ ခပ်ဖြူဖြူ ။
" ဟင် ခေါ်လာပြန်ပြီ တစ်ယောက် ။ ဘာတွေ ဘယ်လိုဖြစ်လာဦးမလဲ မသိဘူး "
မီးဖိုထဲမှ ချောင်းကြည့်ပြီး Jisoo ညည်းတွားနေစဉ် Jen ပါ အနားသို့ရောက်လာခဲ့သည်။
" ဒီ အိမ်မှာတော့ သူ့လူတွေကော ကိုယ့်လူတွေပါ ရှုပ်ယှက်ခက်နေပြီ ။ သတိသာထားပေတော့ JiJi ရေ ။ ချစ်သူ ၊ မုန်းသူ ၊ ရန်သူ တွေနဲ့ တော်တော် ကို သတိနဲ့ နေရမယ် "
"Tiger ကလည်း JiJi ကို အမြဲချောင်းနေတယ် JenJenရယ် ။ တော်တော် စိတ််ပျက်ဖို့ကောင်းတယ် "
Jisoo အသံတိတ်လေးနှင့် ညည်းတွားနေလျှင် Jen အားပေးပြီး ချောမော့ရသည်။
" မကြောက်ပါနဲ့ JiJi ရယ် ။ အိမ်ထဲမှာ Jen လည်းရှိတယ် ။ Li လည်း ရှိတယ် ။ JiJi ဘာမှ မဖြစ်နိုင်ပါဘူး"
" JiJi ကြောက်တယ် ။ Tiger က တစ်ဇွတ်ထိုး တဇောက်ကန်း ။ ဒီကြားထဲ Han JM ကိုလည်း ပိုင်ပုံရတယ်"
" ကဲပါ JiJiရယ် ... ဘာမှ မဖြစ်စေရဘူး ။ Jen အာမခံတယ်။ ။ Li ကိုလည်း ပြောထားပါမယ် ။ သူက Tiger နဲ့ အနီးကပ်မှာ ရှိနေတာပဲ "
နှစ်ယောက်သား တီးတိုးဆွေးနွေးနေကြစဉ် Han JM မီးဖိုထဲသို့ ၀င်လာသဖြင့် အလုပ်တွေ လုပ်ပြနေကြရသည်။
" မောင် ပြန်မလာသေးဘူးလား ဖုန်းဆက်သေးလား "
" မဆက်ပါဘူး မမကြီး ။ မမကြီးဧည့်သည်ပါလာတာလား ၊ ညစာ ဘာတွေ စီမံရပါ့မလဲ"
" ညစာက ဟင်းတွေရှိပြီးသားလေ ။မနက်က ငါတို့မှ အိမ်မှာ မစားဘဲ ။အခုပါလာတဲ့လူက င့ါမိတ်ဆွေ ၊အိမ််မှာတည်းမယ် ။ မိ Chi.. အပေါ်ထပ် အခန်းပြင်ပေးလိုက် ။ သွား ဒါက အရေးကြီး ဧည့်သည် "
Jisoo မှာ Han JM ခိုင်းသည့်အတိုင်း ဧည့်ခန်းသို့ ထွက်လာပြီး ဧည့်သည်ကို ဘုကြည့် ကြည့်လိုက်သည်။ မကောင်းဆိုးဝါးတွေရဲ့ ဧည့်သည်ဆိုတော့ မကောင်းဆိုးဝါးတစ်ကောင်ပဲပေ့ါ ။ ဧည့်သည်ကလည်း Jisoo ကို ခပ်တည်တည်နှင့် အကဲခတ်၏ ။ မျက်လုံး ၊ မျက်ခုံး ၊ မျက်တောင် ထင်းထင်း ပါးဖောင်းဖောင်းနှင့် လူကြည့်တော့သာ နှုတ်ခမ်းမွေးစစနှင့် လူက ပိန်ပိန်ပါးပါး ဖြူဖျော့ဖျော့ ပျော့ဖတ်ဖတ်နှင့် ပျော့နွဲ့နေသည့် ယောကျာ်းလေးလိုမျိုး ။
YOU ARE READING
Lover, Hater, Adversary
FanfictionLove has its ups and downs, its twists and turns. Love leaves you pain, teaches u until you learn and even if love takes so long, it always takes you to where you belong.
