🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺
Jen နှင့် Jisoo မှာ လောလောဆယ် Han JM ခိုင်းသမျှ မနားရအောင်် လုပ်နေရသည် ။ စားရတော့ မကောင်းမကန်း ။ အပြင်က မှာ စားရအောင်လည်း အခြေအနေက မပေးချေ။ အဲ..... သည်နေ့တော့ Han JM စျေး၀ယ်ထွက်မည် ။နောက်က ဆွဲခြင်းကိုင်အဖြစ် Jen ကိုခေါ်တော့ jisoo ကို သူမ တာ၀န်ပေးခဲ့ရသည် ။
" Jen သော့ထားတဲ့နေရာမှာ လူလစ်ရင် သော့သွားယူခဲ့ "
သော့ထားသည့်နေရာက မည်သူမျှ မသိနိုင်လောက်သည့်နေရာ ။Jen ၏ အခန်းထဲမှာ အလှပန်းအိုးအဖြစ် စိုက်ပျိုးထားရှိသည့် ဂမုန်းပန်းအိုးလေးရဲ့ အတွင်းမှာ ။
" လူ လစ်မှ လုပ်နော် ။ မလစ်ရင် အခြေမပျက် ပြန်ထွက်ခဲ့ ။အခန်းရှင်းသလိုလို ဘာလိုလိုနဲ့၀င် ။ ဒီနေ့ Kai အပြင်မထွက်သေးဘူး ။ထွက်ရင်လည်း သူက အခန်းသော့ ပိတ်ခဲ့မှာ ။ လစ်ရင် သော့ပုံစံတူ လုပ်ခဲ့ "
" ဟုတ်ကဲ့ "
Jisoo မှာ jen ခိုင်းသည့်အတိုင်း အခြေအနေတွေကို ထမင်းချက်ရင်း ။ အလုပ်လုပ်ရင်း စောင့်ကြည့် အကဲခတ်နေရသည်။ Kai နှင့် Sana တို့ အပြင်မထွက် ။ အပေါ်ထပ် ၀ရံတာမှာပင် စကားပြောနေကြသည် ။ သူတို့နှစ်ယောက်ဟာ ချစ်သူတွေလား ။ဘယ်လိုအဆင့်လဲ။
Kai ဟာ နှစ်ပင်လိမ် ၊ သုံးပင်လိမ်သည့် လူရှုပ်လူပွေ ။ jisoo တို့ကတော့ စင်အောက်မှာ ပွဲကြည့်ပရိတ်သတ်တွေမို့ အားလုံးကို မြင်နေရသည်။ ထိုစဉ် အိမ်တွင်း အင်တာကွန်းမှ တဆင့် ကော်ဖီနှင့် မုန့် ယူလာခိုင်းသဖြင့် Jisoo အပေါ်ထပ်သို့ ငွေလင်ပန်းလေးနှင့် ထည့်ယူလာရသည်။ Kai နှင့် Sana ရှေ့ရှိ စားပွဲလေးမှာ ပြင်ဆင်ပေးနေစဉ် Kai မှာ Jisoo ကို အသေအချာ ကြည့်နေလေ၏။ ပြီးမှ...
" မိ Chi ... ငါ့အခန်း သွားရှင်းပေးစမ်း "
" ဟုတ်....ဟုတ်ကဲ့ရှင့် "
ရေငတ်တုန်း ရေတွင်းထဲကျ ... Jisoo ၀မ်းသာစိတ်ကို မျိုချပြီး Kai အခန်းတွင်းသို့ ၀င်သွားရသည်။ ရှုပ်ပွနေသည့် ခန်းကို ရှင်းရင်း JenJen ပြောသည့် ဂမုန်းပန်းအိုးကို မသိမသာရှာရသည်။ ရှိမှ ရှိသေးရဲ့လား ။ရှာလို့ မတွေ့သဖြင့် Jisoo စိတ်ပူနေရစဉ် အခန်းထဲမှာ အချိန်ကြာလို့် ကြာမှန်းပင် မသိတော့ချေ။ တံခါးပိတ်သံ ကြားလိုက်တော့ လန့်ပြီး jisoo နောက်သို့ ခုန်လှည့်မိ၏ ။
YOU ARE READING
Lover, Hater, Adversary
FanfictionLove has its ups and downs, its twists and turns. Love leaves you pain, teaches u until you learn and even if love takes so long, it always takes you to where you belong.