كسارة البندق( الجزء الثاني )

توضيح

إزيكم يا جماعة بتمنى كلكم تكونو بخير ♥️...
ف حاجة مهمة انا حابا اوضحها ...
طبعاً انا ملاحظة إنو ف حالة من الملل إتجاه أحداث الرواية بدت تحصل ... وللأحقية انا كقارئة لمن أجي أقرا الحلقة ممكن أحس بالحاجة دي برضو ... ودا بسبب إنو بقا ف بطئ ف الأحداث ... دا غير كلمة (( قصير )) البتتقال لي ف كل جزء مع إنو أنا بكون ختيت كل جهدي و وقتي فيه ... ودا م بينفي إنو فعلاً الاجزاء بقت أقصر من الكانت بتنزل زمان ...
قبل م الجامعة تفتح انا كان عندي وقت كبير شديد أكتب فيه ، واقرا فيه اكتر عن حالة نبيل وهكذا ... وقتي كان بيسمح لي عادي اقعد من ١ ضهر لحدي ١١ مساء في الكتابة ... بس الحال اتغير شديد مع الجامعة ... دوام ومحاضرات وقراية ... ماف شخص مُجبر يعرف التفاصيل دي بس حقيقي مرات برجع من الجامعة ٥ وبكون مفروض ١١ انزل الجزء ... فما بكون عارفة ارتاح شوية ولا أكتب طوالي ولا اقرا ولا اعمل شنو علماً إني الكتابة بتاخد مني قعدة واحدة بجرها لحدي وقت التنزيل  ... ودا السبب الحقيقي ورا إنو الأجزاء م بنفس التفاصيل الاولى لانو كل همي بيكون ف انو بس ١١ لمن تجي ينزل فصل وخلاص ... ودا برضو السبب ورا اختفائي الأخير إنو بدل ينزل فصل اتعب فيه ويتقال لي قصير وم فيه تفاصيل أقعد كم يوم كل م القى وقت اكتب شوية عشان ف النهاية تطلع حلقة كويسة و حقيقي أنا لمن أكون موقفة بكون متنشنة جداً وبالي وتفكيري كلو ف متين حخلص وانزل الجزء ...
عندي اسبوع تقيل جداً و اسبوع خفيف ... ف حتى الخفيف بكون مشغولة فيه بالأخدتو ف الإسبوع الضاغط ...اللهم عشان م يكتر الكلام .. انا م حابا اضيع فكرة الرواية بي الكلفتة وعدي من وشك وخلاص .. فعشان كدا الرواية حتنزل تاني كل خميس فقط ... ودا أنسب حل معاي ... حكون قدرت اوفق بين قرايتي وبين الكتابة وم قصرت مع الجهتين ...
عارفة إنو ف ناس حتستنكر الحاجة دي جداً بس والله انا لو م الحكاية بقت مؤثرة جداً علي وملخبطاني م كنت حختار الخيار دا ... فأرجو عذري 🙏🏻... وشكراً ليكم جميعاً ♥️