اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في حاجة عايزة أنبهكم عليها ، إعتبروها زي طرف الخيط الكل ما تسحبو بتظهر ليك حاجة لحدي م توصل في النهاية للبكرة حقت الخيط كلو ... تصرفات نبيل كلها ركزو معاها سواء تعبيرات وشو أو نظراتو و انفعالاتو وتصرفاتو ... ركزو على الحاجات دي كلها وأحفظوها ... لأنو الناس الزي نبيل بيعملو كدا فعلاً.... حكشف ليكم حاجتين . في نقاشو مع زين ... لاحظو كيف قلب التربيزة عليه وطلع نفسو زي الشعرة من العجين مع إنو هو اصلاً الغلطان وم كدا وبس ختا زين ف وجه المدفع وخلاه يحس بالذنب . الزي نبيل بارعين جداً في الحاجة دي ... مستحيل يكونو غلطانين عندهم مقدرة خارقة إنهم يقلبوا الطاولة عليك في أي ثانية وبدل ما تكون بتواجه فيهم بتبقى بتدافع عن نفسك وبتبرر . الحاجة التانية ركزوا مع نظرات نبيل ... وصف نظراتو بنظرات المفترس م مجرد تشبيه قوي ... لا هم فعلاً بعاينو كدا ... وبيطلق عليهم مصطلح المفترسين البشريين ... بعاينو للناس زي الحيوان المتوحش البعاين لي فريستو ولو في طلبة علم نفس متابعين معانا ممكن يكونو عرفو بالضبط ديل منو . ركزو كويس جداً معاه... وفي الحلقات القادمة بعد م يوضح لينا أكتر حنتناقش عن أمثالو ... ومن هسه حنطلق عليهم لقب ( مفترسين بشريين ) . #كسارة_البندق
