Unicode
ညနေစောင်းရောက်တော့ ရှောင်းကျန့်အဆောင်ထဲမှာ ထိုင်စောင့်နေသည်။ သူဖတ်နေကြစာအုပ်လေးကုိ ဖတ်ရင်းပေါ့။ ထိုအချိန် အပြင်မှာစောင့်နေတဲ့အားရုံရဲ့အသံကြောင့် ရှောင်းကျန့်အပြင်ကိုထွက်လာလိုက်တယ်။ အပြင်ရောက်တဲ့ချိန် ဝမ်ဧကရာဇ်က သူ့ကိုကြည့်နေသည်။ ရွှေရောင်နဂါးအပေါ်ဝတ်ရုံနဲ့ အောက်ခံမိုးပြာရောင်ဝတ်ရုံကိုဝတ်ထားတဲ့ ဝမ်ဧကရာဇ်ကတကယ်ကိုချောမောခန့်ညားလွန်းတယ်။ တင်းတင်းစေ့ထားတဲ့နှုတ်ခမ်းဖူးဖူးလေးရော ထုံးဖွဲ့ထားတဲ့ဆံနွယ်တွေကအစ ခန့်ညားလွန်းသည်။
ရှောင်းကျန့်တော့ကွေးသွားပြီ ထင်ပါတယ်။ အစထဲကယောက်ျားယူမယ်လို့ မတွေးထားသလို မယူဘူးလဲစိတ်မကူးထားတာမို့ ရသွားလို့ဘာမှမဖြစ်။ ဒါမယ့်သူကပဲ ဒီလိုစိတ်ရှိနေတာဆိုရင်ကော။ ရှောင်းကျန့်တွေးမိနေတာတွေကိုခေါင်းခါကာမောင်းထုတ်လိုက်သည်။
ရိပေါ်တံခါးကိုအသာဖွင့်ကာထွက်လာတဲ့ ရှောင်းကျန့်ကိုအကြည့်မလွှဲနုိင်စွာ ကြည့်နေမိသည်။ လက်ချောင်းလေးတွေကအစလှလွန်းတယ်။ အစိမ်းရောင်ဖျော့ဖျော့လေးဝတ်ထားတဲ့ရှောင်းကျန့်က တကယ်အလှလေး။ ခေါင်းမှာစီးထားတဲ့အစိမ်းနုရောင်ခေါင်းစီးကြိုးအရှည်လေးစီ အကြည့်ရောက်တော့ ဒီလူသားလေးကအဆင်တန်ဆာတွေမကြိုက်လို့ ဒီလိုကြိုးတစ်ချောင်းထဲနဲ့ပဲ အမြဲစည်းနှောင်တာလား။
ဘာမှမပြင်ဆင်ထားတဲ့မျက်နှာနုနုလေးက ပြီးပြည့်စုံနေကာ နှုတ်ခမ်းရဲရဲလေးကသူ့စိတ်ကိုပြောင်းလဲလာစေသည်။ အင်း..အဲမှဲ့လေးကလဲအထောက်အကူပြုနေတာပေါ့။ မျက်တောင်လေးပုတ်ခက်ပုတ်ခက်နဲ့ သူ့ကိုမရဲတရဲကြည့်နေပုံလေးက အခုပဲသူ့ရဲ့ဧကရီထမြောက်ပစ်ချင်စရာ။ ဒီလူသားလေးကို သူတစ်ေယာက်ပဲပိုင်ဆိုင်ချင်တဲ့စိတ်တွေက တားမရစီးမရ။
ရှောင်းကျန့် သူ့ကိုစိုက်ကြည့်နေတဲ့ ဝမ်ဧကရာဇ်ကြောင့် မရဲတရဲနဲ့ ခေါ်ရတယ်။
"အ.. အရှင်...
ကျွန်တော့်ကိုဘာလို့စိုက်ကြည့်.."
"လှလို့"
ရှောင်းကျန့် သူလှတာသိပေမယ့် အဲလိုကြီးသူ့ကိုလှတယ်လို့ပြောတော့လဲ မကြိုက်။
DU LIEST GERADE
My Husband is from a Prohibition Book
Fan-Fictionငါကအခုတစ်ခါမှမဖတ်ဖူးသေးတဲ့စာအုပ်ထဲရောက်နေတာလား!! ငါကအခုတစ္ခါမွမဖတ္ဖူးေသးတဲ့စာအုပ္ထဲေရာက္ေနတာလား!! Start-19.8.2021 End-5.12.2021 စာရေးသူ၏စိတ်ကူးသက်သက်သာ။
