Unicode
ရှောင်းကျန့်သတိရလာတဲ့ချိန်မှာ သူရောက်နေတဲ့နေရာက သူေနတဲ့ဇာမဏီဆောင်မှာလဲမဟုတ်ဘူး။ သူမရောက်ဖူးတဲ့နေရာမှာပဲ၊ ဘေးကသမားတော်ဖြစ်ဟန်တူတဲ့ လူတစ်ယောက်ကရှောင်းကျန့်နိုးလာတော့ အနားကိုလာကာထူပေးသည်။
"နိုးလာပြီလားဧကရီ"
"ဟုတ်ကဲ့ ကျွန်တော်အခုဘယ်ရောက်နေတာလဲ"
"အပယ်ခံနန်းဆောင်မှာပါ"
"ဘာ!"
"ဟုတ်ပါတယ် ဧကရာဇ်က မိဖုရားလျန်နဲ့ဧကရာဇ်ကိုသတ်ဖို့ကြံစည်တဲ့အတွက် အစေခံတွေကိုမခစားစေတော့ပဲ အပယ်ခံနန်းဆောင်ကိုပို့လိုက်တာပါ"
"အဟက် ငါ့ကိုဒီလိုလုပ်ကြတယ်ပေါ့လေ"
ရှောင်းကျန့်ကစိတ်နာခြင်းတွေပဲပါနေပြီး လှောင်ပြောင်ခြင်းတွေနဲ့ရယ်နေတယ်။ သမားတော်ကစကားကိုဆက်ပြောလာသည်။
"ဧကရီ..ဧကရီ့မှာကိုယ်ဝန်ရှိနေပါပြီ ကိုယ်ဝန်ကနှစ်ပတ်လောက်ရှိပါပြီ"
"ဟမ်! ဟားဟားဟားဟားးးး"
ရုတ်တရက်အံ့ဩသွားပြီး ချက်ချင်းပဲ အားရပါးရရယ်နေတော့သည်။ သမားတော်ကလဲဧကရီကိုကြည့်ပြီး စိတ်ပူသလိုသနားလဲသနားတယ်။
"ကိုယ်ဝန်တဲ့လား အခုမှကိုယ်ဝန်ရှိလာတယ်ပေါ့လေ ဟားဟားဟား
အရင်ကသူ့အတွက် သူ့ရဲ့သွေးသားကိုမွေးပေးချင်တဲ့စိတ်တွေပဲရှိတုန်းက ဒီကိုယ်ဝန်ကမရှိပဲ အခုစိတ်နာနေတော့မှကိုယ်ဝန်ရှိလာတယ်ပေါ့ ဟားဟားဟား လောကကြီးကရယ်ရလိုက်တာ"ထိုစဉ် အဆောင်ထဲကို ချောင်မင်စီရောက်လာတယ်။ သူစိတ်လဲပူ ပြောစရာလဲရှိနေတာမို့လိုက်လာခဲ့တာ။ ဘယ်လိုတွေများဖြစ်ကုန်တာလဲ၊ အဆောင်ထဲရောက်တော့ ဧကရီကိုကြည့်ပြီးပြောရမယ့်စကားတွေတောင်ပြောဖို့ခက်နေပြီ။
"အော် စစ်သူကြီးချောင် ဘာကိစ္စများရှိလို့ပါလဲ"
"ဟို.. ဟိုဟာလေ"
"စစ်သူကြီးကဘာလို့စကားထစ်နေတာလဲ အော်.. သမားတော်ကြီး ကျွန်တော့်အစေခံနောက်တစ်ယောက်ရော သူကျွန်တော်မမေ့ခင် ကျွန်တော်ဘေးမှာရှိနေတာ"
KAMU SEDANG MEMBACA
My Husband is from a Prohibition Book
Fiksi Penggemarငါကအခုတစ်ခါမှမဖတ်ဖူးသေးတဲ့စာအုပ်ထဲရောက်နေတာလား!! ငါကအခုတစ္ခါမွမဖတ္ဖူးေသးတဲ့စာအုပ္ထဲေရာက္ေနတာလား!! Start-19.8.2021 End-5.12.2021 စာရေးသူ၏စိတ်ကူးသက်သက်သာ။