Unicode
"အရှင့်ကိုအားဟွမ်ဂါဝရုပြုပါတယ်
ထူးထူးဆန်းဆန်း ကျွန်တော့်အဆောင်ကို ကြွလာလို့ပါလား"
ရိပေါ် ထန်ကျီဟွမ်ရဲ့အဆောင်ကိုရောက်လာသည်။ သူ့ကိုကြင်ယာတော်ရာထူးကဖယ်တော့မယ်ဆိုတဲ့အကြောင်း သေချာရှင်းပြရမယ်၊ မဟုတ်ရင် ကျီဟွမ်တို့ကပြသနာရှာနိုင်တယ်။ သူနဲ့ရှင်းပြီးမှ မင်တိုင်းပြည်ရဲ့ဘုရင်ကိုအကြောင်းကြားရမည်။
"အင်း ကိုယ်တော်ပြောစရာရှိလို့ပါ"
"ထိုင်လေအရှင် ဘာပြောစရာရှိလို့လဲ"
ကျီဟွမ်က ခုံပေါ်မှာတင်ထားတဲ့သရေစာမုန့်ပန်းကန်ထဲက မုန့်တစ်ခုယူစားပြီးမေးသည်။
"အားဟွမ်.. ကိုယ်တော် မင်းကိုကြင်ယာတော်အဖြစ်ကနန်းချတော့မလို့"
"ဗျာ!! အရှင် ကျွန်တော်ဘာလုပ်မိလို့လဲ"
"မဟုတ်ပါဘူး အားဟွမ်မင်းသိတယ်မလား ကိုယ်ကအကြောင်းမရှိပဲမလုပ်ပါဘူး"
"ဘာလို့လဲ အရှင် ဘာအကြောင်းကြောင့်လဲ ဘာအကြောင်းမို့ကျွန်တော့်ကိုကြင်ယာတော်အဖြစ်ကဖယ်တာလဲ"
"အားဟွမ် ကိုယ်တော့်ကိုသဘောကျနေသေးလား"
ရိပေါ်ရဲ့အမေးကြောင့် ကျီဟွမ်တွေဝေသွားသည်။ ဟုတ်တာပဲ။ သူကအရှင့်ကိုအရင်က အရမ်းချစ်ခဲ့တဲ့သူလေ။ အခုတလော သူအရှင့်ကိုစိတ်ထဲမှာရှိမနေဘူး။ သူ့ကိုအလိုလိုက်လွန်းတဲ့ အရှင့်ရဲ့ကိုယ်ရံတော်ပဲ ရှိနေခဲ့တာ။ သူစားချင်တဲ့မုန့်ကိုဝယ်လာရင် သူ့ဆီအပြေးလာကျွေးတတ်တဲ့ ကိုယ်ရံတော်လျိုပဲသူ့စိတ်ထဲရှိနေခဲ့တာ။ မုန့်တွေကျွေးပြီးအလိုလိုက်နေပေမယ့် တခါတလေဟိုဟာမလုပ်သင့်ဘူး ဒီဟာကစားရင်ဗိုက်အောင့်နိုင်တယ် မစားသင့်ဘူးဆိုပြီး ထထဆူတတ်တာကြောင့် ရန်ဖြစ်နေရတဲ့ ကိုယ်ရံတော်လျိုနဲ့ပဲအနေနီးနေခဲ့တာ။
ကျီဟွမ် ရိပေါ်ကိုသဘောကျနေသေးလား မသေချာတော့တဲ့အခြေအနေမှာမို့ စကားလမ်းကြောင်းကိုလွှဲပစ်ရသည်။
"အဲဒါနဲ့ဘာဆိုင်လို့လဲ
ကျွန်တော့်ကိုရာထူးကဖယ်မှာနဲ့ အဲအမေးနဲ့ဘာမမှမဆိုင်တာ"
YOU ARE READING
My Husband is from a Prohibition Book
Fanfictionငါကအခုတစ်ခါမှမဖတ်ဖူးသေးတဲ့စာအုပ်ထဲရောက်နေတာလား!! ငါကအခုတစ္ခါမွမဖတ္ဖူးေသးတဲ့စာအုပ္ထဲေရာက္ေနတာလား!! Start-19.8.2021 End-5.12.2021 စာရေးသူ၏စိတ်ကူးသက်သက်သာ။
