My Husband is from a Prohibition Book

XXX

Unicode

တစ်ပတ်ကြာခဲ့ပြီ။ ထိုနေ့ထဲကရိပေါ် ရှောင်းကျန့်ဆီရောက်မလာတာ။ ဒီ့အပြင် ရှောင်းကျန့်သတင်းတွေကြား‌ေနရသည်။ ဝမ်ဧကရာဇ်က သူ့ဧကရီမဟုတ်တော့ပဲ မိဖုရားလျန်ကိုချစ်မိသွားပြီတဲ့လေ။ အဘယ့်ကြောင့်ဆို ဒီရက်ပိုင်းတွေမှာ ဝမ်အရှင်က မိဖုရားလျန်ကိုပဲဂရုစိုက်ပြီး စောင့်ရှောက်ပေးနေသည်‌ေလ။ ဧကရီရှောင်းကိုတော့ သွားတောင်မတွေ့တော့ဘူးဆိုတဲ့ သတင်းတွေကမကြားချင်မှအဆုံး။

ရှောင်းကျန့်အရမ်းကိုကြောက်နေပြီ။ သူ့အရှင်က.. တကယ်ပဲသူ့အရှင်က သူမဟုတ်တဲ့တခြားတစ်ယောက်ကို ချစ်မိသွားပြီလား။ မဟုတ်ဘူး၊ မဖြစ်နိုင်ဘူး၊ အရှင်ကရှောင်းကျန့်မဟုတ်ပဲ တခြားတစ်ယောက်ကို ချစ်မိသွားစရာအကြောင်းမှမရှိတာ။ အရှင်ကသူ့ကိုသိပ်ချစ်တာ။ ရှောင်းကျန့်သူ့အဆောင်မှာထိုင်စောင့်နေခဲ့တယ်။ တစ်ပတ်လုံး အရှင်များသူ့ဆီလာမလားလို့လေ၊ တစ်ပတ်လုံးရောက်မလာတဲ့အရှင့်ကို ရှောင်းကျန့်စိတ်ဆိုးသည်။ အခုအရှင့်ကုိသွားတွေ့ပါဦးမယ်၊ အရှင်ကိုတွေ့မှ အကြာကြီးစိတ်ကောက်ပစ်မယ်။

ရှောင်းကျန့် နဂါးနန်းဆောင်ကိုလိုက်သွားတဲ့အချိန် အပြင်မှာ မိဖုရားလျန်ရဲ့အထိန်းတော်နဲ့အစေခံကိုတွေ့လိုက်ရသည်။ သူ့ကိုမြင်သွားတဲ့ ရိပေါ်ရဲ့အထိန်းတော်က မျက်န‌ှာပျက်ကာ လာလျောက်တင်သည်။

"ဧကရီကိုဂါဝရပြုပါတယ်
ဧကရာဇ်ကအဆောင်ထဲမှာပါ မိ.. မိဖရားလျန်လဲ ရှိ.. ရှိနေပါတယ်"

"အထိန်းတော်ကြီးကဘာလို့စကားတွေထစ်နေတာလဲ ကျွန်တော်ဝင်သွားလိုက်မယ်"

ရှောင်းကျန့်က အထိန်းတော်ကိုပြောပြီးတာနဲ့ အဆောင်ထဲကိုဝင်သွားလိုက်တော့ ရှောင်းကျန့်ကျောက်ရုပ်လိုဖြစ်သွားရသည်။ ရိပေါ်ရဲ့ပေါင်ပေါ်ကို ဖန်ယင်းကဝင်ထိုင်နေပြီး ရိပေါ်ကလဲခါးကိုထိန်းကိုင်ထားကာ နမ်းရန်ပြင်‌ေနကြသည်လေ။ ရှောင်းကျန့်ကိုမြင်သွားတော့ ရိပေါ်ကမျက်မှောင်ကြုတ်ကာ လေသံမာမာနဲ့ထအော်သည်။

"ရှောင်းကျန့် မင်းနားမလည်ဘူးလား! ငါ့အဆောင်ထဲဝင်ချင်တိုင်းဝင်လာရလား! ထွက်သွား!! နောက်အသိမပေးပဲဝင်မလာနဲ့!"