My Husband is from a Prohibition Book

XXVI

Unicode

တစ်လကြာပြီးနောက်>>>

နန်းတွင်းထဲမှာ လူတိုင်းအလုပ်ရှုပ်နေကြသည်။ အကြောင်းက မနက်ဖြန်ဆို ဧကရီတင်‌ေမြှာက်မယ့်ပွဲ။ ပြီးနောက် ဧကရာဇ်နဲ့ဧကရီတို့ကတစ်ခါထဲထိမ်းမြားလက်ဆက်ကြမှာ။ ပုံမှန်‌ဆိုဧကရီတင်မြှောက်ပြီး ရက်အနည်းငယ်ကြာမှ လက်ဆက်ပွဲကျင်းပတာဖြစ်ပေမယ့် နက္ခတ်ပညာရှင်ရဲ့ ဧကရီတင်မြှောက်ပွဲရော လက်ဆက်ပွဲရော တစ်ရက်ထဲကျင်းပရင် နေ့ရက်ကောင်းပဲဆိုတဲ့စကားကြောင့် ဝမ်ဧကရာဇ်တို့ကတစ်ရက်ထဲကျင်းပဖို့အမိန့်ချသွားသည်။

ရိပေါ်လက်ဆက်ပွဲအတွက် အပြင်အဆင်ကိုကြည့်ရင်း သဘောကျနေသည်။ ရှောင်းကျန့်ကြိုက်တဲ့စံကားပန်းတွေနဲ့ ခန်းမကိုပြင်ဆင်ထားတာကြောင့် ကျိန်းသေ‌ေပါက်ကျန့်ငယ်ကသဘောကျမှာ။

ရှောင်းကျန့်ကတော့ ဧကရီဖြစ်လာမယ့်သူဟာ အထိအခိုက်အနာအဆာမရှိအောင် အဆောင်ထဲမှာပဲ တစ်ပတ်လောက်နေ‌ရတယ်ဆိုတဲ့အဆင်အလာကြောင့် အပြင်အဆင်ကိုလာမကြည့်ရ။ ရှောင်းကျန့်အဆောင်ထဲမှာစိတ်တိုနေတယ်။ မနက်ဖြန်ရောက်လာမယ့် သူ့လက်ထပ်ပွဲအတွက် အပြင်အဆင်ကို သူကမြင်တောင်မမြင်ရပဲ လက်ထပ်ရမယ်ပေါ့။ ဒီခေတ်အခါကစည်းမျည်းတွေကိုနားကိုမလည်နိုင်ဘူး။ ပေါက်တတ်ကရတွေ။

ရိပေါ်ကရှောင်းကျန့်ကိုအရင်နေ့တွေကတော့လာတွေ့ပါတယ်၊ လက်ထပ်ဖို့သုံးရက်အလိုလောက်‌ကြတော့ လာမတွေ့တော့ဘူး၊ ရှောင်းကျန့်ကနားလည်ပါတယ်။ သူလဲဘာမှမကူညီနိုင်တော့ အရှင်တစ်ယောက်ထဲ လက်ထပ်ပွဲအတွက်ပြင်ဆင်နေရမှာ အရှင်ပင်ပန်းနေလောက်ပြီ။

ရှောင်းကျန့်တို့စိုးရိမ်နေတဲ့ချိန် ပွဲအတွက်ပြင်ဆင်နေတဲ့ရိပေါ်ကတော့ ပင်ပန်းချိန်တောင်မရ သူ့မှာပီတိဂွမ်းစည်ထိနေ‌ေလရဲ့။ စဉ်းစားလေပျော်လေပဲ၊ ဒီအလှလေးကိုတစ်ဘဝလုံးသူ့ဘေးနားမှာထားထားရတော့မှာ။ ဒါကရိပေါ်ကိုအဆုံးအစမရှိတဲ့ပျော်ရွင်မှုကိုပေးသည်။ ချစ်ရတဲ့သူကိုပိုင်ဆိုင်ရတဲ့ခံစားချက်ကိုခံစားဖူးမှနားလည်နိုင်မယ်။

ညဘက်မှာရှောင်းကျန့်ကတော့ အိပ်မပျော်၊ ပြတင်းပေါက်ကနေ အပြင်ကိုကြည့်ပြီး တိုက်ခိုက်နေတဲ့လေညင်းလေးကိုခံစားကာ အရှင့်ကိုလွမ်းတဲ့စိတ်တို့ကိုဖြေသိမ့်နေ၏။ အရှင့်ကိုမတွေ့ရတာသုံးရက်ကြီးများတောင် သိပ်လွမ်းတာပဲအရှင်ရယ်။ အိပ်မပျော်လဲ မနက်ကျပန်ဒါပုံစံ ဖြစ်မနေချင်တာကြောင့် ရှောင်းကျန့်အိပ်ပျော်အောင်ကြိုးစားပြီးအိပ်လိုက်သည်။