My Husband is from a Prohibition Book

XX

Unicode

ရှောင်းရီကကြင်ယာတော်မဟုတ်တော့တာကြောင့် ရှောင်းအိမ်တော်မှာပဲပြန်နေဖို့ဖြစ်လာသည်။ တစ်ပတ်လောက်နန်းတွင်းထဲမှာနေပြီး ဒီနေ့ရှောင်းအိမ်တော်ကိုပြန်ဖို့လုပ်တယ်။ နန်းတွင်းအပေါက်ဝမှာ ရှောင်းကျန့်နဲ့ရိပေါ်ရယ် ကျီဟွမ်ရယ် ရှိုးချန်တို့ကနှုတ်ဆက်နေ၏။ မင်စီကတော့ တစ်ပတ်လုံး သူ့အိမ်တော်သူမပြန်ပဲ နန်းတွင်းထဲမှာသောင်တင်နေတာကြောင့် ဒီနေ့သူပါပြန်မည်ဖြစ်သည်။

ရှောင်းကျန့်ကသူ့ညီမကိုတစ်ယောက်ထဲပြန်လွှတ်ရမှာမို့ စိတ်မချ။ သို့သော်သူလဲပြန်လိုက်သွားလို့မရတာကြောင့် ဘာမှမလုပ်နိုင်။ ရှောင်းကျန့်ကရှောင်းရီကြောင့် နန်းတွင်းထဲရောက်လာပေမယ့် ပြန်မထွက်သွားနိုင်ပေ။ ရှောင်းကျန့်မျက်ရည်ဝဲနေတော့ ရိပေါ်ကနှစ်သိမ့်ချင်ပေမယ့်လဲ ကျီဟွမ်ကရှောင်းကျန့်ပခုံးကိုဖက်ပြီးနှစ်သိမ့်နေသည်။ ရိပေါ်နဲ့ရှိုးချန်ကတော့ ရှောင်းကျန့်တို့ကိုကြည့်သာကြည့်နေသည်။ 'အဲနေရာမှာငါဖြစ်ရမှာ' ဆိုတဲ့အကြည့်မျုိး။

ရှောင်းရီက ရှောင်းကျန့်ကိုဖက်လိုက်ကာ

"ဝမ်းနည်းမနေနဲ့ ငါ့ကိုသတိရရင် လာတွေ့လို့ရတာပဲ
ငါလဲလာတွေ့မှာပေါ့"

ရှောင်းကျန့်ကငိုသံစွတ်နေတဲ့အသံနဲ့

"ငါတစ်ယောက်ထဲကျန်ခဲ့တော့မှာပေါ့"

"ဘာလဲ အကိုထန်လဲရှိတာပဲ အရှင်လဲရှိတယ်
အဲဒါမှမနေချင်ရင် ငါနဲ့လိုက်ခဲ့မလား"

ရှောင်းရီက သူနန်းတွင်းကိုစလာရမယ့်အချိန်တုန်းကလို ရှောင်းကျန့်ကိုစ‌နောက်ပြီးမေးသည်။ ဒါမယ့်အရင်ကလိုရှောင်းကျန့်က 'အင်းလိုက်မယ်' ဆိုတဲ့အဖြေမပေးတော့ပဲ တိတ်ဆိတ်နေခဲ့တယ်။

"ရှောင်းရီနောက်ကျနေပြီ ညနေမိုးချုပ်လာရင်အဆင်မပြေဘူး သွားကြတော့လေ ကျန့်ငယ် လာ"

ရိပေါ်က ရှောင်းကျန့်ပြန်လိုက်သွားမည်ကုိ စိုးရိမ်တာကြောင့် ရှောင်းရီကိုအတင်းပြန်လွှတ်ပြီး ရှောင်းကျန့်လက်‌ကိုဆွဲကာသူ့နားကိုခေါ်လိုက်သည်။