Unicode
ရွက်စိမ်းဆောင်ရှေ့တွင် ချောင်မင်စီအရှေ့လျောက်လိုက်အနောက်လျောက်လိုက်နဲ့ ယောင်လည်လည်ဖြစ်နေသည်။ သူဘယ်ကဘယ်လိုစပြီး ရင်းနှီးမှုယူရမလဲသူမသိ။ သူကစစ်ပွဲတွေကိုသာစိတ်ဝင်စားခဲ့တာကြောင့် ဒီနယ်ပယ်ကသူ့အတွက်ခက်ခဲလွန်းတယ်။ ပြီးတော့ မင်စီကအနိုင်ရတာပဲကြိုက်တဲ့လူမျိုး၊ တကယ်လို့ ရှောင်းရီက သူ့(မင်စီ)ကိုမချစ်နိုင်ပဲ ဝမ်ဧကရာဇ်ကိုပဲချစ်တာဆို သူရှုံးပြီလေ။
အဆောင်ရဲ့မနီးမဝေးမှာ လမ်းလျောက်နေတဲ့စစ်သူကြီးေချာင်ကြောင့် ရွက်စိမ်းဆောင်ေရှ့မှာရပ်ေစာင့်ေနတဲ့အထိန်းတော်ချန်ကမနေနိုင်တော့ပဲ သွားမေးလိုက်သည်။
"စစ်သူကြီးချောင်ကို ကျွန်တော်မျိုးနှုတ်ဆက်ပါတယ်။
ရွက်စိမ်းဆောင်မှာဘာကိစ္စများရှိလို့ ခေါက်တုန့်ခေါက်ပြန်လျောက်နေရပါသလဲ"
"အဲ..အဲဒါက... အဲဒါကလေ"
စကားထစ်နေတဲ့စစ်သူကြီးချောင်ကြောင့် အထိန်းတော်ကစကားပြန်ကိုမျှော်လင့်တကြီးနဲ့စောင့်နေရှာတယ်။ ထိုအချိန်အဆောင်ထဲကရှောင်းရီထွက်လာပြီး တံခါးနားမှာအထိန်းတော်ချန်မရှိတော့ ဘေးဘီဝဲကြည့်လိုက်တော့ အထိန်းတော်ချန်က စစ်သူကြီးချောင်နဲ့စကားပြောနေသည်ကုိေတွ့လိုက်သည်။ အထိန်းတော်ကိုဘာပြောချင်နေတာလဲမသိ၊ စစ်သူကြီးကစကားထစ်နေသလိုပဲ။ ရည်းစားစကားပြောဖို့ မပြောရဲတာများလား။ ဒါဆို သူ(ရှောင်းရီ)ကူညီရတော့မှာပဲ။ ရှောင်းရီသူတို့အနားကိုသွားလိုက်သည်။
ရှောင်းရီ မင်စီတို့နားကိုရောက်လာတော့ အထိန်းတော်ကရှောင်းရီနောက်ကိုသွားရပ်သည်။ စစ်သူကြီးချောင်ကလဲ ရှောင်းရီရောက်လာတော့ ရှက်ကာမျက်နှာအနည်းငယ်ရဲလာသည်။ ရှောင်းရီမျက်နှာရဲချင်နေတဲ့စစ်သူကြီးကြောင့် သူထင်တာမှန်ပြီလို့ တထစ်ချတွေးလိုက်ကာ စစ်သူကြီးချောင်ကိုရယ်ပြလိုက်ပြီး
"စစ်သူကြီးချောင် ရွက်စိမ်းဆောင်ကို ဘာကိစ္စရှိလို့များပါလဲ
တစ်ယောက်ယောက်ကိုလာတွေ့တာလား"
ရှောင်းရီကရည်ရွယ်ချက်ရှိရှိနဲ့ သူ့နောက်ကအထိန်းတော်ချန်ကိုကြည့်ကာပြောလိုက်သည်။ သို့သော်တစ်ဖက်ကချောင်မင်စီကတော့ ရှောင်းရီပြောတာမှန်နေတာကြောင့် ဘာပြောရမှန်းမသိတော့။ သူကတကယ်ရှောင်းရီကိုလာတွေ့တာပဲလေ။
YOU ARE READING
My Husband is from a Prohibition Book
Fanfictionငါကအခုတစ်ခါမှမဖတ်ဖူးသေးတဲ့စာအုပ်ထဲရောက်နေတာလား!! ငါကအခုတစ္ခါမွမဖတ္ဖူးေသးတဲ့စာအုပ္ထဲေရာက္ေနတာလား!! Start-19.8.2021 End-5.12.2021 စာရေးသူ၏စိတ်ကူးသက်သက်သာ။
