Unicode
ရှောင်းကျန့်ေနာက်တစ်နေ့မှာပဲ စံကားဆောင်ကိုပြောင်းခဲ့သည်။ မိဖုရားခေါင်ရှန်းနဲ့ကြင်ယာတော်ထန်တို့က ဝမ်ဧကရာဇ်ကရှောင်းကျန့်ကို အဆောင်သစ်ကိုချီးမြှင့်တယ်ဆိုသောသတင်းက သူတို့အတွက်ဒေါသထွက်စရာပဲ။ သို့သော်ဘုရင့်အမိန့်မို့ဘာမှမပြောခဲ့။
ရှောင်းကျန့် သူ့အဆောင်ဧရိယာကနေ ဘယ်မှမသွားဖြစ်။ ရှောင်းရီကတော့ နေ့တိုင်းသူ့အဆောင်လာနေတာပဲ။ ပြီးရင်ပွစိပွစိပြောပြီ၊ ရွက်စိမ်းဆောင်နဲ့စံကားဆောင်ကနာရီဝက်နီးပါးလမ်းလျောက်ရလို့ပါတဲ့။ ဝမ်ဧကရာဇ်ကလဲရှောင်းကျန့်စီ နေ့တိုင်းနီးပါးလာသည်။ ဘာအကြောင်းပြချက်ထွေထွေထူးထူးမှမရှိပဲ စာအုပ်တချို့ကိုင်ကာလာတတ်သည်။ မေးရင် 'ကျန့်ငယ်အဆောင်မှာ စာဖတ်ရတာ တကယ်သက်တောင့်သက်သာရှိလို့' တဲ့။
ရိပေါ်ကညီလာခံရှိတဲ့ရက်မျိုး သဝန်လွှာတွေဖတ်ရမှာမို့အလုပ်များတဲ့ရက်မျိုး တွေဆိုမလာတတ်ေပ။ အဲလိုနေ့မျိုးတွေဆို ရှောင်းကျန့်လေးဝမ်းနည်းရတာပေါ့။ ကိုယ်ကအပြင်ထွက်ဖို့ပျင်းတဲ့သူဆိုတော့ တွေ့ရဖို့ကသေမှမသေချာတာ။ ရှောင်းရီက ဝမ်ဧကရာဇ်လာပြီဆိုတာနဲ့ ပြုံးဖြီးဖြီးလုပ်ပြီး သူ့အဆောင်သူပြန်ပြီ။ တစ်ခါဆိုအရှင်ကမေးတဲ့အထိ၊ 'ကိုယ်လာလို့ ကြင်ယာတော်ရှောင်းနဲ့တွေ့ရင် သူကဘာလို့ ပြုံးဖြီးဖြီးနဲ့ဖြစ်သွားတာလဲ' တဲ့ ရှောင်းကျန့်တို့ဘယ်လိုပြန်ဖြေရမလဲ။ 'ကျွန်တော်က အရှင့်ကုိသဘောကျနေလို့ သူကစနေတာပါ' လို့ပြောလိုက်ရမှာလား။ ရှက်စရာကြီး!
ဒီနေ့တော့ပျင်းလို့ ရှောင်းကျန့်အပြင်ထွက်ဖို့ စဉ်းစားထားတယ်။ ရှောင်းရီကလဲသွားကြမယ်တဲ့။
"ရီလေး ငါတို့ဘယ်သွားကြမလဲယ နန်းတော်အပြင်ထွက်ဖို့ အရှင့်ကိုခွင့်တောင်းကြရင် ကောင်းမလား"
"အရှင်လား ငါတို့ကိုနန်းတော်အပြင်ထွက်ခွင့်ပေးမှာ
နင့်ကိုစိတ်မချလို့သွားခိုင်းမှာမဟုတ်ဘူး"
"ဘာလို့ငါ့ကိုစိတ်မချရမှာလဲ"
"သူကနင့်ကြိုက်နေတာလေ"
BINABASA MO ANG
My Husband is from a Prohibition Book
Fanfictionငါကအခုတစ်ခါမှမဖတ်ဖူးသေးတဲ့စာအုပ်ထဲရောက်နေတာလား!! ငါကအခုတစ္ခါမွမဖတ္ဖူးေသးတဲ့စာအုပ္ထဲေရာက္ေနတာလား!! Start-19.8.2021 End-5.12.2021 စာရေးသူ၏စိတ်ကူးသက်သက်သာ။
