My Husband is from a Prohibition Book

XXVIII

Unicode

ရာသီတွေအလီလီပြောင်းလဲလာသည်။ ဘာလိုလိုနဲ့ ရိပေါ်နဲ့ရှောင်းကျန့်တို့လက်ထပ်ခဲ့တာ နှစ်နှစ်ဆိုတဲ့အချိန်ကာလကိုရောက်နေပြီ။ အချိန်တွေသာပြောင်းလဲသွားတယ် ဝမ်ဧကရာဇ်ကတော့သူ့ရဲ့ဧကရီလေးကိုသိပ်မြတ်နိုးပြီးသိပ်ချစ်တာတဲ့။ ချစ်လွန်းလို့ အဆောင်ထဲကနေပေးမထွက်ချင်လောက်တဲ့ထိပါပဲ၊ ဘာလို့ဆို ဝမ်ဧကရာဇ်ကအရမ်းကိုသဝန်တိုတတ်လို့ပါ။ ဒီနှစ်နှစ်အတွင်းမှာ နန်းတွင်းအမတ်အသစ်လေးတွေခန့်အပ်ထားတယ်။ ရှောင်းကျန့် ထိုအမတ်တွေထဲ အမတ်ပေါက်စလေးတစ်ယောက်နဲ့ရင်းနှီးခဲ့သည်။

ထိုအမတ်လေးကနေ့တိုင်းနီးပါး ရှောင်းကျန့်နဲ့ နန်းတွင်းကိုပတ်သွားတတ်တာကြောင့် နန်းတွင်းထဲကောလဟာလတွေပြန့်နှံ့လာသည်။ အဲရက်ပိုင်းရိပေါ်ကလဲ တိုင်းပြည်ရေးရာတွေနဲ့အလုပ်ရှုပ်နေတာကြောင့် ရှောင်းကျန့်နဲ့မတွေ့ဖြစ်ဘူး။ သတင်းကြားရတဲ့ချိန်မှာ ရိပေါ်စိတ်အရမ်းဆိုးပြီး ရှောင်းကျန့်ကုိ‌ေအာ်ခဲ့၏။ အဆောင်ထဲကနေဘယ်မှမသွားရဘူးဆိုတဲ့အမိန့်ကိုပေးခဲ့သည်။ ရှောင်းကျန့်ကရိပေါ်ကိုလန့်ပြီးငိုသွား‌တာကြောင့် ရိပေါ်နောက်များတော့ ရှောင်းကျန့်ကိုလေသံမာမာ‌နဲ့တောင်‌မပြောတော့ပါ။ သို့သော် ရှောင်းကျန့်ကိုတော့ရိပေါ်မပါပဲ နန်းတွင်းထဲလျောက်မပတ်စေတော့ဘူး။ တကယ်တော့ အမတ်ပေါက်စလေးက အားစုကုိသဘောကျနေတာကြောင့် ရှောင်းကျန့်ကိုအကူအညီတောင်းနေခဲ့တာပါ။ တကယ့်အကြောင်းအရင်းမှန်ကိုရိပေါ်ကိုပြောပြ‌လဲ ရိပေါ်ကအရမ်းကိုသဝန်တိုတတ်တာကြောင့် ရှောင်းကျန့်ကိုသဲသဲလှုပ်၏။

သိပ်မကြာခင်အချိန်မှာတော့ သတင်းတစ်ခုနန်းတွင်းထဲရောက်လာသည်။ အဲဒါကတော့ ရှောင်းရီနဲ့စစ်သူကြီးချောင်တို့က လက်ဆက်ကြတော့မည်တဲ့။ ထိုသတင်းကကောလဟာလတွေကိုဖြစ်စေသည်။ နှစ်ကြာပေမယ့် ရှောင်းရီကနန်းချခံခဲ့ရတဲ့ ကြင်ယာတော်တစ်ယောက်ဆိုတာ မပြောင်းလဲတာကြောင့် လူတွေပါးစပ်ထဲမှာ 'ရှောင်းရီက ‌စစ်သူကြီးနဲ့ဖောက်ပြန်ခဲ့တယ်၊ ဧကရာဇ်ကသိတော့ ရှောင်းရီ့အကိုတော်မျက်နှာကြောင့် ရှောင်းရီကိုနန်းချတဲ့ထိပဲလုပ်ခဲ့တာ၊ စစ်သူကြီးနဲ့ဧကရာဇ်ကလဲရင်းနှီးတဲ့ဆက်ဆံရေးရှိတာကြောင့် ဒီလောက်ထိပဲဖြစ်တာ' အစရှိတဲ့‌ရှောင်းရီကိုပုတ်ခတ်ပြီးပြောဆိုမှုတွေများလာခဲ့တယ်။