السلام عليكم
*بس للتوضيح ترا انا منزله الروايه بس تجربه اذا حصلت عليها دعم بكمل*
طبعاً نحن ما بنعرف ع الشخصيات تفصيلاً لكن بنقول الاعمار
الشخصيات
عايلة بو ثنيان
ثنيان : عمره ٢٢
نهيان : عمره ٢٠
هزاع : عمره ١٨
هند : عمرها ١٦
اليازية : عمرها ١٢
عايلة بو بطي
بطي : عمره ١٨
شيخه : عمرها ١٧
احمد : عمره ١٣
عايلة بو محمد
محمد : عمره ٢٠
حمد : عمره ١٨
عنود : عمرها ١٧
فاطمة : عمرها ١٤
عايلة بو فيصل
فيصل : عمره ١٩
حمدان : عمره ١٨
علي : عمره ١٦
احمد : عمره ١٤
عليا : عمرها ١٢
ف بيت بو ثنيان
هزاع كان يالس ف السيارة يتريا ثنيان
هزاع موته ولا انه يتريا،، ما يحب اييلس ف مكان واحد وما يسوي شي عشان حد
ما كملت دقايق وركب عنده ثنيان
ثنيان : علومكك
هزاع : مب بخير،، ومطنقر وبستخف بعد
ثنيان وهو يعرف شو مسوي : ليش ليش ليش؟؟
هزاع : عنبووهه منقعني نص ساعه ف السيارهه،، حريمه انت تتلبس ه الكثر؟؟ هلكتناا والله العظيم
ثنيان : خيبه خيبه ه الكثر شال عليّه،، ياخي والله اسف بس تعرف يعني لازم نكشخ وجيه
هزاع : حق منو تكشخ ؟؟ (حرك السياره) والله محد يستاهل !!
ثنيان سكت
هزاع : بلاك سكت؟ عادي تكلم ترا ما باكلك،، هاي وجهه نظر من صوبي
ثنيان : هزاع ممكن افهم شو مشكلتك بالظبط،، ليش تكره البنات؟؟
هزاع : لان كلهم نفس الشي،، ماشي وحده سيده كلهننن خياس باختصار
ثنيان : الله يهديك
هزاع : امينن
راحوا صوب ال... مول
نزلوا ويلسوا ف واحد من الكوفيات
وحصلوا هناك الشباب
هزاع لسوء حظه جابل مجموعه من البنات
