طبعاً روضة كانت ف حاله يرثى لها،، كانت يالسه بروحها وتصيح لانها تعرف ان الحادث مب هيّن،، وزاد خوفها يوم قالولها انه وايد تعبان
وهي تصيح اتذكرت يوم هزاع قالها ان (*انا نسبة اني اعيش عشره بالميه بس*)
و زاد صياحها
بعد ساعه دقولهم وقالولهم ان هزاع ف العنايه ودخل ف غيبوبه و ما يعرفون متى بيقوم
بعد ثلاث ايام من التعب والمعاناه والمشقه والصياح
بطي دق ع روضة
(روضة باستغراب : هلا
بطي بوناسه : روضة هزااع قااام،، وطلعوه من العناايهه
روضة فرحت وقالت بعدم تصديق : جذاب
بطي : والله روضة والله
روضة : الحمدللهههه الحمدللههه،، ونستنيي بطييي
بطي : والله انا اللي احسني طاير من الوناسه،، روضة صح هن ثلاث ايام بس حسيتهن ثلاث سنين والله
روضة ضحكت
بطي : المهم يله انا بسكر
روضة : تمام،، باي
بطي : باي)
طبعاً كلهم اتجهوا للمستشفى الا روضة،، لانها يلست مع ذياب
كانت يالسه ف الصاله،، دخل حمدان
حمدان بابتسامه : اوه انتي هني؟
روضة ابتسمت ابتسامة تغطيه
حمدان : شحالج؟
روضة : تمام
حمدان : افا ما بتسألين عن حالي
روضة سكتت
ف المستشفى
هزاع توه واعي
كان بعده مب مستوعب شي
تم يتطالع فوق لمدة خمس دقايق، كانوا يكلمونه بس ما يرد
سمع ام سلطان تقول ان روضة ف البيت
هزاع تحطم لان كان وده يجوفها،، يلس يتذكر الحادث وكيف صار
ام ثنيان : هزاع امي رد عليّه دخيلك
هزاع لف يتطالعها بتعب
ام ثنيان : كلمني،، انت بخير؟ ب شو تآنس؟ انزين شو صار؟
هزاع ملتزم بالصمت
بو ثنيان : خلوه ما فيه شي
هزاع : لا...فيني (رد يتطالع فوق عشان ما يجوف حد)
بعد اسبوع رخصوا هزاع وكان بعده مب جايف روضة
هزاع كان ف سيارة بطي
هزاع : مشتاق للبيت
بطي : البيت ولا اللي ف البيت
هزاع ضحك : الاثنين،، هي ف البيت؟
