وضة : انا هزاع؟
هزاع : ما يبت طاري اسمج
روضة : لا بس مبين ان انا
هزاع : اسولف اسولف،، اصلن جفتي ويهج كيف استوى يوم كسرت العطر
روضة سكتت
هزاع : يله فديتج روحي
مشت روضة وهي متوجهه للباب ومستغربه من تغيير هزاع المفاجئ
هزاع بروحه كان مصدوم من اللي سواه وما يعرف كيف تجرأ
الساعه تقريباً اربع العصر
كانوا الشباب متجهين للمول
(سلطان، بطي، حمد، محمد)
و ف السياره الثانيه
حمدان يسوق وهزاع عداله
ومعاهم (عنود، غلا، روضة، هند، شيخه)
كانت روضة يالسه مع غلا وشيخه جدام،، و وراهم عنود وهند
وبالتحديد روضة كانت يالسه ورا حمدان
وحمدان كان مضبط الجامه ع اساس يجوف روضة،، وهزاع ما فاتته وكان متأذي من ه الشي
هزاع كان يالس عكس يعني ريله عند المكان اللي يحطون فيه الظهر وكل تركيزه ع روضة
هزاع : حمدان بشغل اغنيه عطني فونك
حمدان مد ايده وهو يعطيه الفون
شبك هزاع الفون وشغل وبدا يغني
(انت الذي ما يشبهك بالملا حي
مالوم من سماك سيد العذارى
يا بو عيون كل ما ناظرت في
اتوه وسط الناعسات السكارى)
حمدان : اقولك
هزاع قصر ع الاغنيه : هلا
حمدان : ادخل ع المحادثات اللي بيني وبينك وجوف اخر فيد مره ثانيه
هزاع : سناب ولا واتس؟
حمدان : سناب
دخل وانصدم من جاف يوزر روضة عنده
ولحسن حظه كانن محادثات حمدان مسجله لمدة ٢٤ ساعه
(حمدان : هلا، روضة ردي،، رواض بقولج شي ردي، اسمعيني انزين بس،، لليشش ما ترديين روضة، انا متأكد ان ها حسابج)
شغل الفيديو واصطنع الضحكه
وعقب قال بانفعال
هزاع : هند هاتي فونج،، ولا اقول روضة عطيني
روضة فجت فونها وعطته
هزاع دخل سناب وبلك حمدان
عقب دخل النوتس وكتب ( روضة تراني بلكت حمدان، اسف بس ماباه يكلمج)
