هزاع خنقته العبره وده يصيح بس مب قادر
هزاع : مهير شي ف خاطرك؟
مهير : هيه
هزاع : امر
مهير : هزاع لا تضايق بعمرك،، لو منو ما كان مضايق بك،، طزز فيه و ف ابوه بعد،، والله يا هزاع لك معزه وغلا ف قلبي وصدقني هاللي مضايق بك ما يعرف قدرك ومكانتك،، ما اقول جيه لاني ربيعك اقول جيه لاني من اول ما جفتك قلت هذا ريال ما عليه كلام،، والله يا هزاع الكل يتمنى يكون انت،، ما شاء الله عليك،، واكيد اللي مضايق بك مقهور منك
هزاع : والله اني ماعرف شقولك،، كل الكلام طار عني فجأه،، مشكور والله
مهير : ماله داعي تشكرني،، هزاع طلبتك
هزاع : عطيتك
مهير : سر لامك باجر خلها تقرا عليك،، جايف بك حلم مب زين،، و مرتعب عليك
هزاع : ان شاء الله،، وما عليك انا ما فيّه شي اموري طيبه
مهير : يله عيل السموحه ثقلت عليك
هزاع : مسموح الغالي
مهير : ربي يحفظك مع السلامهه
هزاع : ف امان الله)
بند هزاع
ام ثنيان : بسم الله
هزاع : امايه لا تخافين تراه الا حلم
ام ثنيان : حتى ولو حلم،، لازم احاتيك جوف الولد كيف خايف
هزاع عدل يلسته وراح صوب امه باسها ع راسها : والله ما فيّه شي لا تحاتين
يلسوا شوي و سولفوا وعقب ردوا البيت وكل واحد اتجه ل غرفته ورقد
اليوم اللي عقبه
(آخر يوم ف المزرعه)
روضة : احمدن ربكن،، غيركن كان يالس ف البيت وانتن فالحات تتحظن
هزاع اللي توه ياي : هيه والله صدقهاا
هزاع كان واقف وراها،، قرب من روضة وهمس ف اذنها : خذوا حبيبتي قدوة لكم
ضحك هزاع وراح يلس ع الكرسي عدالهم وهو يتريا بطي
هند : هزاع وين بتروحون؟؟
هزاع : بيسبحون الشباب
هند : هني؟
هزاع : لا هناك
هند : ههه ضحكتنيي
هزاع : يعني وين بيسبحون؟
هند : مادريبهم،، انت بتسبح وياهم؟
هزاع وهو يتطالع روضة : مادري
روضة وهي تلمح : عادي اذا ما تبا تسبح تعال اييلس ويانا
ضحكن البنات لأن عبالها انها تتطنز عليه
هزاع : وانتي اذا ما تبين تيلسين وياهن تعالي اسبحي معانا
