هزاع : ترا اخوج غبي مع احترامي الشديد
روضة اتطالعته باستغراب
هزاع : شو ؟؟ خلاج عندي ف الغرفه وطلع
روضة : اوه
هزاع : انتي بخير احين؟
روضة : هي
هزاع : لا تتضايقين، ها سلطا...
هند دخلت وقطعت عليه
هند : شو تسوي هني
هزاع بخبث : احضن روضة
روضة كانت مب مستوعبه شي
هند : ها ها ها ضحكنا
هزاع : يله اطلبي ما عندي يومي كله لج
هند : شو تبااا،، يعله ما حدر قول امين
هزاع : اول شي هاي جملتيه ي الدبه لا تقولينها، وثاني شي هاي يزاتي كنت بطلبلكن معانا، وثالث شي طلبي بسرعه يله
هند يلست تطلب وهزاع يطفر بها
هزاع : الذيب تعال يله
ذياب راح عند هزاع
هزاع : وعن افلام الرعب اللي مالها داعي
هند : انزين
طلع هزاع مع ذياب
يلسوا ف الغرفه الشباب وعقب سلطان وبطي طلعوا عشان الغدا وهزاع وذياب رقدوا بتعب
عقب الغدا روضة كانت تبا توعي ذياب عسب يرقد فليل
هند بطلت باب الغرفه بهدوء
هند : انا بطلت الباب وانتي وعيه
روضة : تستهبليينن؟؟
هند : لا يله ادخلي،، انا ما فيّه انلعن
روضة : هنّود
هند ربعت بسرعه
روضة قربت عشان تشل ذياب وتطلع بس ذياب صاح
هزاع حرك راسه بهدوء وفج عيونه وانصدم ان روضة ف غرفته
هزاع : اذا كان حلم دخيلج لا توعيني
روضة ابتسمت : سوري كنت باخذ ذياب وبطلع
هزاع بتعب : برايه خليه
روضة : فليل ما بيطيع يرقد هزاعوه
هزاع : بوعيه،، بس ببدل اول
روضة : زين
سمعوا صوت شباب يايين،، هزاع قام بسرعه وقفل الباب
روضة اتوترت من تواجدها ف الغرفه
هزاع اشرلها تسكت
يو سلطان وبطي دقوا الباب بهدوء وراحوا،، لان بطي ما يحب يوعي هزاع اذا راقد وتعبان
هزاع بهمس : اييلسي هني بروح ابدل وبيي،، خذي راحتج
روضة ابتسمت رغم الخوف اللي تحس فيه
