بعد يومين كانوا مسوين حفله عسب تخرج الشباب
( هزاع - بطي - حمد وكانت روضة داخله عرض لانها البنت الوحيده )
دخلوا المييلس وقوم روضة كانن متواجدات
هزاع اول ما دخل رفع ايده عسب يسلم ع روضة يعني يسويلها هااييي (بس يعني مب هاي،، ياخي رفع ايده ونزلها وخلاص)
عقب مشا ويا بطي
بطي : غبي انت؟
هزاع : شسويت
بطي : كيف تسلم عليها ؟ والله لو جافوك بيدفنونك
هزاع : طزز
بطي : انا غسلت ايدي منك
هزاع : اغسلها ب صابون بعد
بدوا ب الاحتفال وكل مره يسوون شي
الشباب كانوا يالسين بملل
هزاع : ابغي ايول
حمد بلقافه : انا بعد
سلطان : فوقه يله طلعنا
هزاع : المييلس الثاني فاضي؟
سلطان : اظن هي
يوم يو بيطلعون زقرتهم عمتهم
عمتهم صغيره ف العمر (عمرها عشرين) اسمها فاطمة
هزاع : هلا فطامي
فاطمة : هزاع وين بتروحون
هزاع : المييلس الثاني
فاطمة : ليش؟
هزاع قرب منها وما يفرق بينهم غير سنتمترين
(روضة بسرعه لفت تطالعه
روضة : هذا ليش جيه مقرب منها،، بنت عمه هاي مب اخته عشان جيه يقرب منها
*ما كانت تعرف انها عمته)
فاطمة : هيي،، وليش تطلعون تعالوا يولوا هني
حمد : ها هني؟
فاطمة : هي تعالوا
شغلت اغنية لليوله واشتطوا الشباب
وطبعاً هزاع ابدع باليوله
يوم خلصوا شغلت فاطمة اغنية لليوله بس غير هاي
هزاع راح مسك ايدها وسحبها صوبهم ويلس ايول وياها
هزاع : عاشت فطاامي
فاطمة وهي تضحك : صدق سكارة عيالكم
هزاع : عاااشوو
(صقف المييلس كان شوي عالي )
فر هزاع اليوله فوق وطاحت (مب ع الارض) ف نزل ع الارض وكمل وكلهم يصفقوله
راح صوب هند اونه ايوول واللي عدال هند روضة،، ف ابتسم وغمز لها و وقف رد مكانه
خلصت الاغنية و ردوا يلسوا الا هزاع انسدح لان خاصرته كانت تذبحه من الالم بس حاول يبين ان ما فيه شي،، حط راسه ع ريل بطي