هزاع : ليش مستحيه انزين .. عادي ناقشيني بدون مستحى
روضة : ..
هزاع : رواض في مشكله صغيرونه
روضة : اللي هي؟
هزاع : ماقدر اكلمج لين املج عليج
روضة : شوو ؟؟
هزاع : عشان ابوج
روضة بنبرة عذبت هزاع : هزاع ماقدر بدوونك
هزاع : ولا انا اقدر والله .. بس شنسوي ما بإيدنا غير ه الحل
روضة : ..
هزاع : دخيلج عيوني .. طيعي شوري .. وحذفي كل المسجات اللي كانن بيننا ورقمي حذفيه
روضة : ان شاء الله
هزاع : يله ان شاء الله بيكون لقاءنا بأقرب وقت
روضة ابتسمت
هزاع رد لها الابتسامه ويا بيروح عنها : مع السلامه
يوم مشى
روضة : هزاااع
هزاع لف اتطالعها
روضة قربت منه .. وباسته ع خده بهدوء : احبك!!
هزاع ابتسم ورد سوالها نفس الحركه .. باسها ع خدها وقالها بهمس : ما احبج وبس .. احب طاريج
روضة ابتسمت ومشت عنه
بطي دق ع هزاع
(بطي : انت وين؟
هزاع : ياي
بطي : انزين
**بطي نسى يسكر
(هزاع وهو يمشي راد صوب السياره سمعه وهو يكلم هند)
بطي : احين بيي .. المهم كيف يعني؟؟
هند : ماعرف .. احس في سبب ثاني .. يعني ابويه مب بس يحبهم لأنهم يشبهون امهم .. واحس يعني هو مب ماخذ امي غصب .. في سالفه صايره
بطي : و شو اللي خلاج تشكين ب كل ها؟
هند : بقولك بس لا تقول ل هزاع
بطي : انزين
هند : قبل فتره ابويه ضرب امي .. (نزلت راسها) ادري عيب اقولك ه الشي بس واثقه بك .. المهم مب ها موضوعي .. سمعته يسبها يعني سب وايد قوي .. و قالها صدقيني للحين ما بردت حرتي فيج وان من عقب اللي سواه محمد المفروض ما تكونين هني وهو ما يكون عايش .. حتى اتخيل قال مستحيل اخطب روضة ل ولدج
بطي : بس ويت شدخل ها ف ها
هند : مادري ها اللي محيّرني
بطي : وليش ما تبين تقولين ل هزاع؟
هند : هزاع تدريبه كيف عصبي .. اخاف يسوي سالفه وامي ما اتوقع تبا حد يعرف
بطي : بس ما تعرفين يمكن يساعدها