هزاع طلع واتجه للمكان اللي يالسين فيه امه وخالاته
راح يلس عدال امه
هزاع وبكل ثقه وجمود : اباها
ام ثنيان باستغراب : منو ؟
هزاع : روضة،، امايه ما يستوي ياخذها ولد عمها،، انا اباها،، ادري اني صغير وان بعدني مب ف عمر زواج، بس اباها امي دخيلج،، دخيلج جانج تغليني اخطبيها لي،، امي حرام تنجبر عليه ما تحبه،، امايه دخيلج مابا اجوفها تروح من عيني وانا بكل برود اتطالعها
ام سلطان : هزاع امي تبغي شي؟
هزاع : هي
ام ثنيان : لا ما يبا شي،، (كملت بهمس) خلاص هزاع بكلم ابوك
هزاع : متى؟
ام ثنيان : اليوم
هزاع وهو يكلم ام سلطان : ابغي سلامتج خالوه
طلع هزاع
وما رام يكلم ابوه بنفس اليوم لان ابوه اتأخر ف المييلس ف اجلها لليوم اللي عقبه
هزاع راح يشل البنات من دواماتهن
وهم رادين
هزاع قرب من هند
هزاع بهمس : هنّود
هند : هلا
هزاع : ابا اكلم روضة
هند اتطالعته بعياره : منو ؟
هزاع : ما استهبل ابا اكلمها
هند : انزين ؟
هزاع : بروح صوب الكرنيش انتي سولفي ويا شيخه وانا بكلمها
هند : زين
هزاع : لا تقولين ل حد ها
هند : من عينيا
هزاع راح صوب الكرنيش ونزلوا كلهم
ابتعدن هند وشيخه
هزاع وهو يتطالع روضة : اسف
روضة لفت يمين لانها صدق متفشله من هزاع
هزاع : تعالي بنييلس
مشوا وبعدين يلسوا ع كرسي متواجد
هزاع وبكل هدوء : بكلم ابويه اليوم
روضة سكتت
وبعد هدوء
روضة شهقت : هءء وين البنات؟؟
هزاع اللي ماله خلق يتكلم،، ضحك
روضة : شو ؟ كيف انا يالسه معاك وهن معانا
هزاع : ع اساس ما جافوج ف حضني امس
روضة بفهاوه : ها؟
هزاع : امس دخلن يوم كنت معاج وبعدين طلعن مره ثانيه
روضة : صمتتت
هزاع وهو يضحك ع شكل ويهها : شفيج؟ عادي عادي هنّود مستحيل تقول ل حد،، وبخلي بطي يكلم شويخ
