خلص بطي وسجل فويس
بطي : خلاص كملوا
هزاع خذ سماعة بطي وعطاها روضة
هزاع : عطيها بطي
روضة عطت بطي السماعة
هزاع : البسها واسمع اغاني .. ابا اسولف ويا قلبي
بطي : اوكيهه
هزاع مسك ايد روضة ويلس يسولف معاها .. يوم قربوا يوصلون ابتعدت روضة و وعت البنات
نزلوا ومشى هزاع مع البنات
دشوا محل وكان وايد مزدحم
يوم وصلوا صوب الكاشير
كان هزاع واقف جدامه البنات
يا واحد بيقرب من عنود .. ف هزاع حط ايده بحيث ان يفصل بين الريال وعنود
عنود : لييششش؟؟
هزاع : شو ليش؟
عنود : ليش حطيت ايدك .. ما جفته كيف مزيون .. لو خليته يقرب مني
هزاع اتطالعها بنظره حاده
يت هند وحضنته : فديت اخويه الغيور .. انت اييهه انزل شوي ببوسك
هزاع : مشكلتج محد قالج تستوين قصيره
هند حاولت ترفع عمرها وباسته ع خده
هزاع ضحك وباس راسها عقب حاوط ايده عليها .. يعني حاضنتها ع ينب او حاط ايه ع جتفها (افهموها مثل ما تبون)
هزاع بهمس : عندج فلوس؟
هند : هيه
هزاع طلع بوكه وعطاها زياده
هزاع : امسكي هاي احتياط
هند بابتسامه : ششككرراااً
طلعوا من المحل واتفرقن البنات
وطبعاً ثلاثي المرح مع هزاع (هند - شيخة - روضة)
هزاع : حبيبي يله
هند : بتروحون؟
هزاع : هيه بنسير .. اتشرن ومتى ما خلصتن دقن لي
هند وشيخه : ان شاء الله
ساروا هم الاثنين
روضة : هزاع
هزاع : عيوني
روضة : عطني بوكك
هزاع : بوكي وبس .. لو تبيني بكبري اعطيج اياني
هزاع عطاها البوك
تمشوا وخلصوا واتشروا
هزاع و روضة وهم رادين صوب الباقين
روضة وهي تمد بوكه : امسك
هزاع : خذتي كل اللي تبينه متأكده؟
روضة : هيه
هزاع : زين .. خ ناخذ كوفي وعقب نرد
روضة : تمام