بعد اربع ساعات
روضة اتسبحت وراحت عند ابوها
روضة : ابويه
بو سلطان : هلا
روضة : انتوا ما سرتوا؟
بو سلطان : وين؟ بعدها الساعه ثمان
روضة : الساعه عشر ابويه
بو سلطان وهزاع بنفس الوقت : شوو؟؟
هزاع فج فونه وجاف ان صدق الساعه عشر
هزاع : طعع
بو سلطان : والله من كثر ما ان سوالفك حلوه ... ما حسيت بالوقت
روضة : منو قدك هزاع؟؟
هزاع ابتسم : محد قدي
بو سلطان : روضة ييبي كندورتي وتعالي
روضة : ان شاء الله
بو سلطان : لبسي عباتج بعد
روضة استغربت بس ما ناقشته
بو سلطان : عادي عندك لو يت معانا
هزاع : هيه اكيد عادي عمي
بو سلطان : زين عيل لأني ما بغيتها تتم روحها
هزاع : عادي عمي ترا روضة شرات اختيه *ابتسم*
يت روضة
روضة : ابويه تراني ما يبت شي .. حتى فوني ما يبته
بو سلطان : عادي عادي
راحوا يجوفون الذبايح وجيه بس روضة ما نزلت
هزاع قبل لا ينزل مد لها لونه : امسكي العبي .. اذا حد دق لا تردين
روضة : ان شاء الله
هزاع : اقفلي الباب ها
روضة : ان شاء الله
نزل هزاع ولحق بو سلطان
رد هزاع صوب روضة وشافها تتطالع فلم
يوم ركب السياره روضة فزت : بسم الله انت من وين ييت؟
هزاع : من الباب
روضة مدت الفون : امسك
هزاع : كملي كملي الفلم
روضة : برايه
هزاع خذ الفون وفج السده طلع عطر واتعطر
هزاع : احس ريحتيه تيوس
روضة : لا ماشي ريحه
هزاع : سلكيلي حبيبي
اتبطل الباب ودخل بو سلطان
هزاع : ها عمي خلصت؟
بو سلطان : هيه خلصت .. يله خ نسير الجمعيه ونرد البيت
هزاع : حاضر
اتجهوا للجمعيه خذوا اللي يبونه و ردوا البيت
عقب ساعه
