عقب ساعه
ف المستشفى
بطي يالس وهو يفكر ب هزاع
مرن ساعه، ساعتين، ثلاث وهو بعده ما قام
رن فون بطي
(ام ثنيان : هلا بطي
بطي : اهلين خالوه
ام ثنيان : بطي انت وين؟
بطي : ف المستشفى
ام ثنيان : شفييك؟
بطي : لا مب انا
ام ثنيان : منو عيل؟
بطي : هزاع
ام ثنيان خافت : هزاعع بلاهه؟؟
بطي : مادري خالوه،، كنت ياي اجوفه وكان طايح
ام ثنيان : بسم الله ولدي شو ياه
بطي : خالوه ما يحتاي اتكلم انتي تعرفين شو صارله
ام ثنيان : ...
بطي : خالوه بسكر انا بسير اجوفه
ام ثنيان : زين امي طمني عليه
بطي : ان شاء الله
بند)
بعد نص ساعه تفاجأ بأم سلطان جدامه، معاها ولد صغير و روضة وغلا
بطي وقف
ام سلطان : السلام عليكم
بطي : وعليكم السلام
ام سلطان : شحالك
بطي : بخير وانتي شحالج خالوه
ام سلطان : الحمدلله، وين هزاع، علومه؟
بطي : داخل راقد، احسن عن قبل
ام سلطان : شو ياه
بطي : والله خالوه مادري اترياه يقوم عسب اعرف بس اظن تعب عسب الربو وجيه
ام سلطان : هيي
بطي : حياج خالوه ادخلي
فج الباب ودخلت ام سلطان الغرفه اللي كان هزاع فيها ودخلن وراها البنات
بطي راح يابلهم شي يشربونه
عقب عشر دقايق
هزاع فج عيونه ببطء وهو مب مستوعب هو وين وشسالفه وكيف ام سلطان وبناتها وبطي عنده،، قال يمكن اتخيل غمض عيونه ورد فجها ببطء اكثر بس جافان صدق هم يالسين
ام سلطان : هزاع علومك
هزاع بصعوبه : طيب...ه
تم مفهي يتطالع ايده لين تذكر شو اللي صار جاف ان شي ابره ف ايده بس مب موصله للمغذي ف حاول يقوم يغسل ويهه
بطي : هزاع اساعدك
هزاع حرك راسه بالنهي
راح صوب الحمام (عزكم الله) غسل ويهه وتم واقف خمس دقايق يستوعب
