ام ثنيان ضربته ع كتفه بخفيف وقالت بهمس : هزاع شو ه الحركات
هزاع : شو امايه،، تبيني اتطالعهم وهم يخطبونها ل ثنيان واسكت
دخلت روضة ويلست وهم كلهم يتطالعونها
رفعت راسها ونزلته بسرعه
دخلن شيخه وعنود
يلسن البنات ربع ساعه يسولفن
وعقبها
هند : ماماتي
هزاع : يله مع السلامه
شيخه : وين وين؟
هزاع : ماماتي يعني فيها خدمه ل هزاع
كلهم ضحكوا
عنود : نحن من زمان ما طلعنا،، وبما ان هزاع و بطي توهم رادين من السفر ف بنعزمهم صوب الالعاب
ام ثنيان : انا ما عندي مانع استأذنن من خالاتكم
هند : خالوه ام بطوي
بطي : اسمي بطي
هند : زين ام بطوي،، عادي؟
ام بطي بضحكة : هي
شيخه : وام محمد؟
ام محمد : هي
هند : وام سلطان ؟
ام سلطان : هي بس سلطان لازم يروح وياهن!!
هند : افا عليج بناخذه بس (اشرت ع ان ما عندها فلوس)
سلطان : عندي فلوس ي الزطيه
هزاع : مب ساير
بطي : ولا انا
هزاع انسدح ع الارض : اصلن انا تعبان
هند : هزااااع
هزاع : هلا
هند : يله عاد
بطي : مقابل؟
هند : نحن بناخذلكم التذاكر،، انت وهزاع وسلطان
هزاع عدل يلسته : اذا جيه انا موافق،، من احين اقولكم دلع بنات ما نبا،، ولا شرايك بطي؟
بطي : بالظبط
هزاع : سلطان ؟
سلطان : وانا معاكم،، وحركات ابا ها ومابا ها مب عندنا
هزاع وبطي : ايوا
غلا : عوذ بالله مب طلعه هاي،، مدرسه مدرسه
شيخه : صدقج
قاموا الشباب
اليوم اللي عقبه
كلهم متحمسين عشان يلعبون وجيه
وصلوا الحديقه
بطي بحماس : اخييرراااً
هزاع : طعع كيف متشقق الهيس
بطي همس ف اذنه : سلومه هني
هزاع ضحك : سلطان؟
