هزاع ضربه ب الفون ع راسه (بخفيف) : شو اللي كمل؟
بطي : كمل ولا جني موجود
هزاع : شو اكتب
بطي : قول لها لا تغيرين الموضوع
هزاع : *لا تغيرين الموضوع، شي واحد غيري سكن قلبج؟*
*يخسي حد يسكن قلبي من عقبك*
بطي ابتسم ورفع راسه جاف روضة
روضة هني توترت حست خلاص باقي شويي وتذووووبببب
بندت الفون وخلته عدالها
هزاع ضحك : تروعتت
بطي وهو يضحك : مب من شي،، من نظراتناا
شوي ودخل بو سلطان
بو سلطان : السلاام عليكمم
الموجودين كلهم : وعليكم السلام
هزاع وقف بابتسامه : مرحبا ب الغاليي،، تو ما نورت عيونييي
بو سلطان ضحك وخاشمه : مرحبتين
هزاع : حياك حياك
بو سلطان : الله يحييك ويبقيك
يلس بو سلطان صوب الرياييل
هزاع راح وغنم له قهوه
وعقب يلس
بو سلطان : هزاع ولد منو ؟
بو ثنيان : ولديه،، ليش؟
بو سلطان : ما شاء الله عليه ريال،، و ارتحت له وايد رغم صغر سنه
هزاع ابتسم،، حس ان بو سلطان يا ف الوقت المناسب
بو محمد : عيل تونا نقوله انه مب ريال
بو سلطان باستغراب : افا ليش؟
بو فيصل : دومه اييلس عند امه
بو سلطان : انزين واذا يلس عند امه يعني هب ريال؟. بالعكس والله ريال والنعم فيه
هزاع يهمس ل بطي : زخونيي لا اروح احضنه احيينن
بطي وهو يضحك : اصحى اصحى
هزاع : والله اني صااحييي
بو سلطان ب صوت عالي يصل ل الجميع : يا اخواني ترا باجر عازمكم ع الغدا ف بيتي
ام سلطان رفعت راسها بصدمهه "ان ويت انت ما قلتلي ... كيف تعزمهم"
بو فيصل : مشكور وما تقصر ماله داعي تكلف ع عمرك
بو سلطان : ما من كلافه
بو سلطان رفع راسه وجاف ام ثنيان .. اللي من الاحراج نزلت راسها ولا رفعته مره ثانيه
مرت ه الليله حلوه وخفيفه ع الكل
اليوم اللي عقبه الفيّر
قام هزاع ع صوت رنّة فونهه
